مشكله متكرره ويأس فظيع

[أريد حلا]

السلام عليكم ورحمة الله
أخوانى الكرام من اكتر من شهر ونصف وانا اتابع منتداكم من الحين للأخر.

وكم فرحت جدا عندما وجدت هذا المنتدى وعلمت انى لست وحدى فى هذا العالم الذى يشقى بميوله.

ودب الأمل فى قلبى وقلت أكيد سوف أجد العلاج هنا.
ولكـــــن
قبل ولكن أحكى لكم حكايى
ابلغ من العمر 23 عام عشت جلها فى المعاصى بدأ الأمر عندما كنت فى العاشره وقد عودنى بعض اقاربى على اللواط ولكن من دون ادخال
وقد اغتصبنى أحدهم سامحه الله.
مضت الاعوام وق تركت هذا الامر نهائيا ولكن أشربت نفسى باشتهاء الذكور.
انا مشهور بين اهلى بانى على خلق ومتدين
وقد كنت ملتزما جدا ونسيت ميولى هذه او تناسيتها وكنت أدعو الله ان يخلصنى منها
ولكن بدات معاناتى تتضح عندما تعلمت استخدام الانترنت فبدأت من باب حب الاستطلاع بالدخول للمواقع الشاذه والبحث عن صور الذكور

وكنت كلما فعلت هذا النظر ندمت ندما شديدا وبكيت واهتتمت ونويت الا أعود.
ولكن سرعان ما أضعف وأعود وهكذا دواليك فضاع التزامى وان ظل الظاهر للناس ولكن داخلى تحطم
انا لا احب الممارسه مع الذكور وقليل ما افكر فى ذلك ولكنى اشتهى رؤيه الاعضاء التناسليه للذكور
وحتى بعد ما دخلت على منتداكم ظللت ابحث عن الصور الشاذه ولكن بصوره اقل من الماضى بكثير لأنى فعلا أريد التغيير وأريد التخلص من أسر هذه الميول
قرأت على منتداكم الحبيب عن الزواج وكيف انه علاج فاشتاقت نفسى له وبدأت أرغب نفسى فيه
ولكن لازلت خائفا من الاقدام على هذه التجربه خوفا شديدا
وعندى احساس انه لن يقضى على ميولى فانا لا اشتهى النساء مطلقا ولكنى احاول اثناء فعل العاده السريه ان اتخيل انى اناكح النساء
اعذرونى لصريح كلامى
ولكن حياتى تحولت لبؤس وخوف وعلاقتى بربى تنقطع رويدا رويدا والمعاصى يجر بعضها بعضا
فلم اعد اجد قلبى لا فى صلاه ولا فى دعاء


شئ أخر انا لى اصدقاء كثر لا اشعر بميول جنسيه نحو اى منهم ولكن الامر كله لا يعدو تخيل لاعضائهم .
فقدت الثقه فى نفسى وفى ارادتى
واخيرا قررت ان اكتب وان أبوح بما لا يعلمه عنى الا الله على اجد مواسيا او ناصحا او صديقا ابوح له بسرى الذى اثقل صدرى وضاقت به نفسى

والله المستعان

[ففروا الى الله]

اهلا بك وسط اخوانك ممن ابتلوا ببلائك وتغلب عليهم الخير وجهاد انفسهم لما يرضى خالقهم .............اخى الحبيب ستجد ان شاء الله قلوب تود لو تنزعك انتزاعا مما انت فية على الرغم مما ارهق قلبوهم من جهاد نفس الامر ............فسنتساند على بعض حتى ننجوا كلنا ان شاء الله.....ونلتقى عند مليك مفتدر............واعلم ان دخولك المنتدى وسط هؤلاء الاخوة لهوة خطوة بها كثير من الخير ان شاء الله............ولى معك حديث اخر ان شاء الله.............دمت بخير اخى الحبيب

[ففروا الى الله]

لا قوة لا ب الله...........

[dr_m367 hot]

السلام عليكم ورحمة الله وبركاته
الأخ الخلوق المثابر الصارخ بأعلى صوته قائلا ( اريد حلا وتغيرا ) الأخ "أريد حلا"
نزلت أهلا وحللت سهلا
قد ايه انا معجب باصرارك وعزيمتك
وقد ايه فرحت واطمنت لما لقيتك بتقول انك تصفحت فى المنتدى وقريت وبحثت وتشجعت واشتاقت نفسك لأهم خطوة فى علاجنا
واللى كثير بيعدلوا عنها وبيعزفوا منها خوفا من وساوس مش هنكر لازم تكون موجودة لكن والله انما هى وساوس شيطانية ما تريد إلا لتثبيط الهمم وأسر النفوس فى سجن المثلية الجنسية
حتى تيأس من روح الله فتذل وتطغى
لكن حاشا لله
وهيهات هيهات وويلا لهذ الوساوس
أخى الحبيب "أريد حلا"
اضرب بهذه الوساوس عرض اتخن حيطة تشوفها عنيك
بكلمك جد
انا عارف ومتأكد وحاسس بيك بمدى قلقك من هذا الموضوع
لكن احب اقوللك كلمة واحدة طمنت بيها نفسى لما كنت فى نفس مرحلتك من الخوف والجزع لما بدأت افكر فى هذا الموضوع
والكمة هى
(( خوفى من الفشل هو سبب قوتى ))
فكر معى كيف يكون هذا ؟؟؟!!!
منتظر ردك بفارغ الصبر لتكملة الحديث
لكن قبل ما أمشى
بجد من قلوبنا وبنرحب بيك
وبقلوبنا بنقوللك احنا اخواتك واهلك فى الله
وبجد بنفرح لما بنزيد يوم بعد يوم
فالله يطمن قلبك أخى "أريد حلا"
ويهدي سبيلك
ويريح تفكيرك
ويوصللك للخير وللى تتمناه
وعفى الله عما سلف وبدر
أخوك
dr_m367 hot

[أريد حلا]

أخى ففروا الى الله
شكرا لك وعلى نصيحتك انتظر منك نصائحك بفارغ الصبر
وان شاء الله مستبشر خير بدخولى هذا المنتدى


أخى dr_m367 hot
كلامك ريحنى نفسيا
لكن يظل شبح الفشل يلوح أمامى
لانى ببساطه جربت نفسى كتير وفشلت فى خطوات كتير فى حياتى حتى ماتت عزيمتى
لكن بفضل الله اولا ثم بمساعدتكم اتوق لأن أصبح شخصا اخر
وعلى فكرة انا فى بكالوريوس طب وهذا مما يزيد همى لانى اتعرض لكشف العورات وأحس بخيانة الأمانات

[أريد حلا]

اناللأسف بعدما كنت اتألم وأندم بعد كل معصيه أصبحت وبعد تكرار المعاصى غير مكترثا بها الا الهم القليل الذى تكيفت معه ولكن بداخلى بركان خامل
أتمنى أن يثور أتمنى أن أتمرد على نفسى وأن أملك قوة الاراده

صدقونى لما أقول انى مش عارف ألجأ لربنا
حاسس انى مغضوب عليا وان الباب مقفول

مش بحس بحلاوة فى قراءه القران زى زمان

كنت دائما قريب الدمع حاضر القلب من كثرة ذنوبى وندمى

ولكن الان بعدما استشرى الذنب والتهاون به فى قلبى أوهن قلبى وعقلى
فقسا قلبى

نفسى الاقى حد اعيط بين ايديه
نفسى احس انى بنى أدم
نفسى ابكى وابكى وابكى


طب اللى احنا فيه ده ليه؟
طب هل فى ناس اتعالجت فعلا


اللى شايفه من قراياتى ان حتى اللى اتجوزوا لم يتخلصوا من ميولهم
طب انا ابقى عملت ايه لما اتجوز وافضل اميل للذكور

عايز حد يتابعنى ببرنامج عقاب وثواب يمكن يجيب معايا نتيجه
حتقولولى طب متابع نفسك
هاقولكم بكل بساطه لم يعد عندى قوة لانتصر على نفسى فى شئ


عرفتم ليه انا يائس
بس برضه فى احساس من جوايا بيقولى انى هاتغير ولعلكم تكونوا السبب



اللهم يا ودود يا ودود يا ذا العرش المجيد
أهدنى وأشفنى وجميع أخوانى من المبتلين

[علاء كريم]

اولا ارحب بالاخ الفاضل اريد حلا .في االبداية ارحب بك في هدا المنتدى واقول لك نزلت اهلا و حللت سهلا.في البداية اشكرك على صراحتك .من خلا ل قرائتي لمشاركتك اهنئك ان لديك معرفة دقيقة بنفسك و صدقني اخي ان معرفة الدات من اصعب الاشياء .و عندما نتحدت عن معرفة الدات نقصد معرفة عيوبها و نقط ضعفها قبل محاسنها .و هدا لا حظته جيدا في كتابتك.هاته اول نقطة يجب ان تحمد الله عليها.عندما نتحدت عن التغيير يجب ان نضع لانفسنا اهداف بسيطة و نكافا انفسنا عى تحقيق اي هدف مهما كان بسيطا.في البداية لا تضع الزواج كاول هدف يجب تحقيقه.قلت انك تعصي الله و تتوب و هكدا دواليك.اقول لك هدا هو ابن ادم يخطئ و يتوب و يخطا و يتوب حتى تنتصر نفسه الخيرة على نفسه الشريرة.تم اياك اخي الكريم ان تحتقر داتك او تهينها فالمتلية ابتلاء من عند الله .وهنا اقصد المشاعر و الاحاسيس .اما الافعال فنحن مسؤولون و محاسبون عليها .ارجع الى الله تانية فباب الله مفتوح دائما .لا تضع التغيير كهاجس في حياتك فربما تمل و تقوم بردة فعل عكسية.بالنسبة لرؤيتك اعضاء الدكور حاول ان تغض بصرك.ستقاوم مرة و تفشل اخرى و لكن لا تياس .و مع التكرار و مجاهدة النفس سيصبح ان شاء الله سلوك.انت طالب ل بكلية الطب و هدا جيد اي فرغ طاقتك في دراستك .هناك الكتير من الامور و لكن سامحني فانا مضطر لترك الان.و ختاما اقول لك داوم على دخولك المنتدى بشكل يومي .فانا عن نفسي كلما ضعفت .بمجرد دخولي للنتدى و قراءة تجارب و دعم الاخوة .ازداد اصرارا .للحديت بقية في حفظ الله اخي الكريم

[أريد حلا]

اخى الكريم علاء كريم
شكرا لمرورك وكلماتك

.في البداية لا تضع الزواج كاول هدف يجب تحقيقه.قلت انك تعصي الله و تتوب و هكدا دواليك.اقول لك هدا هو ابن ادم يخطئ و يتوب و يخطا و يتوب حتى تنتصر نفسه الخيرة

ما معنى لا اضع الزواج كاول هدف؟

انا احس انى اتوب توبه صوريه بدليل سرعة الرجوع

[محب الخير]

أخي الكريم "أريد حلا"

تحية طيبة،، ومبارك عليك قرارك الشجاع

بمجرد إشمئزازك مما انت تفعل فهذه هي بداية النهاية لما تعانيه، لانه من المعلوم أن التغيير يأتي بداية من اتخاذ القرار بالتغيير ثم يأتي الفعل.

وبما أنك قد قررت ترك ما أنت عليه أنصحك بقراءة مشاركاتي التالي:

كيف تقلع عن الممارسة الشاذة

http://www.ziadazzam.com/vb/showthread.php?t=1373

عمل التنويم الذاتي للتخلص من الشذوذ

http://www.ziadazzam.com/vb/showthread.php?t=1401

كيف تسيطر على قلقك عند ذكر موضوع الشذوذ أمامك من قبل الأسوياء

http://www.ziadazzam.com/vb/showthread.php?t=1413

وجدت حل اللغز بعد طول غياب وبحث

http://www.ziadazzam.com/vb/showthread.php?t=1816

الفرق بين الرغبة والحاجة

http://www.ziadazzam.com/vb/showthread.php?t=1899

أتمنى اخي الكريم أن تجد ضالتك في مشاركاتي السابقة

لك خالص تقديري

اخوك

محب الخير

[أريد حلا]

جزاك الله خيرا أخى محب الخير


مقالات شيقه وجيده

وكنت قرأت بعضها فى السابق

ولكــــــــــــــــــــن المشكله يا اخى فيا انا

حاسس ان فيه حائط سد بينى وبين وسائل كتير من اللى بتقولوها حاسس انها صعبه ومش انا اللى اصبر عليها

موضوع التنويم ده مش مقتنع بيه

بالنسبه للذهاب لطبيب نفسى راودتنى هذه الفكره كثيرا

وسمعت مره د/ هبة قطب (طبعا عارفينها) فى احد البرامج بتقول ان فيه علاج للشذوذ بعيد عن المخالفات الشرعيه اللى بيقع فيها كثير من المعالجين
وقالت ان فيه ناس اتعالجوا بكده
راسلتها على الموقع بتاعها لكن محدش رد عليا

وراسلت استاذ ذكوره فى القصر العينى وبرضه مردش عليا

انا مقتنع بفكرة الزواج لكن محتاج قبلها تأهيل نفسى ومعنوى لانى لو اتجوزت دلوقتى هاتعامل مع مراتى ازاى انا اصلا مش بشتهيها واعذرونى فى اللفظ ( لو عملت قرد حتى) ولو لبست ايه حاجات كتير بتدور فى خاطرى
لكن عزائى انى لما بعمل العاده السريه بتخيل امرأه معى وانا الرجل المكتمل الرجوله

ملحوظتين على الماشى:
* بالنسبه للاخ الذى قرأت له فى احد المشاركات أن النظر لفرج الزوجه حرام

( وعلى ما سمعت من المشايخ فان هذا قول انتشر بين الناس وليس بصحيح بل يحل لك جسد زوجتك كله ويحل لها جسدك كله )
* بالنسبه للعاده السريه فللامام الشوكانى مبحث فيها فى كتاب ( بلوغ المنى) فيه تفصيل كبير للمسأله على عكس ما هو مشهور بين العامه والخاصه.

[أريد حلا]

http://www9.0zz0.com/2008/11/16/21/698469355.jpg (http://www.0zz0.com)

[أريد حلا]

نسيتمونى أخوتى:o

[الطائر الجريح]

هناك عائدون ...بشرى لهم ...
كم تفوح منهم روائح مسك التوبة و الإنابة

أخي الكريم : أريد حلا

عانقت رحاب منتدانا عطر قدومك ...
وتزينت مساحته بأعذب عبارات الود و الحب
و مشاعر الإخاء والوفاء
يأهلا وسهلا بمقدمك الكريم والمنتدى و أعضاؤه تشرفوا بوحلولك بينهم

أخي الفاضل

إن مجرد طرح قضيتك علينا للتشاور دليل واضح و برهان صارخ على
رفضك ومقتك لشذوذك

إن كراهيتك لفعلتك و إقبالك على ربك بالتوبة إثر المعصية لمن الصفات
الإيمانية التي اشار إليها الحق جل في علاه بقوله :
* والذين إذا فعلوا فاحشة أو ظلموا أنفسهم ذكروا الله فاستغفروا لذنوبهم *
توكل على الله حق التوكل و سر في الطريق المستقيم كي تغنم من الإبتلاء
توبة وتهذيبا ....
لا تجعل من مشاعر الياس والقنوط سبيلا عليك ...
ما أنزل الله من داء إلا و أنزل معه دواء ....

أجمل ما في الحياة أنْ نبني جسرا من الأمل على بحيرة الياس
تحتاج الى قليل من الإخلاص و كثير من الصبر كي تتصالح مع فطرتك ....

إن فشلتَ ..أعدْ المحاولة من جديد..
ليس من العار أن نسقط ...
لكن
من العار أن لا نستطيع النهوض...
و كلما إشتدتْ عليك الخطوب ..و ضاقتْ بك الدروب ..يممْ وجهك الى علام الغيوب...
اللهم فرج هم كل مهموم ...و غم كل مغموم ...و كرب كل مكروب ...
أخوك
الطائر الجريح

[أريد حلا]

أخى الكريم الطائر الجريح

كثيرا ما لفتت نظرى مشاركاتك المميزه
وردودك الادبيه المفعمه بالاخلاص

وكأنى أراها تخرج من قلبك

جزاك الله خيرا على المرور وتسطير هذه الكلمات الجميله

ونفعنى الله بها

أدعيلى باخلاص من قلبك

[masternino]

يابنى ارجع اللى الله
يابنى لا تيأس من رحمة الله
يابنى اذكر الله فى كل لحظة تذكر فيها الاعضاء التى تعشقها
يابنى اكثر من الاستغفار وقراءة القران على الاقل جزء يوميا
يابنى مارس رياضة عنيفة لتمتص نشاطك وحيويتك
يابنى هل تحب ان تموت وانت على هذا الحال
يابنى قل اللهم لا ملجاء منك الا اليك
يابنى جسدك فطهر وقلبك فاغلل وشهواتك فادحض
فاليوم انت صاحب القرار وغدا انت مغادر الدار
فهلا عملت اليوم مالا تستطيعه الغد
ارجع وطهر وصلى واقراء واثبت
ولك منا الدعاء والتشجيع

[الطائر الجريح]

والدي المبجل : mestrenino

لو كنتَ تدري عن قلبي كم من الشوق يحويه ...
ما كنتَ لتبعد عن نبضه ثواني ....

أرجوك , لا تطيل الغياب ...
إنني أشتاق إليك في صمت ...

لك مني أرقى التحية ....

[dr_m367 hot]

لا والله يا أخى الحبيب "أريد حلا"
ما نسيناك ولا نقدر ننساك
وليا معاك وقفة يا دوك :D
مصريين زى بعض بقى
فى حفظ الله
أخوك اللى بيدعيلك بجد ربنا يكرمك بالحل من عنده
dr_m367 hot

[أريد حلا]

لا والله يا أخى الحبيب "أريد حلا"
ما نسيناك ولا نقدر ننساك
وليا معاك وقفة يا دوك :D
مصريين زى بعض بقى
فى حفظ الله
أخوك اللى بيدعيلك بجد ربنا يكرمك بالحل من عنده
dr_m367 hot

دا عشمى والله أخى الكريم

اللهم امين

مستنيى ارائك دايما

[dr_m367 hot]

انا دلوقتى فى الشغل
وإن شاء الله لما اروح بالليل هحاول نتكلم
فى حفظ الله أخى
أخوك فى الله
dr_m367 hot

[أريد حلا]

انا دلوقتى فى الشغل
وإن شاء الله لما اروح بالليل هحاول نتكلم
فى حفظ الله أخى
أخوك فى الله
dr_m367 hot
waiting you

[dr_m367 hot]

السلام عليكم ورحمة الله وبركاته
أخى الطيب الطبيب "اريد حلا"
آسف انى اتأخرت عليك بس اصلى برجع البيت متأخر
أخى الحبيب اسمحلى احلل معاك كلامك اللى انت طلعته من قلبك
وندخل فى الموضوع على طول
وعاوز معاك نطلع بشئ واحد هقولل عليه فى آخر الرد
أخى الحبيب
أنت بتصرخ وبتقول


كنت دائما قريب الدمع حاضر القلب من كثرة ذنوبى وندمى
ولكن الان بعدما استشرى الذنب والتهاون به فى قلبى أوهن قلبى وعقلى
فقسا قلبى

مش لاقى رد غير

قال رسول الله- صلى الله عليه وسلم-: "النظرة سهم من سهام إبليس مسموم، من تركها مخافتي أبدلته إيمانًا يجد حلاوته في قلبه"

أخى الطيب الطبيب
انا هقوللك حاجة بقولها لنفسى باستمرار
علشان أحاول اثبت على غض البصر
تعرف أنا إقتنعت بشئ واحد
وهو إيه اللى هجنيه من إطلاق البصر ؟
إيه اللى هستفيده منه؟
كدا كدا أنا مش ناوى على الفاحشة ولا يمكن افعلها أبدا
يبقى ليه أجيب لنفسى وجع دماغ وما أغضش بصرى سواء فى الشارع فى العمل أوعلى النت
ليه ابص وأنا عارف إنى اللى هجنيه هو
الم فى النفس ووجع فى القلب وتشتت فى الفكر
حتى فى الصلاة تلاقى ابليس قاعد يذكرك بالمشاهد اللى شوفتها او مريت بيها
فيبقى على ايه أجيب وجع الدماغ لنفسى
مش هخبى عليك اطلاق البصر متعة؟ آه متعة لكن متعة زائفة
لكن وبعدين
تفتكر لما هبص بلهفة على اللى انا عاوز اشوفه هستريح؟؟؟؟؟؟!!!!!!!!
لا والله مش هستريح
هزداد ألم وحسرة وغم
أولا: حسرة على حالى
ثانيا: تأنيب ضميرى واحتقار لنفسى من إنى أنظر لرجل أو شاب نظرة انا ما ارضى ان حد يبصهالى
ثالثا: ودا الأهم مخالفتى لشرع ربنا ولنصيحة نبيه

أخ "أريد حلا"
لو عاوز بجد ترجع من تانى تحس بالقرآن والصلاة يبقى غض بصرك
وخد مع ربنا عهد على إنك ما تعود تفتح المواقع إياها
هتقوللى حاولت أعمل كدا كتير بس ضعفت ورجعت
هقوللك ومين فينا ممكن ما يضعفش
بس المهم إننا لما نضعف نجعل من لحظة ضعفنا سبب للقوة
فاهم إزاى؟؟
بمعنى
لو أنا ضعفت النهاردة همر بحالة من حالتين هينتابونى
اول حالة واللى بتنتاب اى حد فينا للوهلة الاولى بعد ما يفرغ من شهوته
وهى حالة احتقار الذات تلاقى نفسك بتقول لنفسك (استغفر الله العظيم) أنا ليه عملت كدا
وتلاقى نفسك مضايق كونك عصيت وما التزمت بعهدك مع ربنا
وبعدها تنتابك الحالة التانية
واللى هى الاحباط والحسرة على وصلت له وعلى كونك قدام الناس بوش وبينك وبين نفسك بوش تانى
ومن هنا بعد الحالتين دول هيكون قدامك خيارين
الخيار الأول
يا إما تعزم بكل ما فيك من قوة يارب مش هرجع تانى
والخيار التانى
حالة يأس من كونك بتقول كدا كتير ومش عارف تلتزم فترخى الحبل وتسلم مفاتيح ارادتك لابليس اللعين

وللأسف يا أخى ومن غير زعل أنت دخلت فى الخيار التانى بدون ما تقصد
الشيطان زين لك حاجة
وهى إنه حاول يياسك من عزيمتك ويقوللك انت كدا كدا هترجع تانى
كدا كدا مش هتنسى الشهوة دى
وتلاقى ابليس اللعين يقوللك كمان ما تتعبش نفسك خليك زى ما انت ما فيش منك رجا
يتبع ان شاء الله

[أريد حلا]

اخى ممكن نتكلم على الياهو مستنى حضرتك هناك
drmidostaph@yahoo

[عذابات]

اخي dr_m367 hot
انت عارف حكاية غض البصر في موضوعنا صعب شوية لانه لمن نا ما انظرش لواحد انا بكلمه ممكن يتقال عني ميت الف كلمة

ليه ما بيبصلناش شايف حاله .. محتقرنا ...فاكر حاله مين
ومن الكلام ده

بس في حاجة انا بعملها ومش عارف لسه ما اختبرتش تاثيرها كويس

انا في حجات زمان كنت ببعد اني اعملها مع اي حد ممكن انظر ليه نظرة شهوة

مثلا امتنع اقف جمبه بالصلاة او اني أحاول ما احكيش معاه كتير

قلت طب ممكن هذه الحواجز بتبني في نفسي انه الانسان هذا خلاص هو شهوتك ما تقربش منه الا اذا انت منجذب له واي قرب منه بتفتح على نفسك بوابات الشهوة

للان مش عارف النتيجة بالظبط بس شعرت انه اقرب منه واقنع نفسي انه انا بتعامل مع راجل متلي متله وفي مقام ولدي والموضوع ده انا كنت قريته في قصة التغلب على المشاعر الشاذة وقدرة اقامة علاقات مع نفس الجنس ما تكونش شاذه

يعني القرب والتعامل بس البعد عن اي شيء ممكن يثيير
وبالاخر احنا لازم نتعامل مع الناس الي بننظر ليهم بشهوة لاننا رجال مثلنا مثلهم وضروري نشعر بالنقظة هذه لانها ممكن تكون باب الاعتياد على المشاعر الطبيعية تجاه الرجال

انا حابب انه نتناقش بافكار تقربنا من التفكير والتعامل الطبيعي مع من ننظر لهم بشهوة

[dr_m367 hot]

السلام عليكم ورحمة الله وبركاته
ربنا يجازيك كل خير يا أخى "رحمات" إن شاء الله
معاك حق فى كلامك طبعا وفى كل كلمة قولتها
أنا لما قصدت غض البصر هنا ما كنتش اقصد إن الواحد يحط غمامة على عنيه
لا طبعا
إنما أقصد إنه يحط غمامة على قلبه
يعنى لو فيه واحد أنا بشوفه بشكل يومى وحسيت تجاهه بأى مشاعر ومضطر انى أتعامل معاه
طبعا لازم أتعامل معاه بمنتهى الطبيعية ومن غير أى مبالغة فى عدم النظر له أو أى شئ من هذا القبيل
إنما اللى اقصده إن الواحد ما يمنى نفسه
وغض البصر نوعين
يمكن ما ذكرتهمش قبل كدا
وهو غض بصر العين
وغض بصر الفكر
ما هو الواحد ممكن يغض بصره بعينه
لكن سايب فكره يسترسل فى شكل الشاب اللى شافه أو اتكلم معاه ويسرح فى افكار وخيالات المفروض يستعيذ بالله من الشيطان الرجيم منها
فغض البصر مش بس إنى انزل عينى
لا غض البصر اللى اقصده زى ما قولت قبل كدا
إن القلب والفكر هو اللى يغض بصره مش بس العين
وطبعا كلامك مضبوظ
إحنا مش هنمشى مغمضين ولا هنتعامل مع الناس مغمضين
بس مش هنسمح لفكرنا أو قلبنا انه يفكر او يتعلق ودا اللى أنا اقصده بالنسبة للتعامل مع الناس
أما مسألة الانترنت
فدى بقى غض بصر العين وما فيها كلام
ربنا يجازيك كل خير يا أخ "رحمات" إنك أثرت النقطة دى
فعلا نقطة مهمة علشان كتير ممكن يقول صعب اغض بصرى انا راجل وبتعامل مع رجالة
فكويس انك اثرتها الله يجعلها فى ميزان حسناتك
وكلامك صح فى انك لما تتعامل مع اللى قدامك بثقة وانه زيه زيك مشاعرك الاولى لو كانت بتحمل اى شهوة هتتلاشى بالوقت نظرا لانك دربت نفسك على عدم التفكير فيه
ارجو ان المعلومة تكون وصلت
وربنا يجازيك كل خير وما يحرمنا من طلاتك
وصح كدا كدا يكون النقاش علشان فعلا نطلع سوا بحل عملى
ربنا يكرمك يارب ويجازيك
أخوك
dr_m367 hot

[dr_m367 hot]

تكملة الحديث
ليه يا أخى الطبيب
نمكن الشيطان من مبتغاه وهو انه يياسنا من رحمة ربنا
أخى "اريد حلا"
هو ربنا خلقنا ايه؟
خلقنا بشر مش ملايكة
كان قادر سبحانه يخلق ملايكة وبس
او يجعلنا مسيرين لعبادته وبس مش مخيرين
لكن سبحانه وتعالى
خلق الملايكة علشان يسبحه بحمد وهم مسيرين لدا
وخلق البشر وجعلهم مخيرين وهداهم النجدين
طريق الصلاح والهداية وطريق الهلاك
وخلقنا كدا
علشان من سنته فى البشر انهم يغلطوا
علشان يتفضل برحمته عليهم وبعفوه عليهم وبكرمه عليهم
امال هنحقق ذل العبودية لله ازاى لو ما اخطأناش ورجعناله نادمين باكين منيبين

خلاصة الكلام يا أخى علشان مش عاوز اطول عليك واصدعك
انا عارف انت النت هو اللى لخطب حالك وقلب كيانك
طب وبعدين هنستسلم؟
اخى الحبيب
انت مش محتاج غير وقفة قوية مع نفسك فى الموضوع دا
وكل شئ راح يرجع تمام
صحيح هيكون فيه رواسب من الى شوفته على النت
وانا عارف انك حاولت كتير
بس لازم فى مرة تكون نهائية بالنسبة لك
ولو حتى حصل ضعف بعدها وفتحت
فما تخليش نقطة الضعف دى تحبطك تانى
لا هكرر تانى
نقطة ضعفى هى سبب قوتى
بمعنى
انا فتحت النهاردة ونويت التوبة من جديد
حصل ضعف بعد شهر
نقطة ضعفى اللى بعد الشهر دى هتكون سبب قوتى لشهرين قدام
ونقطة الضعف اللى بعد شهرين هتكون سبب قوتى انى ما اعيد الكرة ل5 شهور قدام وهكذا
ومش كل مرة هضعف هقعد اعيط واندب حالى
لا صحيح اندم وابكى على المعصية بس طالما طلبت العفو بقلبى وواثق فى غفران ربى
يبقى ليه اقعد جنب الحيطة واسمع الزيطة
اظن لا هيقدم ولا هيأخر

لو فضلنا نعذب نفسنا مش هنتقدم خطوة

عارف انى ما اضفتش لك جديد
وانك عارف كل الكلام دا وحافظه صم
لكن اللى انت عاوزه تحس باخوة
ولمة حواليك
حد تقدر تشكيله همه
او يكون رقيب عليك
ربنا طبعا هو نعم الانيس والرقيب
بس دا لا يمنع ان الصحبة الكويسة لها عامل كبير
كونك تحس بان فيه اخوات لك بيعانوا زيك تمام
وبيشجعوك دا فى حد ذاته سبب لانك تستمر وتفكر معاهم لحد ما توصلوا لقرار
تعالى هنا بقى عاوز ارد علي كلامك


طب اللى احنا فيه ده ليه؟


اللى احنا فيه دا بلاء ربنا عاوز يرفعنا بيه درجات نظير مجاهدة نفسنا له
انت عارف لو حتى انت مش حاسس بطعم الصلاة والقرآن
احساسك وشعورك دا اللى مضايقك بتجازى عليه
كل ضيق بتحس بيه بسبب البلاء دا
ربنا بيرفعك بيه درجات عنده
ولازم نفرح بقضاء ربنا
اخى الحبيب
ليه ما تنظرش لبلائك دا بنظرة تانية
وهو نظرة انه هو سبب سعادتك مش شقاءك
غريبة صح؟
بس والله لو فكرت معايا
هتلاقى كلامى مش غريب
بس انا عاوزك انت اللى تقول وتجاوب على سؤالى دا

ازاى بلاءنا دا سبب سعادتنا مش تعاستنا؟؟

بس دا لو غيرت طريقة نظرتك له


طب هل فى ناس اتعالجت فعلا
اللى شايفه من قراياتى ان حتى اللى اتجوزوا لم يتخلصوا من ميولهم
طب انا ابقى عملت ايه لما اتجوز وافضل اميل للذكور


لا عملت كتير
انك بقى لك مصرف حلال لشهوتك
تقدر تصرف فيه شهوتك
زوجة تقية طاهرة هتحبها وتحبك وهتشتهيها
وهتمارس معاها فى حب ومودة وسكينة
وبيها وبحرصك على نجاتك وعدم وقوعك فى ذل الفاحشة
هتقدر تستحمل
على الاقل يا اخى احسن من ما فيش
بس ما فيش شك
ان كتير من اللى اتجوزا فشلوا لانهم ما اخدوش من مسالة الزواج طريق شرعى يحفظوا به نفسهم
لا واخدينه تجربه يمكن ينسوا
وفى نفس الوقت مش مبطلين الشهوة القديمة ومش بيحاولوا يبعدوا عنها
هتقوللى فينه ناس مبطلة وبتحاول تبعد عنها
ومع ذلك برضه بيعانوا
هقوللك كلامك صح
وهنا البلاء
وهنا رفع الدرجات
بس الناس دى بتلاقى اللى بتقضى فيه شهوتها باستمتاع وفى الحلال مع زوجاتهم
وممكن الزاواج يفشل بسبب عدم التريث
وعدم تهيأة النفس والجسم والعقل لحاجة زى دا كبيرة ومش صغيرة
او لانهم ما احسنوا اختيار المواصفات اللى تعينهم على اتمام ونجاح الزيجة
وهنتكلم قريب قوى على مسألة الزواج من تانى وكيف نوجهه الشهوة صح
وبطريقة شرعية مافيهاش مخالفة وفى نفس الوقت بتجيب نتيجة وفيها تحقيق لاكساب الثقة فى النفس بعد التدمير اللى شافتو
وشوف الرابط دا لو كنت ما قريتهوش قبل كدا
http://www.ziadazzam.com/vb/showthread.php?t=1455
ودا كمان
http://www.ziadazzam.com/vb/showthread.php?t=1508

عايز حد يتابعنى ببرنامج عقاب وثواب يمكن يجيب معايا نتيجه
حتقولولى طب متابع نفسك
هاقولكم بكل بساطه لم يعد عندى قوة لانتصر على نفسى فى شئ
عرفتم ليه انا يائس


وادينا بنقوللك اهو يا سيدى
احنا اخواتك واصحابك وحبايبك اللى بنخاف عليك
خليك معانا وتابعنا اخبارك
ومش بس تكون صوت بياخد
لا ادى صوتك
شارك معانا ولو بكلمة بدعاء تقوله لاخ بيعانى زيك
ووالله هتشوف الفرق وهتلمسه وتحسه


بداخلى بركان خامل
أتمنى أن يثور أتمنى أن أتمرد على نفسى وأن أملك قوة الاراده


بركانك هيثور
بل ثار فعلا ولو ما كنش ثار
ما كنتش تكتب وتطلع اللى جواك بعد شهر ونص متابعة للمنتدى
اشمعنى دلوقتى شاركت
دا لانه ثار بالفعل
ودا الدليل

واخيرا قررت ان اكتب وان أبوح بما لا يعلمه عنى الا الله على اجد مواسيا او ناصحا او صديقا ابوح له بسرى الذى اثقل صدرى وضاقت به نفسى


بس برضه فى احساس من جوايا بيقولى انى هاتغير ولعلكم تكونوا السبب


ربنا ان شاء الله اللى هيبتك على الحق ويثبتنا معاك
ونكون لبعض هنا فى المنتدى عون يااااااااااااااارب على الخير والطاعة
أخى الطيب الطبيب "اريد حلا"
ربنا يريح قلبك وبالك وعقلك من عناء التفكير
وينزل عليك من الراحة والأمان والطمأنينة اللى يسكن قلبك بيه
اللهم يا ودود يا ودود يا ذا العرش المجيد
أهدنا وأشفنا وجميع أخوانا من المبتلين
آسف على الاطالة
أخوك
dr_m367 hot
ومنتظر ردك

[أريد حلا]

أخى العزيز dr_m367 hot
كلامك ريحنى نفسا كتير

وبخصوص موضوع غض البصر
انا الحمد لله احيانا كثيره امشى فى الشارع ما يفرق معى اللى ماشى امامى راجل ولا امراه
ولا احس باى شهوه نحو ايا منهم فاكون فى راحه نفسيه كبيره

واحيانا أخرى يلفت نظرى فقط الشباب ذوى البنيان المشدود والوسامه الملحوظه ولكن لا اتمنى بداخلى الممارسه معهم ولكن الامر لا يعدو تخيل لأعضائهم فقط

فأنا ولله الحمد والمنه لا اشتهى ان يمارس معى احد الشذوذ بل احيانا وأقول (أحيانا ) عندما ارى بعض الصور على النت أشمأز من المنظر
والموضوع نفسه بالنسبه لمشاهد الجنس العاديه بين رجل وامراه احيانا كثيره تثير اشمئزازى

ومع ذلك فانى انظر على النت لماذا ؟ لأنى لدى فضول لرؤية أعضاء تناسليه لرجال وطبعا تثيرنى ( مش عارف حد فهمنى ولا لأ)
زطبعا هذا الفضول دفعنى كثيرا لانتحال شخصية فتيات على الشات لاتحدث مع الشباب وغايتى رؤيه اعضائهم وللعلم انا لم اقيم علاقه مع شاذ على النت مطلقا ولم احادث شاذا الا القليل ولم اتمادى معهم ولكن كل معاملتى واخطائى مع الشباب الغيريين امثل عليهم انى بنت
(ولكنى تبت من هذا الموضوع ولله الحمد ولو ان الحنين يحملنى اليه كل فتره فاسالوا الله لى الثبات) وتبقى مشكلتى فى تصفح المواقع الاباحيه فقط

يعنى أظن ان حالتى بفضل الله ومنه أخف بكثير من حالات كثيره رايتها على المنتدى فأنا لم ولن امارس الشذوذ ان شاء الله اللهم الا بعض التحرشات فى الطفوله والتى كانت السبب فى نمو هذه الميول عندى


وكنت مررت على فتره من حياتى تناسي فيها لصوره شبه تامه موضوع شذوذى الفكرى هذا واقتربت من الله كثيرا وتمنيت على الله ان يجعلنى سويا ولكن كان ذلك قبل معرفتى بطريق النت واحترافى بدافع الفضول للدخول لرؤيه اعضاء الرجال فعاد احساس انى شاذ يسطر على وقبلت به كامر واقع

ولكن لما دخلت منتداكم علمت ان الشاذ هو الذى يمارس فقط فرفع ذلك معنوياتى وان شاء الله عندى احساس ان الزواج سيكون خطوه كبيره فى تغيير مسار حياتى رغم وجود المخاوف وشبح الفشل يحوم حولى وصعوبة هذه الخطوه الان من الناحيه العمليه ولكن الله المستعان نويت ان شاء الله

ومما يشد من أزرى بالنسبه للاقدام على موضوع الزواج أنى ومؤخرا فقط دائما اشعر نفسى بأنى انا الطرف الايجابى واتخيل امراه معى وليس رجل كنوع من التغلب على ما انا فيه

ومع أصحابى اتحدث عن الزواج معهم عادى خالص وان كان ليس بنفس الحراره حتى انهم يتهمونى من باب المزاح بالبرود وعمرى ما وقعت فى حب اى رجل الا مدرس نصرانى وانا فى الابتدائى وكان حب عاطفى وليس جنسى. (غفر الله لنا ولكم) وعلى العكس احببت فتاة لمده ثلاث سنوات واعجبت بفتيات اخريات (ليس اعجابا جنسيا فانا لا اشتهيهم ) ولكن اعجاب عاطفى وباخلاقهم

ما رايكم فى حالتى بهذا الوضع وانظر المزيد من النصائح

[dr_m367 hot]

السلام عليكم ورحمة الله وبركاته
أخى الفاضل "أريد حلا"
بصراحة انت جاوبت على نفسك
ودا اللى كنا بنأمله من كونك تطلع اللى جواك
أخى بصراحة أنا شايف إن حالتك فعلا زى ما قولت أحسن من غيرك كتير كتير قوى ومستقرة


فأنا ولله الحمد والمنه لا اشتهى ان يمارس معى احد الشذوذ بل احيانا وأقول (أحيانا ) عندما ارى بعض الصور على النت أشمأز من المنظر

ومع ذلك فانى انظر على النت لماذا ؟ لأنى لدى فضول لرؤية أعضاء تناسليه لرجال وطبعا تثيرنى ( مش عارف حد فهمنى ولا لأ)

فاهمينك
والبلاء درجات وبيتفاوت وكل واحد عنده اللى بيثيره وبيجذبه
بس برضه لازم نجاهد


يعنى أظن ان حالتى بفضل الله ومنه أخف بكثير من حالات كثيره رايتها على المنتدى فأنا لم ولن امارس الشذوذ ان شاء الله اللهم الا بعض التحرشات فى الطفوله والتى كانت السبب فى نمو هذه الميول عندى

ومما يشد من أزرى بالنسبه للاقدام على موضوع الزواج أنى ومؤخرا فقط دائما اشعر نفسى بأنى انا الطرف الايجابى واتخيل امراه معى وليس رجل كنوع من التغلب على ما انا فيه

الحمد لله
الحمد لله
الحمد لله
الحمد لله ان عندك المشاعر دى


ومع أصحابى اتحدث عن الزواج معهم عادى خالص وان كان ليس بنفس الحراره حتى انهم يتهمونى من باب المزاح بالبرود وعمرى ما وقعت فى حب اى رجل الا مدرس نصرانى وانا فى الابتدائى وكان حب عاطفى وليس جنسى. (غفر الله لنا ولكم) وعلى العكس احببت فتاة لمده ثلاث سنوات واعجبت بفتيات اخريات (ليس اعجابا جنسيا فانا لا اشتهيهم ) ولكن اعجاب عاطفى وباخلاقهم
ما رايكم فى حالتى بهذا الوضع وانظر المزيد من النصائح

أخى طالما عندك المقدرة على إنك تحب البنات الحب القلبى وتعجب بشخصيات معينه
فيبقى عليك يا بطل إنك تضع لنفسك مواصفات تحطها قدام عينك وانت بتبحث فى شريكة حياتك
ولما تلاقيها وتبدأ تتعامل معها من بعيد اثناء الخطبة دا هيكسبك فى نفسك ثقة ويخليك متشوق ان العلاقة بينكم تتطور لخروج وفسح ودا لانك هتحبها فى الاول كصديقة ورفيقة درب لسة مش كزوجة
بس والله انا مقتنع ان زواج المثلى له الاحقية انه ينجح اكثر من الغيرى
لانه هو هيبحث عن الزوجة اللى هيحبها قلبيا الاول مش جنسيا
يارب تكون فهمت النقطة دى
وبالنسبة للشباب اللى بيقولوا انهم تزوجوا وما بطلوا
فدا لانهم فى لحظة ضعف ياسوا من نفسهم فرجعوا فكان حق على ربنا انه يصيبهم بالفشل
لكن اللى بيحاول ويجاهد نفسه لو حتى مر بفترة عصيبة لازم فى النهاية هينجح ويرضى

اخى احنا دلوقتى فى مرحلة اننا نقلل الشعور بالمثلية مش نمحيه
مسألة انه يختفى دى عند ربنا ما بايدنا شئ
ثم ايه المانع نتعب ونجاهد
بس فى نفس الوقت لنا مصرف ممتع بنصرف فيه شهوتن
حد طايل ياخد ثواب طول ما هو قاعد فى بيته
والله انا بيتهيألى اننا بناخد ثواب على كل فكرة بتيجى وبنضايق منها وبنجاول نترضها وكل الم نفسى بسببه لنا البلاء
منتظر ردك أخى وكمان ردك على الرسالة اللى ارسلتها لك عبر البريد فلم استلم منك رد!! متأكد انك كتبت البريد صح؟؟؟ عامة اسمى يشير لى والحدق يفهم ووالله يا اخى البلاء دا هيكون سبب سعادتنا بس احنا اللى مش واخدين بالنا
فى حفظ الله
واعانك الله واراح بالك
أخوك
dr_m367 hot

[dr_m367 hot]

عذرا حدث خطأ وتكرر المشاركة

[أريد حلا]

وصلت يا أخى ورديت عليها دلوقتى

كلامك بجد بيريحنى نفسيا ويزيد أملى فى الله
جزاك الله خيرا

[dr_m367 hot]

اخى الحمد لله ان الفكرة وصلت
ومنتظر ردك على الكلام وعلى كل الاخوة

[أريد حلا]

كلامك أخى قراته بعنايه
وأحدث فى اشياءا
ونويت ان شاء الله ان اشرع فى الزواج بعدما انهى امتحاناتى ان شا الله

وعلى فكره سقطت امس مره اخرى وفتحت بعض المواقع
ولكنى انسحبت اسرع من ذى سابق
واستغفرت
ادعو الله لى ان يقيمنى على شرعه ويجعلنى من المحافظين على الصلوات

[dr_m367 hot]

والله يوفقك فى امتحاناتك يارب ويكرمك بالزيجة الصالحة فى اقرب وقت
وربنا يثبت قلب وفؤادك على طاعته
وما تزعلش من الذلل
مرة فى مرة إن شاء الله هتبعد تماما
لأن نفسك مش قابلة الموضوع دا
ودينك وأخلاقك كذلك
وزى ما قولنا
هنجعل من لحظة الضعف سبب لقوتنا قدام إن شاء الله
الله يطمن قلبك يا أخى ويريح بالك
ما تتصورش فرحتى بيك
فى حفظ الله
وإن شاء الله ربنا يتمم لك امتحاناتك على كل خير باذن الله
وطمنا واى مساعدة نحن هنا
فى الخدمة
لو عاوز برشام
ادورللك على زمايلى اللى كانوا اساتذة فى الموضوع دا
ههههههههههههههههه
:D
فى حفظ الله
أخوك
dr_m367 hot