السلام عليكم
آنا عندي مشكلة مع امي
يعني احس على روحي اني ما أحبها مثل باجي البنات
صج اني ما اقدر استغني عنها بس حبي لها مو مثل حب البنات لأمهاتهم
ما احسن انها امي
عمر ما حسيت بحنيتها علي و كل ما اقولها على سر تروح تقوله حق الكل
يعني مرات اقولها على شي ما ابغى احد يعرفه تروح اهي و تقول حق عمات و ابوي و يدتي و يدي
و كل ما تعرف عني شي تروح و تشهره ما ادري وش السبب
الحين صرت ما احب اقولها شي و لا احب اني اقعد معاها
و دايما تفضل غير عني
يعني اشوفها دايما تمدح بالبنات الي جدامها و تتطنز علي
بعدين ان اهي تتصرف مثل جنها نفس عمري
و آنا ما احبها تكون جذي .. عشان يفضل احترام من جهتي لها
و مع جذي اعاملها بالحسنى و آخذ رضاها
بس بغيت أسأل هل يوجد علي اثم من ناحية مشاعري تجاهها