انا يائس ... وحاسس ان مفيش فايدة ... انقذوني


1 2 3  ... الأخير
قسم علاج الشذوذ الجنسي - انا يائس ... وحاسس ان مفيش فايدة ... انقذوني
medo 06:00 PM 18-03-2008

بسم الله الرحمن الرحيم

بسم الله الرحمن الرحيم
السلام عليكم ورحمة الله وبركاته ،، اولا انا مبسوط جدا ان لقيت منتدى زي ده يناقش مشاكلنا النفسية ولذلك قمت بالاشتراك فيه وهابدأ احكيلكم حكايتي بعد تردد طبعا ،، لكن عشان انا مطمن ان محدش شايفني ولا عارفني شخصيا فانا باكتب بصراحة وانا مطمن ....
انا انسان متدين واخلاقي كويسة جدا وعارف تعاليم الاسلام كويس جدا والحمد لله باصلي ،، لكن للاسف مشكلة الشذوذ بدأت معايا من صغري وانا مش متذكر اي موقف كان السبب في هذا الشذوذ لاني عشت طفولة طبيعية وابي وامي يحبوني ويعاملوني كويس ،، لم يغتصبني احد في طفولتي او احتك بيا ،، ماليش اساسا اخوات بنات عشان احب اقلدهم لكني لقيتني بانجذب للراجل وباحس بشهوة معاه مع اني ماكنتش باتفرج على اي افلام جنسية او اعيش في مجتمع شاذ ،، اول احتلام ليه كان طبعا مع راجل وكذلك اي احتلام حتى هذا اليوم كان بيكون مع راجل ,, مافيش مرة اغلط واحلم بامرأة ...
تفكيري دايما اني احب اكون بنت واتجوز راجل .. لما حسيت اني مش طبيعي وسط اصحابي واني بابص لبعض منهم نظرات مش طبيعية عملت فحص في معمل عن هرموناتي ،، لقيتني ذكر طبيعي .. وطبعا الكلام ده بعد اما فاتحت ابي وامي في الموضوع ده ومش قادر اوصف قد ايه كمية الاحراج اللي كنت فيه وانا باناقشهم وباروح معاهم عشان التحاليل دي
وبعد ما اتأكدت من التحاليل اني طبيعي وذكر ،، رحت مع اهلي لدكتور نفساني (اكتر من واحد ) واتكلمت معاهم كتير وكنت باقعد مع مجموعة نتكلم سوا وكل واحد يحكي مشكلته وطبعا حكيت مشكلتي وسطهم وسط رجال ونساء وطبعا احراج ما بعده احراج لحد ما زهقت ومحسيتش بتغيير جوايا فقلت لامي اني بقيت كويس ومش محتاج اروح للدكتور تاني ، وطبعا انا ماكنتش كويس وكنت زي ما انا ،، وبعد اما ركبت وصلة النت عندي بقيت انزل افلام وصور شواذ كتيرة وكنت باستمتع بيها كتير لحداما جيه رمضان وكنت من القوة اني مسحتهم كلهم مرة واحدة وقلت مش هادخل على المواقع دي تاني وكنت بادعي في رمضان كتير وكانت هي دعوتي الوحيدة في كل يوم اني اكره الشذوذ واني اشتهي النساء واعيش حياة طبيعية وخلص رمضان وجيه رمضان اللي بعده ودعيت كتير قوي وطلعت عمرة ودعيت كتير قوي وبرضه مش عارف ليه المشكلة دي برضه عندي ،، واكتر موقف بيهزني اما حد من اقربائي بيتجوز او بيخلف ،، كنت دايما باحس اني ضايع وماليش مستقبل ....
وصلت لحالات اكتئاب شديدة خلتني اتمنى الموت وكنت دايما باعيط قبل ما انام وادعي واقول يارب انام دلوقتي واقبض روحي وانا نايم ،، والاقي نفسي باقوم الصبح عادي ،،، بابقى نفسي اموت لكن عمري ما فكرت في الانتحار لاني على يقين ان الانتحار كفر .....
ودلوقتي رجغت تاني انزل افلام وصور واكلم شباب ع النت بمياعة وقلة ادب وحاجات بابقى مبسوط وانا باعملها لكن عارف اني هاضيع بسببها ...
كل علاقاتي الحقيقية كانت من سنة مع راجل رحتله البيت وكان جنس بدون ادخال ... ومعملتش تاني كده .. بتجيلي افكار لكن باصدها ...
حاسس اني ضايع وماليش لزمة في الحياة ومش عارف اعمل ايه ...
وفعلا نفسي اموت واخلص من حياتي وربنا يصبر اهلي بعديا ...
احسن من اني اعذبهم وانا حي .. اموت احسن ...
حاسس ان مفيش فايدة ...

السلام عليكم ورحمة الله

شوشو 09:29 PM 18-03-2008

بسم الله الرحمن الرحيم

بسم الله الرحمن الرحيم

اخي الفاضل "ميدو" ، واهلا وسهلا بكم في هذا المنتدى ، ومرحبا بكم وبمشاركتكم الطيبة والتي تُظهر مدى اهتمامكم بالعلاج من الشذوذ الجنسي ..

هوّن عليك اخي الحبيب ، فالكثير من امثالك ، والكثير له قصص وأحزان ، على كل حال ، اعتقد يا اخي ان حالتكم بها تدخل من الشيطان ، وخصوصا عدم وجود اي سبب ظاهري للشذوذ (مثل الحرمان العاطفي او التعرض للاغتصاب او التحرش) ، لذا اريد منك ان تجيبني بعض الاسئلة

هل تشعر بالتعب من اتفه الاعمال او الكسل الشديد
هل تحس بالنعاس الدائم
هل تشعر بحركات لا ارادية او رعشات او اي شيء غير طبيعي في جسمك وخصوصا عند لحظة النوم
هل ترى حيوانات كالقطط والكلاب او غير ذلك في احلامك
هل ترى مخلوقات غريبة الشكل في منامك
هل ترى من يلحق بك او يريد ايذاءك في المنام
هل تشعر بشيء غير طبيعي عند قراءة القران
هل تشعر بالسرحان وتشتت الفكر وذهاب الذاكرة والنسيان
هل انت تخاف من كل شيء حولك
هل تشعر بان قدراتك اقل مما هي عليه من قبل
هل تشعر بضيق او الم في جسدك او في راسك او في ظهرك او اي مكان اخر دون سبب
هل هناك شيء غريب اخر

ارجو منكم اخي الحبيب الاجابة ، وان شاء الله نسمع عنكم دائما الاخبار الحلوة الطيبة ..

وانصحك يا اخي الكريم بقراءة المواضيع الموجودة في المنتدى ففيها الكثير من تجارب الاخوة الكرام ولكثير من الفائدة ..

وان شاء الله نلتقي من جديد ..

واخر دعوانا ان الحمد لله رب العالمين

dr_m367 hot 09:44 PM 18-03-2008

بسم الله الرحمن الرحيم

السلام عليكم ورحمة الله وبركاته
أخى medo
أحى فيك شجاعتك وصبرك وأحى فى والديك اهتمامهم وعدم تجاهلهم لأمرك
أخى الحبيب
أنا كمان مريت بنفس الظروف ويمكن لو أنت دورت على المنتدى هتلاقى مشاركاتى وهتلاقينى كاتب اللى حصلى
يمكن صحيح أنا مش كاتب كل الطرق اللى أنا عملتها علشان أنجو من هذا الموضوع
لكن أنا بس مستنى أأجز وأخلص امتحانات وأفضى أكتب كل شئ بالتفصيل
لكن اللى هقولهولك دلوقتى
انى والله نفس الحكاية مريت بنفس الظروف من حيث إنى كنت بتمنى الموت وكنت بدعى ربنا والله العظيم نفس الدعوة انه يقبض روحى وأنا ساجد بين ايديه وانا على طاعة

كنت لما بروح أصلى فى الجامع والله كنت بقول فى كل سجدة
يــــــــــارب اقبض روحى دلوقتى وأرحنى من هذه الدنيا يارب أنا خايف أعصيك يارب صبرنى ونجينى واشفينى


والحمد لله أنت ما تتصور النجاح اللى أنا وصلتله
أصبر وان شاء الله هبعتلك تانى لأنى مش عارف أكتبلك براحتى لأنى مش لوحدى أنا الآن وسط إخوتى فمش عارف آخذ راحتى
لأنى مش عاوزهم يعرفوا عنى أى شئ
فى حفظ الله وسلام مؤقتا
وإن شاء الله ربنا مش هيضيع تعبك ولا دعائك خليك واثق من كدا
أنا زى ما شاركت قبل كدا بقول إنى عمرى ما كنت أتخيل انى ممكن أكون رجل طبيعى وانى أشتهى فتاه
لكنه حصل ونجحت وبدأت نظرتى للفتايات تتغير بعد أن كنت لا أقبل النظر إليهم
ولكن الدنيا صبر ساعة
اصبر وان شاء الله خير
ووالله أوعدك أرد عليك أول ما أكون لوحدى وأعرف أكتب كل اللى فى نفسى
أنا كتبت كتير على المنتدى لكن إلى الآن لم اخرج كل ما بى
واطلع على كل المشاركات واهتم بقرآة التعليق عن قرآة المشكلة
وطمنى عليك وتابعنى آخبارك
فى حفظ الله
وسلام مؤقتا
أخوك التائب إلى الله اللى ربنا نجاه والحمد لله
dr_m367 hot

mo7areb_elshezoz yah 11:41 PM 18-03-2008

بسم الله الرحمن الرحيم

السلام عليكم ورحمة الله وبركاته
أخى الفاضل medo:
اثبت أخى انك على الحق
أنت مش لوحدك ومش هنسيبك
لكن اصبر واثبت على الحق
واحنا ان شاء الله هنحاول نساعدك ربنا يبارك فيك ويعافيك ويعافينا من اللى احنا فيه
أنا صحيح اتعافيت بنسبة كبيرة لكن مش هخبى عليك أكيد بتجيلى لحظات ضعف
لكن ربك بيعين
وبجد أنا حاسس بنعة ربنا عليا من المعافاة صحيح مش 100 فى المية لكن بنسبة كبييييرة جدااااا
لكن عاوز أسأل سؤال للأخ شوشو
انا بعانى من كل اللى انت سألت فيه الأخ medo
عرفت الكلام دا منين؟؟؟
أرجوك رد
وان شاء الله هيكون لنا لقاء تانى
أخوكم
mo7areb_elshezoz yah

medo 03:48 AM 19-03-2008

بسم الله الرحمن الرحيم

السلام عليكم ورحمة الله وبركاته

medo 04:12 AM 19-03-2008

بسم الله الرحمن الرحيم

السلام عليكم ورحمة الله وبركاته

أولا انا باشكر كل اللي ردوا عليا وحاولوا يساعدوني ،، بجد الف شكر وربنا يباركلكم لاني ماكنتش متوقع الصراحة الرد السريع ده ..
ثانيا بالنسبة للاسئلة اللي سألهالي الاخ الفاضل " شوشو" فالرد عليه كالاتي :-
اولا انا من صغري باعاني من الوسواس القهري اللي تعابني قوي طول حياتي ،، صحيح بفضل الله انها مش حالة شديدة لكن تعبتني كتير وانا باحاول اتعايش معاها واهزمها ..
ثانيا انا شخصيتي ضعيفة جدا وحاسس اني اقل من اللي قدامي مهما كان هو ، يمكن دا بسبب احساسي ان هو طبيعي وانا شاذ ،، ودايما ما باعرفش اخد قرارات لوحدي حتى لما باشتري تيشرت او بنطلون ..
ثالثا انا من صغري وانا خجول جدا جدا وجدا كمان،، حتى اما كنت ادخل محل اشتري حاجة وشي بيحمر وتلاقيني ما باعرفش اتكلم ، فانا بافتقد القدرة على التكلم وسط الناس ،،، بس بفضل الله الموضوع ده اختلف جدا اما كبرت لاني ابتديت اتجرأ كتير واتكلم مع ده واتكلم مع ده واتعامل مع الناس ( صحيح مش جرئ قوي في التعامل بس اهو باتكلم وباخد وادي برضه ) مع العلم اني اجتماعي وباحب الناس وما باحبش الوحدة وباحب دايما لما اخرج ابقى مع صحابي ونتكلم كتير ،، اما لو كنت باحب اقعد لوحدي فدا يمكن عشان اتفرج على افلام واعمل العادة السرية واقضي وقت لطيف مع نفسي ومع اوهامي ...


هل تشعر بالتعب من اتفه الاعمال او الكسل الشديد
هل تحس بالنعاس الدائم
هل تشعر بحركات لا ارادية او رعشات او اي شيء غير طبيعي في جسمك وخصوصا عند لحظة النوم
هل ترى حيوانات كالقطط والكلاب او غير ذلك في احلامك
هل ترى مخلوقات غريبة الشكل في منامك
هل ترى من يلحق بك او يريد ايذاءك في المنام
هل تشعر بشيء غير طبيعي عند قراءة القران
هل تشعر بالسرحان وتشتت الفكر وذهاب الذاكرة والنسيان
هل انت تخاف من كل شيء حولك
هل تشعر بان قدراتك اقل مما هي عليه من قبل
هل تشعر بضيق او الم في جسدك او في راسك او في ظهرك او اي مكان اخر دون سبب
هل هناك شيء غريب اخر

ارجو منكم اخي الحبيب الاجابة ، وان شاء الله نسمع عنكم دائما الاخبار
بالنسبة للسؤال /-
هل تشعر بالتعب من اتفه الاعمال او الكسل الشديد ،،
فعلا انا كسول وما باحبش اشتغل كتير ويمكن انا بيتوتي بافضل اقعد في البيت واتفرج ع التليفزيون وانام ..

هل تحس بالنعاس الدائم
مش دائم ...

هل تشعر بحركات لا ارادية او رعشات او اي شيء غير طبيعي في جسمك وخصوصا عند لحظة النوم

أبدا .... ما بيحصلش حاجة ..

هل ترى حيوانات كالقطط والكلاب او غير ذلك في احلامك
لا ...

هل ترى مخلوقات غريبة الشكل في منامك
لا ،، نادرا ،،، ويمكن الحلم اللي دايما بيتكرر الحلم اللي بالاقي نفسي باقع من مسافة بعيدة وباصحى قبل ما اخبط .



هل ترى من يلحق بك او يريد ايذاءك في المنام
لا ...

هل تشعر بشيء غير طبيعي عند قراءة القران
لا .. عادي باقرأ القران عادي يمكن باحس بثقل وانا باقرا واني عاوز اخلص واقوم بس باحس ان دا برضه بيحصل لاي حد بيقرا قران وان الشيطان بيوسوس عشان يخليه يخلص قراءة ،، لكن ما باشعرش برعشة او ان فيه شيطان او جن راكبني ...

هل تشعر بالسرحان وتشتت الفكر وذهاب الذاكرة والنسيان
نعم دائما اشعر بذلك

هل انت تخاف من كل شيء حولك
لا

هل تشعر بان قدراتك اقل مما هي عليه من قبل
قدراتي الجنسية بس اللي بقت اقل مما عليه من قبل ، لكن قدراتي الجسدية والذهنية بتتطور كل يوم لكن مشكلتي والتعمق فيها والتفكير فيها بتحسسني بالضعف واليأس .

هل تشعر بضيق او الم في جسدك او في راسك او في ظهرك او اي مكان اخر دون سبب
اشعر بالضيق فقط لما بافكر في شذوذي ولما باشوف الناس الطبيعيين بتعيش عادي وبتتجوز وبتخلف .

هل هناك شيء غريب اخر
انا بس اللي غريب وتفكيري وافكاري كلها غريبة ..


بس هو ده ردي على كل الاسئلة وانا مستعد للاجابة عن اي سؤال اخر وانا ان شاء هافضل كل يوم متابع معاكم وهاحاول امنع نفسي من المواقع الاباحية الشاذة وهادخل على المنتدى دا اتكلم معاكم ،،، يمكن احس بتغيير ومستعد اطبق اي حاجة تشورا بيها عليا بس يكون بالتدريج وفي مقدرتي .....
يارب انا ضعيف وغلبان وماليش حد غيرك ،، يارب انا راضي بقضاءك عليا بس انا مش عارف اعيش في الدنيا اللي انت حاططني فيها ،، خدني منها على خير يارب وارحمني من عذاب الدنيا اللي انا عايشها وما تفضحنيش يارب قدام الناس ....
الحمد لله رب العالمين ، اللهم اجرني في مصيبتي واخلف لي خيرا منها ..

وجزاكم الله خيرا والسلام عليكم ورحمة الله وبركاته .....


dr_m367 hot 03:06 PM 19-03-2008

بسم الله الرحمن الرحيم

السلام عليكم ورحمة الله وبركاته
ربنا يعزك يارب
أجمل حاجة أنت قولتها
((( اللهم أجرنى فى مصيبتى وأخلفنى خيرا منها )))

ربنا يعزك هذه الكلمة هزتنى
ربنا يكرمك ياااااارب ويعفو عنك وعنا
ويثبتنا
فى حفظ الله
أخوك
dr_m367 hot

dr_m367 hot 03:12 PM 19-03-2008

بسم الله الرحمن الرحيم

أخى medo
اقفل على نفسك باب أوضتك
وصلى ركعتين لله وابكى ابكى وقول لربنا كل اللى فى نفسك
أنا عارف أنك بتعمل كدا
بس والله أنا لما بكون مضايق ما بريحنيش غير انى بناجى ربنا
تعرف المناجاه لها فضل كبير جدا وهى بتختلف عن الدعاء
ربنا يبارك فييك
وان شاء الله هيكون لى معك مشاركات أخرى
ابقى راسلنا وتابعنا أخبارك
وبلاش تنقطع عن المنتدى لأن الصحبة الصالحة بتعين

medo 04:08 PM 19-03-2008

بسم الله الرحمن الرحيم

اخي الفاضل " dr-m367 hot " جزاك الله خيرا على ردودك معايا ، وان شاء الله هاعمل اللي قلتلي عليه ، انا صحيح عملته كتير بس هاعمله تاني النهارده والله المستعان ،، بس ما تقطعش كلامك معايا ومستنيك تقوللي على حكايتك اللي قلت مش عارف انت تقولها علشان اخواتك كانوا جنبك وربنا يباركلك يارب ...

ومنتظر رد الاخ " شوشو " على اجاباتي لاسئلته .....

والسلام عليكم ورحمة الله وبركاته

dr_m367 hot 05:37 PM 19-03-2008

بسم الله الرحمن الرحيم

السلام عليكم ورحمة الله وبركاته
أخى والله أنا عندى كلام كثيييير وإن شاء الله فى اقرب فرصة هقولهولك
لكن مبدئيا عليك بلاإلتزام بجدية بغض البصر وأنا عارف انك ملتزم لكن فذكر
وأتمنى أنك ما تنقطعش عنا
والله أنت ما تتصور كونى منعت نفسى من أى موقع وبدأت أتخذ من الصحبة على هذا المنتدى أثر معايا بلاإيجاب إزاى

أنا بفرح لما بلاقى واحد عاوز يخرج من اللى هو فيه
وإن شاء الله والله هحاول أقدملك اللى أقدر عليه
وهقولك على اللى أنا عملته وربنا نجانى والحمد لله
لكن فى أقرب فرصة لأنى متخفى زى ما أنت عرفت
فى حفظ الله
أخوك اللى يتمنى لك كل خير أنت وغيرك
dr_m367 hot
لا إله إلا الله
وربنا يشفينا جميعنا ويثبتنا على الحق
وربنا يبارك فيك ودعوااااااااااااااتك


في عالمنا اليوم، يعتبر السحر والحسد والمس وسحر تحقير شأن الإنسان من المواضيع التي تثير فضول الكثيرين. ويعتبر البعض أن هذه الظواهر والامراض تحمل في طياتها آثارا سلبية تؤثر على حياة الأفراد والصحة الجسدية والنفسية. هناك العديد من الطرق والتقاليد التي تعنى بعلاج هذه الامراض، سواء كانت عبر الطب الروحاني، أو الطب البديل، أو الطب النفسي. يمكن العثور على بعض النصائح والطرق الفعالة في التخلص من تأثيرات هذه الامراض عبر زيارة مواقع إلكترونية متخصصة، مثل:

1- علاج السحر: تفصيل حول الطرق التقليدية والروحانية لعلاج تأثيرات السحر.
2- علاج الحسد: نصائح وأساليب للوقاية من الحسد وكيفية علاجه والتعامل معه.
3- علاج المس: استعراض للطرق التي يمكن أن تساعد في التخلص من تأثيرات الشياطين والمس الشيطاني.
4- علاج سحر تحقير شأن الإنسان: نصائح حول كيفية التغلب على تأثيرات وعلاج سحر التحقير الذي يستهدف شأن الإنسان.
5- أخطر أنواع السحر: استعراض لأنواع السحر الأكثر خطورة وكيفية التصدي لها.


الرقية الشرعية هي استخدام القرآن الكريم والأدعية النبوية المأثورة والأذكار الشرعية في علاج الأمراض الروحانية والنفسية والجسدية، وذلك بما يتوافق مع التعاليم الإسلامية، وتعتبر الرقية الشرعية أسلوبا معتمدا وفعالًا للتداوي والحماية والتحصين من الامراض الروحانية مثل السحر والحسد والعين والمس، والكثير من الاضطرابات النفسية.



1 2 3  ... الأخير