عرض مشاركة واحدة
المتيقنة 06:15 PM 16-07-2011

بسم الله الرحمن الرحيم

السلام عليكم ورحمة الله تعالى وبركاته

أخواني و أخواتي المسلمين انا هذي اول مشاركة عندي بهالمنتدى بصراحة قرأت كتير مواضيع و مشاكل صعبة و هالشي الي شجعني اكتب عن مشكلتي وأتمنى من كل قلبي ارائكم و مساعدتكم

انا من 5 سنين و انا على علاقة حب مع شاب بنحب بعض اكتيييير وما نستغني على بعض ابدا وما بنفارق بعض كل وقتنا مع بعض كلشي بينا متبادل الحب المشاعر والمعاملة والتضحية وكلشي يعني انا ما بشك بحبو الي ابدا وهو كمان نفسي ومواعدني بالزواج مباشرة بعد ما يخلص دراستو ويشتغل بس المشكلة اني دائما بحسو بارد من نحيتي يعني ما بحس في شي بيشذّو لئلي او محاولة منو على شي يضمني أو يبوسني وكل مرة عم فكر و استغرب حتى بديت انا اطلب منو انو انا بدي منك حنان محتاجك ضمني تمسك ايدي واحس انك حبيبي وجنمبي هيك شي يعني بس ماكان بيوافق كان على طول يقول في اسباب وانو ربي ماراح يرضي عنا لما نتزوج راح يكون كلشي وانا عم احكيلو انو انا ما عم اطلب شي مو منيح بس حنانك علي انا كمان بدي رضا ربي علينا وبعد نقاشات مطولة بينا رضي يمسك ايدي ويضمني لعندو اشوي او يبوسني على خدي وفي مرة طلبت منو يبوسني البوسة المعروف بين العشاق ما رضي ابداااااااا كان رفضو عميق اكتييييييير واكبيييير يعني خلاص مافي نقاش لحتى انا عصبت اكتييير ومرضت من رفضو وحسيت انو الغلط مني وانو انا ما بحسسو بشي كبنت وبعد ماشافني خلاص مرضت وافق وباسني بس انا ما حسيت بشي او بالإحساس الي كنت انا متوقعة منو ولما حكيتيلو هيك قالي انو لا انا حبيتها اكتيير وانو الإحساس كان حلو اكتيير وانو كلشي كان تمام و المشكلة فيني انا الي اتخيل الشي اكتر من حجمو وبعد هيدي خلاص راح الشيك او هو انسان عادي وانو كلشي تمام بس انو ماكان يحب هالشي الا بعد الزواج لاكن للأسف ,,,,
بعد يومين سألني سىؤال شو هو الشي الي يمكن يخليكي تبعدي عني ؟؟؟
فحكتلو الشي الي ما بحبو لكن ابدا ما ظنييت انو بعد هالسؤال راح يقولي اني انا عندي سرو أكبر سر بحياتي وبظن انك وصل الوقت الي راح احكيكلك اياه بس اوعدني ما تقولي لحدا وما يصير الك شي
فقالي انو انا ما بنشذ للبنات جنسيا و بنشذ للذكور جنسيا بس مو عطفيا و انو انا بحبك اكتير وانت بتعرفي بس ما بحس يشي منك ولا حتى صفر بالمية بالرغبة لاكن ولاعمري ماراست هالشي مع اي حدا ابدا فحياني هالشي كان سر وراح يظل هيك بس انتي لو حبيتي انك تكملي معي و تتزوجيني وكنتي مسرة على العلاقة الجنسية فأنا راح أضغط على نفسي اكتيييييير وبصعوبة بس منشانك ومنشان يكونو عنا أطفال لاكن انا ابدا ما راح حس بشي ولا راح كون مبسووط بيها فإنتي قرري وانا راح احترم رأيك مهما كان وراح الاقي لك الف عذر بس لازم تعرفي انو هالشي مالو ابدا علاج ولا دواء لانو مو مرض ابدا وانو مثل ما توجهتي انتي في سن من 5 سنين 11 للذكور هو كمان توجه لذكور والمشكلة مو نفسية و انو ما عم بيحس بأي شي مو منيح بالحالة تبعو و اهم شي انو مؤمن بالله ولا عمرو فكر بشي مو منيح والحمدولله على حالتو و انو ما بيتمنى يتغيرللأنو اصلا مافي امل الا اذا ربي عمل شي معجزة بحالتو بس
وحكالي انو بما بيضمني ويبوسني على خدي بيكون بس من حبو لئلي و معزتو الكبيرة بس مومشان رغبة جنسية وانو كمان هو عم بيضحي لانو بيحبني وما بيتخيل الحياة من دوني فتركلي القرار الي بس انا بحبو اكتيييير وما بقدر اعيش من غيرو نهائيااااااااا حتى ولو ثانية والله ومستحيل اترك كلشي منيح فيه وحبو ومعاملتو الي بس منشان العلاقة الجنسية ما بقدر والله فكرت اني اكمل معاااه و اخلي املي في الله انو ممكن شي يوم يتغيير ويتعالج والله مابعرف انا كانت أكبر صدمة بحياتي ومرضت اكتييييييييييييير كانت صعبة علي وراح ظل هيك بس مافيني اتركو ابداااا وحكالي انو كل هذا الأحساس لحسو لما باسني كان مصنع وانو ما حس بشي وانو كان قلبو متغير ومو حااابب ولا طايق هيك شي معي
انا مصدووومة اكتيييييير بس ما بقدر بعد عنو ابداااا و انا وافقت على هالشي انو ظل معو
بس بدي اعرف منكم هل فعلا لا يوجد الحل نهائيا ؟؟؟؟
وانو اذا فضلت ادعي لربي و اسألو أن يغيير الحالة هل في أمل ؟؟
واذا حاولت معاه بعد الزواج هل في أمل ؟؟؟



--------------------------------

لتشخيص الامراض اتصل بنا على هذه الارقام

00962775910193 - 00962796957929

Free Call PremaTel: 00962775910193


إضافة رد