دخيلكم ساعدوني ابي حل لمشكلتي

[بدر الملتقى]

السلام عليكم

حبيت استفسر عن حالتي ...

انا بنت متزوجة << يعني زوجي مادخل علي ... وصارلي 7 اشهر وبعده مايجرئ يدخل علي .. حاولت اكلمه بالطيب أنه يروح يعالج قام ومد ايده علي وانا والله مب قصدي شي غير انه يتعالج ....

طبعاً قلت لأهلي السالفه ان زوجي كذا كذا يعاملني ومادخل علي و كلهم واقفين ضدي معدى خواتي وأبوي وأخوي أما الباجين واقفين مع زوجي ..

ف أقترحت علي الوالده أن نروح للمطوع <<< وقال ان فيه جنيه وأهي السبب اللي مب مخلتنه يدخل علي .. فتعالج الحمدلله .. والين الحين مادخل علي ..... ويتهمني اني مينونه ولازم ادش الطب النفسي .. وانا الحمدلله بنت جامعيه واشتغل ...

ف اتصلت للقاضي المحكمه خبرته عن حالتي ... قالي تعتبرين مهجوره ... ولازم تنفصلون إذا اهو مايقدر ...

فأنا صبرت وياليت لو أخذ منه كلمه حلوة .. كل يطنز .. ويدخل في شقتي رجال وان شقتي مش مأثثه.. ف يقوم أيلسهم في غرفة النوم ...أي عيشه هذي !!!!!

وفوق كل هذي يخليني بروحي في الشقه لنص الليل .. والشقق اللي بجنبي كل أجانب ...<<< وطبعاً شقتي بعيد عن بيت أهلي فما اقدر اروحلهم ..

و بعد انه وصل للدرجه أنه ما يجيب أكل ثلاجتي فاظيه مافيها شي ... يعني جنه يبي يموتني من اليوع ... ويوم أجيب أكل لنفسي يسير وياكله عني والله بالأيام ما أكل حتى غرشة ماي مايجيبها ..

أبا حل يا جماعت الخير تعبت من هذي العيشه يعني انا متزوجه ابي استقر مابي اتبهدل ...

ساعدوني أخواني ..

أختكم

[حفيد ابن مسعود الهذلي]

أختي بارك الله فيك صدقيني وجدت صعوبة في بعض مفردات الكلمات وأتمنى الحذر من كتابة الهجة حتى لا نقع فالمحظور :

بالنسبة لموضوعك فأنتي على حد قولك جامعية وموظفه ومأعتقد تتركين نفسك للجوع

وبالنسبة إلى زوجك ممكن يكون مسحور ( سحر ربط ) وهذا طبعاً إحتماله 10% لأن سحر الربط معه بعض اتبعات

أكشفي عليه بهذي الطرق

1- نامي بجواره واحتضنيه من الخلف كليكما على جنبه طبعاً بالنوم أن تحركة أطرافه كأحد الأصابع ضعي يديك على بطنه بحنان وتحسسي هل هناك بعض الحركات ببطنه
2- حاولي أن ترتمي في أحضانه ومداعبته شجعيه ساعديه لكي يثق في أمكانيته بدون مساعدتك لا يستطيع ابداً يخاف من الفشل

3- لا حياء في الدين مو شرط الإيلاج هناك امور ببداية الأمر إذا حدث الأنتصاب فهذا بداية بناء ثقته بنفسه

ارجو مواصلتي هناك الموزيد في جعبتي من الكتاب والسنة