طريق العلاج الوحيد


1 2 3 11  ... الأخير
قسم علاج الشذوذ الجنسي - طريق العلاج الوحيد
medo 03:49 PM 22-04-2009

بسم الله الرحمن الرحيم

بسم الله الرحمن الرحيم


أخواني الكرام ،،، مهما طال الكلام وكثرت التجارب وزاد البحث عن علاج الشذوذ فطريقه واحد ونهايته مضمونة ،،، مشكلة الطريق ده مش انه طويل ،،، طوله ده بسبب قعدتنا وراحتنا الكتيرة في الطريق ،،، لو ماشيين صح هنوصل هنوصل ،،، بس مشكلتنا ان احنا بنريح كتيير ومستصعبين الطريق ،،، رغم اننا شايفين من مكاننا نهاية الطريق الا اننا برضه قاعدين ،،،
مين مننا مش عارف طريق العلاج ده ،،، كلنا عارفين انه عبارة عن الالتزام بالتقرب الى الله ،، والامتناع عن كل ما يثير الشذوذ ،، والاستمرار اليومي بالتفكير الذهني السوي ...
مين مننا طبق الموضوع ده صح ومشي عليه بالظبط ،، فيه مننا اللي ابتدأ ووقف في النص وريح ،،، وفيه مننا اللي مشي شوية ووقع وقام ورجع تاني ،،، وفيه مننا اللي واقف على بداية الطريق وعارفه كويس بس لسه ماخدش القرار انه يمشيه علشان مش فاضي ومشاغله كتير ...

كلنا بندور على طرق للعلاج من الشذوذ الجنسي وكل ما بندور بنلاقي هو هو نفس الطريق ده ،، لو سمعنا شيوخ ودكاترة نفسيين هنلاقي خلاصة كلامهم هو الطريق ده ،،، لو قعدنا مع نفسنا وفكرنا كويس هنلاقي ان الطريق ده ممكن يجيب نتيجة ،،،، لو سمعنا كلامك ناس فعلا اتغيروا وبقوا طبيعيين وسألناهم عملوا ايه هنلاقيهم قالولنا على الطريق ده ....
حد يا جماعة مشي في الطريق ده صح وبخطوة مستقيمة ولقى ان مفيش فايدة ،،، لو واحد مشي ووقع وقام يكمل هاعتبره برضه ماشي بخطوة مستقيمة ....
مين يا جماعة مننا امتنع فعلا عن المواقع والصور وعن الكلام وعن الافكار والتخيلات الشاذة ؟؟؟؟؟ فيه مننا امتنع عن الصور والمواقع بس لما يمشي في الشارع بيبص برضه وبيفكر تفكير غلط ،،، المقاومة برضه عنده ضعيفة ،،،،
طب وبالنسبة للتفكير الذهني السوي ،،، مين فينا عمل زي ما دكاترة كتيرة قالت ،،، ان كل يوم يقعد مع نفسه ويغمض عنيه ويفكر في الجنس السوي ،،، احنا بنفكر التفكير ده قد ايه كل يوم ؟؟؟ هتلاقونا في الاسبوع كله ما بنقعدش ساعة على بعضها ولو حسبنا الافكار والتخيلات الشاذة هتلاقوها رغم مقاومتنا ليها الا انها اكتر من التخيلات السوية ،،،، وده شئ متوقع لان الافكار السوية متعبة ومفيش جوانا ليها اي رغبة لكن الافكار الشاذة بنندمج فيها وبننبسط منها على طول ...
اللي عاوز يروح لدكاترة نفسيين ،،،،، هتتوقع الدكتور ده هيقول ايه جديد ؟؟؟ صدقوني مفيش اي حاجة جديدة ممكن يقولها ،،، هو هو نفس الكلام ،،،، الطريق الوحيد المستقيم اللي مفيهوش اي عوج ....

الميزة بس في الدكتور النفسي هو تشجيعه ،، واننا هننفذ كلامه بالظبط ،،، مشكلتنا ان احنا عاوزين تشجيع يومي وعاوزين لمؤاخذة حد يزقنا كل يوم في الطريق ده ويكون علينا رقيب ويتابعنا ،،،،
يوم ما الدكتور هيقول امتنع الاسبوع ده عن المواقع والافلام وتعالالي الاسبوع اللي جاي ،،، فعلا هيمتنع ،،، علشان ما يبقاش راح لدكتور ودفع فلوس وكلف نفسه وما عملش حاجة من اللي الدكتور قال عليها ....

طب ما تيجوا نبدأ الطريق ده مع نفسنا وبرقابة بعضنا وبتشجيع ومتابعة بعضنا مع بعض ....
هنبدأ النهارده نقاطع اي موقع واي فيلم واي صورة ،،، اي منظر هتحس انه هيضعفك امتنع عنه ،،، واي حد تقابله في الشارع او في طريقك ويبدأ يجيلك الافكار والتخيلات وقفها فورا ،، وتيجي اخر اليوم وتدخل على المنتدى وتقول انا النهارده امتنعت فعلا ومافتحتش اي موقع وما فكرتش في الشذوذ خالص النهارده وادي لنفسي مثلا 9 من 10 ،،، ولو ضعفت برضه احاسب نفسي واقول انا النهارده شفت فلان وفكرت تفكير غلط وماكنش المفروض افكر كده ولما هاشوفه تاني مش هافكر فيه كده تاني ابدا ،،، عاوزين ياجماعة بجد نشجع نفسنا وكل يوم نحاسب نفسنا ،، اللي مشي طول اليوم صح نباركله ونشجعه واللي ضعف وغلط يقول واحنا برضه نقويه ونشجعه انه يعوض غلطته ،،،
مش عاوزين يا جماعة كل واحد يمشي مع نفسه ويفكر بطريقته ،،، ده اللي بيوقعنا على طول ،،، عاوزين نتابع بعض ونشجع بعض ...

عاوزين يوم بيوم ندخل على المنتدى ونقول احنا فعلا نفذنا الكلام والا غلطنا ووقعنا ،، كل واحد يدخل ويدي لنفسه درجة ،، وكل واحد هيبقى عارف يومه مشي ازاي وهل اتحكم فعلا في افكاره والا برضه بعض الافكار شغلته .....
منتظر التفاعل والردود .






ميدو



dr_m367 hot 04:25 PM 22-04-2009

بسم الله الرحمن الرحيم

السلام عليكم ورحمة الله وبركاته
بارك الله فيك يا "medo"
يااااااااااااه فينك يا عم من زمان ايوة كدا ارجع زلزل من تانى
معاك فى كل اللى بتقوله
وياريت نكون صادقين مع انفسنا قبل مع غيرنا
يمكن انا حاسس بصعوبة ان الواحد يدخل يحكى كل يوم عمل ايه
بس اللى مش صعب هو انه فعلا يدى لنفسه تقدير
وعن نفسى هدى تقدير لو النهادرة فات نصه
فهعتبر الدرجة من خمسة
وللاسف ادى لنفسى 3 / 5
وبس علشان ما حدش يفهم حاجة غلط
الدرجة فى الافكار وليست فى الافعال
فالحمد لله قد قاطعت المواقع والصور منذ أمد بعيد وزهدت فيها
لكن الدرجة دى فى التفكير السوى والغير سوى سويا
بس معاك حق الواحد لازم يكون رقيب نفسه ويحاسبها قبل ما يتحاسب بحق وحقيقى ويجى يقول هو انا ليه مش حاسس بتقدم
ربنا يكرمك يا أخى والله الواحد محتاج تلك الوقفات الصارمة
واتمنى انك تدخل كل يوم بجد ونشجع بعضنا البعض من جديد
ربنا يجازيك كل خير يا "medo"
منتظرين بقية النتايج وبالليل إن شاء الله هدخل اقول بقية العشر درجات بتوعى


آه نسيت اقول حاجة
الأخ "kemo"بارك الله فيه علمهالنا
وهو
المشاركة الأصلية كتبت بواسطة kemo:

المشكلة مش فى إننا نغلط لا المشكلة فى التمادى فى الخطأ

لان الغلط والضعف وراد
بس المهم انه ما يعيق العزيمة والارادة
تمام ياريت بجد ناخد بالنا من النقطة دى
بارك الله فيكم يا اخوة الخير


طالب رضاك 09:20 PM 22-04-2009

بسم الله الرحمن الرحيم

أهلا أهلا ميدو باشا فينك ياراجل

عوده حميده اخي ميدو وسط اخواتك وبيتك

وان شاء الله نشوفك معنا باستمرار

نورت مكانك تاني اخي العزيز

وبصراحه راجع بموضوع جميل جدا ومهم ومشجع جدا

الله يجزيك كل خير عنا ,, وإن شاء الله أخي الكل يدخل يومآ

ونكون يد واحده ونمشي في طريقنا لنصل إلي نهايته قريبا بإذن الله

أما من ناحيه التقدير فـ جميل جدا منها الواحد بيشجع نفسه وإذا أخطأ مش عيب بيقوم تاني ويمشي علي الطريق وبيزيد حماس وقوه اكتر

إن شاء الله الكل يدخل يوما اخي

بالنسبه ليا لو حبيت أعطي تقدير لنفسي

ولو اعتبرت الدرجه من 10 فبكون 5.5 او 6 من 10

من ناحيه الصور والمواقع فأنا الحمدلله من زمان وانا قاطعهم خالص

وبغض بصري وأصبحت بتعامل مع الرجال طبيعي جدا بدون مااحس باي شهوه إتجاهم والحمدلله علي الطريق المستقيم

الدرجات اللي ناقصني في التفكير السوي يعني مابفكر كل يوم بس من الان بعطي لنفسي وقت ولو كل يوم نص او ساعه قبل النوم

ان شاء الله نتابع مع بعض

لتاني مره بشكرك أخي العزيز ميدو و عودة كريمة وعزيزة علينا

**
*
**


منورنا يا dr_m367 hot




باقي الدرجات علي التفكير السوي


medo 03:48 AM 23-04-2009

بسم الله الرحمن الرحيم


أخواني الكرام dr_m367 ، وطالب رضاك ،، جزاكم الله خيرا على مشاركتكم اللي فرحتني بجد ، ربنا يباركلكم ويكرمكم ..
بالنسبة للي مش هيقدر يدخل كل يوم لان دا فعلا شئ صعب نتيجة لمشاغل الحياة ،، فممكن يدخل كل فترة ويدي درجة للفترة اللي غابها وهل هو فعلا عمل حاجة ومشي في الطريق والا كان واقف زي ما هو ...
بالنسبة للنهاردة فممكن ادي لنفسي 7 من عشرة .
الحمد لله مفيش مواقع ولا صور ،، وغضيت بصري ،، بالنسبة لتفكيري غير السوي فانا اول ما بافكر بامنعه على طول ،،، وبالنسبة للتفكير الذهني السوي فانا بافضل اعمله قبل النوم لاني باكون فاضي ومستريح في الوقت ده ...

ان شاء الله هاحاول بكره اجيب درجة أعلى ..




kemo 06:27 AM 23-04-2009

بسم الله الرحمن الرحيم

بارك الله فيك اخي ميدو ...
المشاركة الأصلية كتبت بواسطة :
مين مننا طبق الموضوع ده صح ومشي عليه بالظبط ،، فيه مننا اللي ابتدأ ووقف في النص وريح ،،، وفيه مننا اللي مشي شوية ووقع وقام ورجع تاني ،،، وفيه مننا اللي واقف على بداية الطريق وعارفه كويس بس لسه ماخدش القرار انه يمشيه علشان مش فاضي ومشاغله كتير ...

أسأل الله ان يوفقني و يهديني ....
أ

dr_m367 hot 04:01 PM 23-04-2009

بسم الله الرحمن الرحيم

بارك الله فيكم ياأحلى صحبة
إممممممم بالنسبة لتكملة درجات البارجة
انا كنت على العصر 3 من 5
وبالليل وصلت 4 من 5
يعنى المجموع 7 من 10
وبرضه النقص نتيجة التفكير الغير سوى واللى زى ما قال الأخ "medo" بنحاول مجرد يجيلنا نبعده على طول ونفكر فى التفكير السوى ويارب يا مسهل
لما نشوف بالليل النهاردة هنوصل لكام
يارب سترك
والله موضوع كتير حيوي يا "medo"
وكتييييييير مشجع الواحد انه يراقب نفسه ويفتكر اخواته الله يبارك فيك يارب
جزاك كل خير يا ابو فكر منور


saloooom 11:05 PM 23-04-2009

بسم الله الرحمن الرحيم

السلااااااااااااااااااااااااااااام عليكم يا احبائييييييييي
والله والله انني مش قادر اوصف انا قد ايه الفرحه مش سيعاني الحمد لله الف ومئه ومليار مره انا اعيش اجمل ايام حياتي الله يارب يكومكم ويصونكم ويعفو عنكم ويحبكم ويتولاكم ياااااااااااااااااااااااارب .
انا بقا حعك شويه بس معلش حاقعد علا قلبكم لغايه ما افهم و لازم تستحملوي هو مش لازم اوي بس لازم ولا ايه ؟؟؟
انا لو شوفتو العلاج بتاع اخونا شوشو انا حاليا ماشي عليه كويس جدا يعني الحمد لله مفيش افلام ولا صور ولا تمعن في المشاهد اليوميه ولا تفكير عامل كنترول كويس والحمد لله بس الباقي ايه الخيال السؤال هو انا دلوقت اتممت 13 يوم وانا ماشي في العلاج السلوكي ينفع ابداء معاكم في التخيل ولا اتريث شوي هو كاتب 5 شهور ودا بعيييييييييييييد جدا وانا والله سعات ببداء اتخيل بخاف انو الموضوع مينجحش او اكون مستعجل شويه افييييييدونيييييي .
لكن دلوقتي انا بدي نفسي 5-10 لو قلنا 3 نقصو عشان التخيل و 2 عشان في لحظات كدا مضعف و الله لثواني و احكم مشاعري خصوصا اني قررت مغضش البصر عن المشاهد العاديه يعني ابص بس من غيير تمعن .بس اتنمى تردو عليا عشان ابداء على طول .
الف مليو شكر اخي الحبيب medo علا الموضوع الجبار و اتمني من الشباب بكرا الارقام متنزلش من 8 و 2 دول عشان التدرج مش اكثر


medo 02:21 AM 24-04-2009

بسم الله الرحمن الرحيم



أخي الكريم" saloooom"" ،،، شكرا جزيلا على مشاركتك ومداخلتك ،،، بالنسبة لسؤالك على موضوع انك تبدأ في التخيل والا لا ،، بالنسبة لرأيي فأنا شايف ان موضوع العلاج ده وترتيبه مسائل اجتهادية مش مبادئ ثابتة وأوقات ثابتة ،،، لو عاوز رأيي فأنا باقول انك ممكن تبدأ موضوع التخيل ده من النهارده ،،، لأنك لما تبدأ النهارده مش هتلاقي نفسك بتتخيل بسرعة او بتاخد راحتك في التفكير ،،، بالعكس ممكن تلاقي مقاومة من داخلك للتفكير ده ،، وممكن كمان اما تيجي تتخيل جنس سوي وما تشعرش باثارة وتلاقي نفسك بتحول تفكيرك للجنس الشاذ وبتبدأ تشعر باثارة ،،، فانت لازم تخلي بالك كويس قوي من الموضوع ده ،، لو قعدت مع نفسك وابتديت في التفكير الذهني والتخيل السوي تأكد انك هتشعر بملل ومش هتشعر بأي اثارة ،،، عادي جداااا ،، معلش ،، احنا بس عاوزين نخلي الموضوع ده حاجة تيجي على بالك وتبدأ تفكر فيها وانه شئ ممكن يشغل بالك وياخد تفكيرك ،، فانت لما هتبدأ التخيل اصبر واستحمل لما تلاقي انك متضايق وزهقان ،،، واياك اياك الزهق ده يخليك تحول تخيلك لجنس شاذ ،،، فكر في المرأة وفي جسمها المتوافق مع جسم الرجل وفكر في الزواج والانجاب ،،، وكده ،، انت فاهمني اكيد ...
وماتقلقش طالما فيه ايمان بالله وثبات وارادة وصبر فان شاء الله هتنجح ...


medo 02:30 AM 24-04-2009

بسم الله الرحمن الرحيم



أنا بس أما وافقت على حكاية بداية التخيل الان هو انك كنت متعود على انك منشغل بالجنس دايما ،، فانت اما توقف الشهوة عندك هتلاقي نفسك بعد فترة ابتدت الشهوة تزيد عندك وهتبدأ تحتاج لتفريغ شهوة ،، فبدل ما نلغي موضوع الجنس خالص احنا هنديك فرصة انك تفكر في الجنس بس نوع من الجنس جديد عليك وماجربتوش قبل كده ،، انت في البداية هتفكر اوقات قليلة جدا بس اهي برضه مفيدة ،، مرة في مرة في مرة هتبدأ تحس بحاجة ...

وممكن برضه تقرا موضوعي اللي اسمه "كيف تبرمج عقلك على الجنس السوي " علشان تعرف خطوات التفكير الذهني ..


medo 02:46 AM 24-04-2009

بسم الله الرحمن الرحيم


أنا النهارده بادي لنفسي 9 من عشرة وانا باديها لنفسي النهارده علشان انا ركزت على حاجة معينة وهي ان لما يجيلي فرصة نادرة اني ممكن اعمل حاجة غلط وما اعملهاش هاخد درجة كبيرة حتى لو كان التفكير الشاذ او التفكير الذهني السوي مكانوش كويسين الا اني لما باسيب فرصة كان ممكن اعمل حاجة غلط باحس ان ربنا كرمني ،،، ويارب يكرمكني كده على طول ..



في عالمنا اليوم، يعتبر السحر والحسد والمس وسحر تحقير شأن الإنسان من المواضيع التي تثير فضول الكثيرين. ويعتبر البعض أن هذه الظواهر والامراض تحمل في طياتها آثارا سلبية تؤثر على حياة الأفراد والصحة الجسدية والنفسية. هناك العديد من الطرق والتقاليد التي تعنى بعلاج هذه الامراض، سواء كانت عبر الطب الروحاني، أو الطب البديل، أو الطب النفسي. يمكن العثور على بعض النصائح والطرق الفعالة في التخلص من تأثيرات هذه الامراض عبر زيارة مواقع إلكترونية متخصصة، مثل:

1- علاج السحر: تفصيل حول الطرق التقليدية والروحانية لعلاج تأثيرات السحر.
2- علاج الحسد: نصائح وأساليب للوقاية من الحسد وكيفية علاجه والتعامل معه.
3- علاج المس: استعراض للطرق التي يمكن أن تساعد في التخلص من تأثيرات الشياطين والمس الشيطاني.
4- علاج سحر تحقير شأن الإنسان: نصائح حول كيفية التغلب على تأثيرات وعلاج سحر التحقير الذي يستهدف شأن الإنسان.
5- أخطر أنواع السحر: استعراض لأنواع السحر الأكثر خطورة وكيفية التصدي لها.


الرقية الشرعية هي استخدام القرآن الكريم والأدعية النبوية المأثورة والأذكار الشرعية في علاج الأمراض الروحانية والنفسية والجسدية، وذلك بما يتوافق مع التعاليم الإسلامية، وتعتبر الرقية الشرعية أسلوبا معتمدا وفعالًا للتداوي والحماية والتحصين من الامراض الروحانية مثل السحر والحسد والعين والمس، والكثير من الاضطرابات النفسية.



1 2 3 11  ... الأخير