إيدك في إيدي ...... وافتحلي قلبك !!! (مقال رائع 2)
يمكن نهاية الـمقال الي فات والي كان بعنوان ( هو دوت كتير عليا !!! ) كانت مأساوية ، وهي كانت إن صاحبنا استمر في الطريق الغلط ، الي هوه مخترهوش بإرادته ، أو على الأقل اتفرض عليه بسبب ظروف مكنش ليه يد فيها ، ومع كل دوت كان حاسس بغلطه ، وكانت دمعته على خده ، وكان نفسه حد يقطع عليه الطريق دوت، ويلاقيه ف وشه ، وياخده في حضنه ، بس للأسف كل الي قطعوا عليه الطريق كانوا بيقولولوا انته غلط ! انته كل خطوة بتخطيها بتبعدك عن ربنا ! نهاية الطريق دوت عذاب وجحيم ! .....إلخ ، للأسف كل الكلام دوت هو عارفه ، ودموعه على خده تشهد بكده ، بس مش هو دوت الي كان مستنيه منهم ، هو مشى في طريق الغلط بيدور على حاجة ضايعة منه ، حاجة هو عايزها ، حاجة اتظلم انه محصلش عليها زي غيره ، كان مستني حد يحس انه يستاهل إنه يفتحله قلبه ، بس مين هو الشخص دوت إلي ممكن يقعد معاه ! ويفتحله قلبه ؟؟ مين هو الإنسان الي كان بيتمنى صاحبنا إنه يعترض طريقه ويوقفه ؟؟ مين هو الإنسان إلي صاحبنا كان عنده استعداد يغير حياته بالكامل بس يلاقي الشخص دوت والي ممكن يكون عوض ليه عن سنين عاشها في حرمان مكنش ليه يد فيها !!
ممكن نتخيل صورة الشخص دوت الي ممكن أي حد فينا يفتحله قلبه ويقوله كل الي جواه لو كاد عنده مشكلة زي بتاعة صاحبنا أو أي مشكلة ؟؟
دوت الإنسان الي بيمدلك إيده بالعطاء من غير ميسأل كم وكيف ولما ولماذا أو ما هو المقابل ، بيشيل همومك على ظهره ويدعو ليك قبل نفسه ويشاركك أحلامك وآمالك مهما كانت بعيدة او -سخيفة -
دوت الإنسان الي بياخد من ابتسامته عشان يرسم البسمة على وشك ، ويقرأ عينيك قبل لسانك ويصدقك لما تتكلم مع إن الناس كلها بتكذبك وتستخف بيك ..
دوت الإنسان إلي عينك لما بتغرر بالدموع ، بتسيل على خده هوه ...
دوت الإنسان الي بيخلي سمعه ملجأ لغضبك وعلو صوتك من غير ما يقاطعك ، وقلبه قبر لأحزانك ، يخاف عليك تحس بالوحدة لو لجأت لغيره ومسمعكش فمش ممكن يبعد عنك في زنقتك ..
دوت الإنسان الي بيوجهك لما تضل الطريق كانه بيعالج مريض من غير ما يحسسه بمرضه ، وبيشوفك جبل صامد قادر على النجاح في أحلك لحظات فشلك !!!
دوت الإنسان الي بيحن عليك لما تقسو انته على نفسك ، ياخد من روحه ويزرعها في إيدك
أخيرا دوت الإنسان الي يديك كل دوت ((((( بشرط ))))) يكون صادق في كل دوت ويكون دوت نبض مشاعره مش بيتصنع ...
صاحبا مش عاوز واحد يسمعه محاضرة ولا يديله درس -ولا أقصد الاستهانة- ، مش عاوز واحد يقف قدامه يكلمه كأنه بيكلم واحد داخل النار حدف ، صاحبنا مش عاوز واحد يحسسه بإنه بيديله حسنة لما بيفرغله نص ساعة من وقته عشان يسمعه !!، مش عاوز واحد يحسسه إنه معاق وهو بيساعده أو صاحب حاجة ونقص ، للأسف هو ديت صور الدعوة الفردية في وقتنا الحاضر ، صاحبنا عايز واحد يحبه، يحترمه ، يقربه منه ، يحس إن هو بقى أعز الناس عنده ، كده نبقى حطينا في قلب صاحبنا تربة خصبة لما نيجي نزرع فيه كلمة موعظة أو آية من كتاب الله أو حديث من سنة النبي عليه الصلاة والسلام حتنمو و تطلع ثمرة تكون هيه بداية هداية صاحبنا .
لحد هنا حقف وأرجع للعنوان بتاعنا (إيدك في إيدي ...... وافتحلي قلبك !!! ) ، أيوة هو دوت الي صاحبنا عايزه ، واحد يقف جنبه مش قدامه !! يحط إديه في إيده ويمسك جامد ، ويصدق معاه في مشاعره ، ساعتها والله حيفتح قلبه وحيقول كل الي جواه وحيصلح كل الي هوه عمله .
أخيرا احنا مبندعوش الناس عشان نقيم الحجة عليهم ، أو عشان نقول يارب احنا دعيناهم ، لأ ، ديت أهداف متأخرة ، أما الهدف الأول ، كما قال الله ( ياليت قومي يعلمون ) ، (يا قومي اتبعوني اهدكم سبيل الرشاد ) ، اخلص النية انك بالفعل عايز تهدي الناس وبعدها دور على النتايج ....
يرجى عند النقل يتم ذكر المصدر (محب كتاب الله )
في عالمنا اليوم، يعتبر السحر والحسد والمس وسحر تحقير شأن الإنسان من المواضيع التي تثير فضول الكثيرين. ويعتبر البعض أن هذه الظواهر والامراض تحمل في طياتها آثارا سلبية تؤثر على حياة الأفراد والصحة الجسدية والنفسية. هناك العديد من الطرق والتقاليد التي تعنى بعلاج هذه الامراض، سواء كانت عبر الطب الروحاني، أو الطب البديل، أو الطب النفسي. يمكن العثور على بعض النصائح والطرق الفعالة في التخلص من تأثيرات هذه الامراض عبر زيارة مواقع إلكترونية متخصصة، مثل:
1- علاج السحر: تفصيل حول الطرق التقليدية والروحانية لعلاج تأثيرات السحر.
2- علاج الحسد: نصائح وأساليب للوقاية من الحسد وكيفية علاجه والتعامل معه.
3- علاج المس: استعراض للطرق التي يمكن أن تساعد في التخلص من تأثيرات الشياطين والمس الشيطاني.
4- علاج سحر تحقير شأن الإنسان: نصائح حول كيفية التغلب على تأثيرات وعلاج سحر التحقير الذي يستهدف شأن الإنسان.
5- أخطر أنواع السحر: استعراض لأنواع السحر الأكثر خطورة وكيفية التصدي لها.
الرقية الشرعية هي استخدام القرآن الكريم والأدعية النبوية المأثورة والأذكار الشرعية في علاج الأمراض الروحانية والنفسية والجسدية، وذلك بما يتوافق مع التعاليم الإسلامية، وتعتبر الرقية الشرعية أسلوبا معتمدا وفعالًا للتداوي والحماية والتحصين من الامراض الروحانية مثل السحر والحسد والعين والمس، والكثير من الاضطرابات النفسية.