حالة غريبة محد يحس فيني ...

[بسمة الم]

السلام عليكم ورحمة الله وبركاته

اخواني اخواتي .. انا اشتركت في المنتدى ابي مساعدتكم في حالتي راح اشرحلكم اعراضي ..

اول شيىء انا فتاة عمري 16 سنة دائما متشائمة ما ادري ليش دايما افكر ان فيني مرض خطير وانظر للمستقبل بنظرة تشاؤم ان راح يصير شيء مو زين وثاني شيء انا وحدة خوافة بشكل مو طبيعي ومخاوفي كثيرة واكثر شيء اخاف منه هو الطبيب على الرغم من اني دايما اروح الطبيب لاني عد وسواسية اي الم احس فيه على طول اروح الطبيب اخاف يصير فيني شيء وكل يوم في شيء يعورني من جسمي .. اما الابرة وما ادراك ما الابرة هي عقدتي وخاصة ابرة تحليل الدم على طول هبوط واوكسجين ومغذي وحالتي حالة جننت الدكاترة يقولولي ما فيش شييء عضوي لكن انا اقول لا فيني شيء (( والحين طايحة بسالفة جديدة لكن هالمرة مو شيء نفسي لانه يجيني فجأة وما ادري شنو احس فيني شيء مو طبيعي كأن قلبي يخفق بسرعة وبعدين يوقف وبعدها تجيني ضيقة وضيق في التنفس وحدة نفس حالتي وبالاخير طلع فيها فتحة بالقلب وماتت هل راح يوصل الحال فيني كذ ..)) فسروري هاذي الحالة
صراحة ما ادري شنو اقول احس شخصيتي ضعيفة الكل يعيرني خوافة وسواسية وكل ما اقولهم شيء يعورني قالولي نفسية تفكرين ..
حتى الدكتور قال لابي اذا عورها اي شيء لا تودها الطبيب لان اللي فيها خوف وقلق وتوتر من الدراسة وغيره ..

وزين بعدين شنو اسوي اظل طول عمري على هالحال بس افكر واوسوس واجنن اعيالي بعدين مثل مو مجننة اهلي معاي ..

ابي مساعداتكم .. بليز .. وجزاكم الله خير

[بسمة الم]

16 مشاهد وراح يزيدون ادري ولا رد ليـــــــــــــــــــــــــــــــــــــــــــــــش

[زكي عزام]

اختي العزيزة بسمة الامل وليس الالم
لعل المشكلة التي تعانين منها هي بالاساس ناتجه عن مشاكل فترة المراهقة ففي هذه الفترة الحرجة من حياة المراهقة يطرأ تغيرات فسيولوجيه وجسمية وعقليه فتكثر التساؤلات في هذه الفترة نظرا للتحولات المهمة في حياة المراهقة . تكون اما على شكل تساؤلات مستمرة او على شكل تصورات عقلية , مما ينتج عن تلك التصورات بعض الاضطرابات النفسيه التي لا يعيها سوى المراهق فقط . لا داعي للقلق من مستقبلك هذه فترة تزول من حياتك فور دخولك في عالم الزوجيه . تقبلي تحياتنا