عرض مشاركة واحدة
dr_m367 hot 04:12 PM 21-04-2009

بسم الله الرحمن الرحيم

السلام عليكم ورحمة الله وبركاته
أخى الفاضلة "روان24"
كما قال الاخ "علاء"
بجد نورتى المنتدى وجزيت خيرا على صراحتك وصدقك معنا ومع نفسك
شوفى أختاه
عن تجربة شخصية
الواحد كان فى فترة ثانوية واولى جامعة كان لسة مشتت
وكان بتصدر منه بعض الحركات الانثوية اللى والله العظيم كانت غير مفتعلة انما كانت عفوية نتيجة طريقة ما فى التربية والافكار الخاطئة
الواحد غير منها واحدة واحدة
بدأ يراقب نفسه ويشوف غيره من الشباب بيتحرك ازاى فى نفس الموقف بيقعد ازاى فى نفس المكان نبرة صوته ازاى فى نفس الرد
وواحدة واحدة بدأ يحاول ويغير ومرة ينجح ومرة ينسى ويتصرف بطريق عفوية فيها شئ من اللين
لكن والله مرة فى مرة اصبح اللى الواحد كان بيحاول يفتعله من شيم الرجال اصبح واقع وحقيقة ملموسة
هو نفس الشئ بالنسبة لكى اختاه
والحمد لله انك توصلت لهذه المرحلة من التفكير اسأل الله لكى الثبات
واكتر حاجة فرحتنى لما قولتى
انك تعتزى بأنوثتك
احمدى ربنا لان غيرك بيكون ناقم عليها وغيرك من الرجال بيكون ناقم كونه اصبح رجل
فدى نقطة لصالحك كونك تحبى انوثتك وتحترميها وتقدريها
فعلا حاولى تراقبى نفسك اولا بأول
وتتعلمى من اخطائك
يعنى كنت فى الموقف الفلانى المفروض تتكلمى بطريقة معينة
والموقف العلانى كنتى المفروض تتحركى بطريقة محددة
والمكان الفلانى كان المفورض تلبسى لبس مخصص
وهكذا وكل مرة هتطلعى كسبانة
ومرة فى مرة مش هتقدرى تستغنى عن تلك الحركات ونبرة الصوت الانثوية لانها هتعزز انوثتك وتشعرك بالراحة والجمال الداخلى

كما قال الأخ الفاضل "saloooom"
عليكى بلبس الملابس اللى تبرز انوثتك وطبعا فى حدود الشرع
مثل التنورة والجوب الطويل واللى عليها بلوزة رقيقة بايشارب جميل
نقى الوان هاديه تحسسك بالخفة والهدوء والبرد
اكيد هتقدرى تعرفى احنا نقصد ايه

كونك لازلت لا تستطيعين حب الرجل كزوج
فكرى فى انك ضعيفة
محتاجة حنان
محتاجة حضن يضمك
محتاجة مودة
محتاجة رحمة ورفق ولين
وفكرى فى ان الرجل هيشعرك بها الدفء
ويغمرك به
ويشعرك بالأمان وانه سكن لكى تحطى راسك عليه وانتى مطمنة
حاولى وجاهدى يا أختاه
فكرى ان ربنا خلق الرجل لكى خصيصا وهو الوحيد اللى قادر على اشباع رغباتك مهما كانت
ربنا يهديكى اختاه ويهدينا لما هو اصلح لنا
وربنا يحفظك بحفظه ويرزقك التقى والعفاف والغنى والفكر السليم والمنطق القويم

واهديكى مقولة تعلمتها من الأخ الكريم "علاء كريم"

المشاركة الأصلية كتبت بواسطة علاء كريم:

وتدكر دائما القاعدة النفسية التي تقول
راقب افكارك لانها ستصبح افعال
راقب افعالك لانها ستصبح سلوك
راقب سلوكك لانه سيصبح طبع
راقب طباعك لانها ستحدد مصيرك
اي ان تكرار السلوك يصبح طبع
.