بعد جديد للعلاج


1 2 
قسم علاج الشذوذ الجنسي - بعد جديد للعلاج
الحب الزائف 01:59 AM 15-01-2009

بسم الله الرحمن الرحيم

السلام عليكوم انا عضو جديد اتمني ان تقبلوني صديقا لهذا المنتدي الرائع الي اداني فعلا افكار وحلول فعلا كانت غايبه عن بالي رغم اني كنت بروح لا خصائي لمدة عام ولكني انقطعت من تلات شهور

احب احكيلكم عن تجربتي وحابيب اني اخد رايكوم واشاركم الراي فانا شاب 27 سنه قصتي مش مختلفة كتير عن قصص قرتها هنا في المنتدي فانا شاب ماليش اخوات ولاد -اختين بس- علاقتي مع والدي رحمة الله كنت معدومه لانشغالة دئما في العمل ومنذ الطفوله وانا خجول و انطوائي وعمري ما عارفت معني الصداقة واللعب مع اقراني كنت ديما وانا صغيراحلم ان يكون ليا اخ واني بلعب معاه وكنت كل عام دراسي اعجب بولد واتمني طول الوقت اني اصحبو واللعب معاه لكن خجلي وهدوئي كان يمنعني اني اتعرف علي اي حد وبدات الرغبة الجنسيه عندي ولم افكر مطلقا في بنات كانت رغبتي ناحية الولاد بشكل غريب واني كنت بفتكر هزارهم مع بعض في الدرسه(الهزار الغير محترم) وكنت بتخيل اني معاهم واكتشفت العاده في فتره مبكره واصبحت امارسها علي هذاة التخيلات وتخيلات من الرجال علي الشواطي

الغريب ان طول الوقت كانت كل الاشارات خصرا مفكرتيش ابدا اني غلط او في حاجه مش صح الي ان في تانية ثانوي حصل تغير الي حد ما بسبب مدرس كان مطهضني وكان مصاحب كل الفصل الا انا بدات احس اني عندي مشكلة اجتماعيه كبيره اشتغلت عليها واتخلصت الي حد كلبير من خجلي وبدات اتكلم مع ناس وفي تالته ثانوي كالعده اعجبت واحد بس علي غير العاده جه وكلمني وبقينا اصحاب حبيتو جدا كنت اول مره اعرف معني الصداقة دخلت معاه عالم اول مره اشوفو شوفت ازاي الولاد العادين بيتعملو ازاي ممكن يشوفو افلام جنسيه – عاديه – ازاي نيتكلمو علي العادة السريه بدون خجل ازاي يتكلمو ويشتمو بعض ويهزرو مع بعض بالشتيه واتعلقت جدا بالولد ده لدرجه اني كنت بغير من اي صاحبو التانين

دخلنا انا والشاب ده نفس الكلية بس للاسف دخل في شلة فيها اولاد وبنات وبقي يتجنبني ويتجنب الكلام معايا
كانت فتره صعبه نفسيا بالنسبه لي و اهمالي الدراسه لدرجه اني كنت معرض للرسوب بس الحمد لله ربنا ستر وقررت اقطع علافتي بيه تماما والتفت لمذاكرتي وفعلا بقيت مركز جدا في المذاكره وكنت بجيب تقديرات في الكليه وكانت علاقتي محدوده في الكليه جدا لهدوئي وانطوائي رغم محاولاتي الدائمه اني اخرج من هذا الانطواء لاني مكنيش حابيب نفسي كده في الفترة دي بدات النت صور وافلام وشات بس عمري ماتخيلت اني ممكن امارس وكنت حياتي ماشية كده افلام ومزاكره مع تذببي في الصلاه وعلاقتي بربنا

اتخرجت من الكليه وبدات ادور علي شغل وحسيت بالوقت ده بالوحده الفظيعه فنظرت الي حياتي قبل كده لقيت اني معنديش صحاب خالص كنت بعاني بالوحده والاكتئاب الشديد دخلت درسات عليا واتعرفت علي شاب وحبيتو جدا نفس الحب بتاع ثانوي وبردو اتعلقت بيه جدا للدرجه اني كنت بتصل بيه في اليوم اكتر من ثلات مرات طبعا هوه مقدريش يستحمل العلاقه دي واخر مره اتقابلنا فيها كلمني جامد جدا بعدها كرهت الدنيا وبدات ااقابل ناس من النت ونويت اعمل علاقات رغم عدم تفكير في هذا الامر مطلقا قبل هذا الموقف قابلت ناس كتير بس كانو مش التيب بتاعي لغايت ماقبلت ولد بردو حسيت بحب تجاهوه هوه كان عايز يتخلص من الموضوع ده
وكنا بنتكلم عن كيفيه العلاج بس للاسف بردو متقيلتيش في الوقت ده لقيت شغل- الي انا فيه الي الان- كانت بردو فتره صعبه في الشغل من عدم تركيزي ومحاولاتي الدائما التعلق بهذه العلاقه الي مكنتيش عايز منها عير الصداقه بس كل مره كنت احس بالحباط من هذا الشخص اقابل حد من النت وبدات فعلا وقتها الممارسه –بدون ممارسه كامله- اعترف اني مستمتعتيش اوي بالعلاقه زي ما كنت متخيلها بس عملت كذا مره بعد كده هروبا من حاله الاكتئاب من هذا الشحص

الغريب انا كنت ديما بسال نفسي ليه خظي كده مع الناس الي بحبهم فانا شكلي بجد الحمد لله وسيم جدا ورشيق ودمي خفيف وعندي القدره علي فتح المواضيع واتكلم فيها يس مع الوقت وكمان الخبره في الشغل بدات اتحسن في كلامي مع الناس وعمل علاقات مع ناس عديين وحبوني جدا وفعلا بقينا اصحاب بس يمكن مكنيش متعلق بيهم اوي يمكن عشان مش علي مستواي علي الشكل مثلا- ناس مش مهتمين بلبسهم وشكلهم – وكمان المستوي الاجتماعي بس في نفس الوقت محبتيش اخسر الناس ديه بس ديما بقول لنفسي انا حاسيس اني استحق احسن من كده فانا بشوف ديما شلة اصحاب ولاد ناس وشكلهم كويس وصحاب جدا ( الطيور علي اشكلها تقع )

فاتيت ثلاث سنوات وانا في الشغل وانا علي الحال مع هذا الشخص المثلي لما يحن عليا ويكلمني كويس ابقي معنوياتي في السما لما يعاملني وحيش ادور علي ناس امارس معاهم – بس اغلب الي قلبلتهم مش تيبي يعني ممارستيش كتير ممكن 7 او 8 مرات علاقه غير كامله- الي اني قررت اني اقطع علاقتي بهذا الشخص تماما لاني تعبت من كتر منا بعملو كيس وهوه بيعملني وحيش يمكن الافاده الوحيده من هذا العلاقه اني قررت اروح للاخصائي الي بيرحلو الشخص ده وفعلا رحتلو لمده عام بس للسف محسيتيش باي تقدم لان ببساطه لعام كامل لم يقولي اي حاجه بخصوص الشذوذ كل الي كنت بيقولهلي ازاي تنظم وقتك وتعمل حاجات مفيده في يومك كلام كويس بس مش لده سنه الي انني قررت اسيبو من كام شهر

دلوقتي انا معايا صحبي من الشغل الحمد لله ربنا عوضني بيه فهو شحص رائع جدا – خطوبته كانت من شهرين- بس يمكن انا نضجت في العلاقات مع الناس فعرفت افرق بين حب الصداقه والحب الحب فمحصليش نفور وبدا يعرفني علي اصحابو والحمد لله حبوني وعرفت اتعمل معاهم وانا اهوه بقالي سنه معاه حسيس اني كل فتره بقرب منو وفي واحد كمان صحبتو جاري بردو كويس ساعات بخرج معاه

معليش طولت عليكو بس كنت لازم احكيلكو عن اخوكم الجديد المهم انا من خلال قرايتي للمواضيع هنا اعتقد ان علاج حالتي يتمثل في قربي من الله تعالي والاتزام بالصلاة و البعد عن اي ممارسه شاذه من نت وصور وعاده وتيجي بعدها موضوع الكبت والتنفيس الغيري بس اعتقد في حالتي وده اعتقد معترف بيه في العلاج من المثلية والي لم اصادف اني اقريتو هنا في المنتدي –هوه ازاي تعمل علاقات طبيعيه مع ذكور عاديين تعوض فيهم نقص الحنان الذكوري الطبيعي في فترة الطفولة

( ملحوظه: علي الرغم من ان الاخصائي الي كنت برحلو كان مصمم علي الفصل التعسفي بين المشكلتين وان ملهميش علاقه ببعض وانا احنا مش حنضيع الوفت في علاج مشكله قليله الاهميه مثل الصحاب ونسيب الشذوذ مشيت وراه لقيت ان انا معملتيش حاجه ملموسه في المشكلتين كان الكلام متخبط وخصوصا في الفتره الاخير)

حابيب اسمع ارائم في هذا الكلام

وده الي بحاول اعملو مع صحبي الي من الشغل وصحبي التاني بس بواجه شويه مشاكل لو عندكو حل ليها :

نفسي اندمج مع صحبي ده وصحابو اكتر فهو بيكلم صاحبو بالشتيمه-اسف- بس هيه دي لغة الكلام مع اغلب الشباب العادين غير المتدين طبعا وبحس اني بعيد عنهم لو متكلمتيش بالغه دي بحاول اتكلم بهذه الطريقه مع صحبي التاني بس بحس اني بكون متصنع بس من جوايا عايز اتكلم كده يمكن عشان حاسيس ان ده جزي من التعبير عن الرجوله ورغم محاولاتي اني ابقي زيهم ( طبعا في خطوط عريظه لايمك اتخطها) بس بردو مش حاسيس بالندماج الكامل هل مع الوقت حيختفي


(ملحوظه: مش عارف ليه علاقه بالموضوع ولا لاء بس انا بتغريني اوي الشتيمه بين الشباب -اسف تاني-وممكن امارس العاده بتخيل هذة الشتائم )

( ملحوظه: جربت بعد ما اتخرجت اني ادخول في شلة الجامع بس للاسف معجبنيش الجو لان العلاقات مبنية علي انك لازم تتعرف علي ناس ممكن متبقاش قابلهم بس نشاط المسجد يجبرك انك تتعامل معاهم وحاسيت ان تديني متصنع وان الي انا في ده مجرد هروب انا طبعا الحمد لله علاقتي مع ربنا كويسه وبحاول احسنها وبحافظ علي الصلاة )

بحس ديما اني في فرق توقيت واني عمري ما حبقي زي صحابو الي مصاحبهم من زمان يعني ساعات بحس بالغيره رغم طبعا قلتها بشكل ملحوظ عن قبل كده من اصحابي – او الي كنت معتبرهم صحابي – يعني مثلا كنت زمان مش بطيق حد يخرج مع صحبي الي معايا بس في نفس الوقت بضايق انو بيكلمهم ويسبني ساعات او انو متعود عليهم اكتر مني

هل الي انا بعملو ده كويس وايه الي ممكن اعملو تاني وايه ممكن يكون الغلط فيه اواسف مره تانيه للاطاله

اللهم عليك باليهود الملاعين

dr_m367 hot 02:21 AM 15-01-2009

بسم الله الرحمن الرحيم

السلام عليكم ورحمة الله وبركاته
أخى الفاضل "الحب الزائف"
سريعا اسلم عليك لضيق الوقت لدى وارحب بيك وسطنا
وبقوللك أهلا بيك ونورت اخواتك
انا على عجل لكنى صممت انى ارحب بيك بسرعة واقوللك احمد ربنا انه نجاك وانه هداك لإنك تبحث وتدور على طريق النجاة لان غيرك الشيطان بيغويه وبضعفه بيستسلم
واعذر انى مستعجل
بس بجد
أهلا بيك وشرفنا بمعرفتك ونتمنى انها ما تكون مشاركة وعديت وانك فعلا تفضل معانا على طول تسمع منا ونسمع منك
وان شاء الله هنكون عون لبعض على كل خير وطاعة
وطبعا للحديث بقية لأنى لسة ما تكلمتش فى موضوعك
واتمنى يا اخى انك فعلا تعتبرنا اخواتك واصحابك
والله يستجيب دعاءك وينصر اخوانا فى غزة
وربنا يرزقك يااااااااااااااااااااااااااارب بخير صحبة ان شاء الله دنيا وآخرة باذن الله
احد اخواتك المجاهدين لأنفسهم
فى حفظ الله أخى الفاضل


علاء كريم 02:42 AM 15-01-2009

بسم الله الرحمن الرحيم

في البداية ارحب بك اخي الحب الزائف و سط اخوانك المجاهدون لانفسهم .و ان شاء الله ستجدهم كلهم ادان صاغية .ساجيبك ان طلاقا من تجربتي .العلاقة العادية مع الغيريين شيء مهم في العلاج .لكن صدقتي اخي الاهم منها هو الاصلاح الداخلي .فانا عن نفسي كانت و لا تزال لدي العديد من العلاقات السليمة مع الغيريين لكنها لم تنفعني كتيرا في العلاج .لاني ركزت اكتر على مظهري الاجتماعي و نسيت الاصلاح الداخلي .و الشيء الخطير انه عندما يكون لديك العديد من الاصدقاء فاكيد انه سيكون واحد من بينهم فيه الصفات التي تجدبك كالوسامة و الرجولة و غيرها .و عندها ستقع في حبك .فتكون هده العلاقات جاءت بنتيجة عكسية .و انت تعلم عداب و الم العشق المثلي . فانا انصحك يا اخي الكريم ان تركز اكتر على الاصلاح الداخلي و هنا اقصد .تقوية الوازع الديني و الصلة بالله .توجيه التخيل نحو الجنس الاخر .و غيرها من الخطوات المعروضة في المنتدى و حينها سينصلح كل شيء بطريقة تلقائية .اي انك ستصبح اقل خجلا و اقل انجدابا للرجال .و اكتر تقة .و للحديت بقية و ارحب بك مرة اخرى.
احد المجاهدون لانفسهم

الحب الزائف 02:52 AM 15-01-2009

بسم الله الرحمن الرحيم

ربنا يارب يكرمك

والهي العظيم انا بكيت لما شوفت ردك مش عارف ليه

يمكن عشان مكنتيش متخيل ان حد حيرد عليا

او يمكن من كلامك الجميل

مش عارف بس كل الي انا عارفو اني مبسوط جدا من ردك حتي لو كان سريع

ربنا يكرم ويثبتك


dr_m367 hot 03:23 AM 15-01-2009

بسم الله الرحمن الرحيم

أخى الحبيب "الحب الزائف"
والله انا اللى دمعت عيناى من ردك
اطمئن اخى الحبيب
طمن قلبك وحالك
وان كان علينا ازاى ما نردش على اخ حاسين بكل كلمة بيقولها وعارفين كل نبضة بتطلع منه وكل فكرة بيفكر فيها
اخى الفاضل
احنا متمسكين بيك وبأخوتك اعرف دا كويس واتأكد منه
وربنا يااااااااااااااااارب يصلح حالك وحالنا ويقدرنا اننا فعلا نكون لبعض خير معين ومشجع على الطاعة والنجاة من هذا الامر والوصول لبر الأمان
وبرضه لى معك كلام تانى
بس ما قدرتش اشوف ردك وما اعلقش
فالله يحفظك اخى من كل سوء ويبارك فيك ويحققلك مرادك

الحب الزائف 03:27 AM 15-01-2009

بسم الله الرحمن الرحيم

شكرا يا اخ علاء كريم علي النصائح الغاليه

فعلا ممكن يكون عندك حق في الانجذاب للرجال العادين

بس انا حبيت اعرض مشكلتي من الاول عشان تعرفو اد ايه موضوع الاصحاب ده ممكن يكون سبب من اسباب المشكله عندي

انا بلاحظ مثلين كتير ليهم اصحاب غيرين كتير زي منتا بتقول ومنهم صحبي الاخير الي حكيت عليه الي كان عندي امل ان احنا نبقي صحاب ويدخلني في شلتو - العاديه- بس للاسف رفض بشده رغم اني حكتلو عن كل مشكللي واد ايه ممكن يكون سبب في تحسن حاللتي النفسيه علي الافل (يمكن يكون معذور - ربنا يسهلو)

(وانا للاسف لغايت وقت مش بعيد لا كان في اصحاب مثلين ولا غيرين ولا بنات ولاحد كنت وحيد جدا )*

فممكن متبقايش العلاقات دي مفيده لبعض الناس فنا مثلا صحبي الي من الشغل ده رحت انا واصحابو مصيف وكانو بيعاكسو البنات وبيتكلمو عن البنات وبيبصو عليهم من غير محس لقتني بقلدهم ومكنيش ملتفت اوي لاجسام اصحابي -خصوصا واحنا في المصيف- علي الرغم من انهم ممكن حنسيا الشكل الي بتمناه بس انا مش بقف كتير عند الكلام ده مدام انا علي طول بحول اي حب لحب اخوي وده الادوم في اعتقادي ومتهيقلي الدليل علي كده فرحتي الغامره بخطوبة صحبي وازاي بفرح لما يتكلم عن خطيبتو لغايت مخلني غرت منو في اني ممكن اخطب (رغم حبي الشديد له وشدة وسامته)

مش بقول طبعا هوه ده الحل الداخل طبعا اهم مليون مره الي لغيت دلوقتي مبدايش فيه بقوه( في محاولات بس مقطوعه للاسف- حتكلم فيها في مشاركات تانيه ان شا الله)

وحبيبب اسمع رايك والف شكر علي النصيحه وحاخد بالي من الي انا قولتو اكترررر

علاء كريم 04:15 AM 15-01-2009

بسم الله الرحمن الرحيم

اخي الغالي الحب الزائف احسست كتيرا بنقاء سريرتك و نبل اخلاقك من خلال بحتك الدؤوب على اخوة في الله .و ساقول لك شيئا اتخد من اعضاء المنتدى اخوة و اصدقاء لك. و ساقول لك فيما بعد لمادا.

ففروا الى الله 04:55 AM 15-01-2009

بسم الله الرحمن الرحيم

اخى الحبيب لماذا تصر كلما واجهت مشكلة ان تجلد ذاتك

لا تفعل ذلك يا اخى ابدا

وراقب الله فيما تفعل

مصاحبة الناس والتونس بهم امر سهل جدا ليس عليك الا ان تكون ودود وان تنظف مخك من الانجذاب الجنسى كشرط للصداقة
وحتى لو وجد صدفة من تنجذب الية فلا تختلى بة ابدا وحاول دائما ان تخرج فى شلة وليس فردانى وليكن الاصل فى الصداقة عدم الانجذاب الجنسى
والافضل ان تجد من لة عقل ودين وتعطى فرصة لعقلك ان يعمل ويتفكر فى اى شىء اخر غير الغريزة ونصفك الاسفل

الصحبة الصالحة هامة جدا والشتائم والهبل دة موضة وراحت وفعلها سهل وموجود فى كل مكان
الصعب ان تكون مختلف وتعرف كيف تمسك لسانك وفرجك وتطلق عقلك بما يمتعك و ينجيك

وان وجدت من تنجذب الية لا تختلى كما قلت لك ابدا ولا تضرب علية الحصار وتفضح نفسك
وادعو الله الا يجعل بينكم الا خيرا ان رايت بة خيرا
وسترى نتيجة ما اقول لك وعاجلا وليس بآجل بإذن الله بشرط الصدق فى السعى

اخى الحبيب عدم رضاك عن نفسك يدفعك للاسوأ فخذ حذرك

فانت عندما فشلت فى علاقة انجرفت فى فعل ومن فعل الى فعل الى اسوأ

الى اثارة بتخيل الشتائم
وهو نوع من المازوخية
ومنها ستمر الى ما بعدها

فقف وانظر اين تقف
واستعن بالله وكن صادقا معة وعد


وستجد ما يرضى نفسك ويزكيها


اخى الكريم اعتبر نفسك بين اخوتك
ولا تملنا ابدا
وستجدنا دائما معك
ناخذ بايدى بعضنا لنمر من هذة الدنيا

وننجو بفضل من ربنا

اخى الحبيب اعلم ان لك اخوة وكما بدات سوف تكمل معنا هنا

وستمضى فى الطريق المخالف لما امضيت

الطريق الى ربك
الطريق الى احترام ذاتك
الطريق الى تكوين اسرة اولاد صالحين
الطريق الى جنة ربك بفضل منة ورحمة

ان شاء الله


علاء كريم 01:51 PM 15-01-2009

بسم الله الرحمن الرحيم

اخي الغالي الحب الزائف .احسست من كلامك انك تعاني من الوحدة و انك تريد اصدقاء في ارض الواقع .و لديك عطش شديد للعلاقات الاجتماعية و هدا امر طبيعي .لان الانسان اجتماعي بطبعه .و ساعطيك العديد من النصائح لتكسب الكتير من الاصدقاء في و قت و جيز .و لكن قبل ان اسردها .انصحك ان لا تطبقها على من تحس في اول نظرة بالانجداب اليه . لانها ستنقلب بطريقة عكسية .
1 كن مستمعا جيدا
2 اظهر للاخر ان الموضوع الدي يتكلم به يتيرك و اهتم بشؤونه و مشاغله
3 ارسم دائما ابتسامة عريضة على وجهك فالابتسامة هي جواز السفر لاختراق القلوب
4 كن متفائلا في كلامك و اظهر مزايا و نقط قوة صديقك
5 لا تكن ناقدا لكل كبيرة و صغيرة في الاخر
6 لا تبني حصارا على من تود مصادقته بل اتركه و كن اكيد انه هو من سيود مصادقتك لان الناس لا تحب ان اتحس ان حريتها ممكن ان تقيد من طرف شخص اخر
7 و يجب ان تعلم ان الصداقة كباقة الزهور فمنها صديق المرح و منها صديق الجدية و منها صديق الفسح و صديق الخدمات .فالصداقة تعددية و ليست تنائية .
9 لا تبالغ في بداية الصداقة بكترة الاهتمام و الطيبوبة لانها ستقتل الصداقة قبل بدايتها .بل اترك الصداقة تبنى بطريق تدريجية .اي لا تجعلها كهاجس في البداية .
و في الختام احب ان اختم كلامي لي و لك و للجميع ان نملا قلوبنا بحب الله و رسوله .فهدفنا في الحياة هو رضا الله .و كن اكيد حينها ان الله سياتي لك باروع صديق و احسن زوجة .و ابر ابن .و السلام

ففروا الى الله 04:05 PM 15-01-2009

بسم الله الرحمن الرحيم

اخى الكريم ابتعد وتجنب مصادقة من بة مقدمات لأنجذابك الية
اعطى الاولوية للعقل والأهتمامات

وصاحب فى مجموعة دائما

احس ان كلام الاخ علاء منصب على شخص تريدة صديقا وحبيبا
واحس ان الطريقة هى كيف أن تجعلة ينجذب لك حتى تكون انت الممسك بجوانب الامور ولا تحاصرة

وهذا ليس هدفك ولا هدفنا اليس كذلك؟



في عالمنا اليوم، يعتبر السحر والحسد والمس وسحر تحقير شأن الإنسان من المواضيع التي تثير فضول الكثيرين. ويعتبر البعض أن هذه الظواهر والامراض تحمل في طياتها آثارا سلبية تؤثر على حياة الأفراد والصحة الجسدية والنفسية. هناك العديد من الطرق والتقاليد التي تعنى بعلاج هذه الامراض، سواء كانت عبر الطب الروحاني، أو الطب البديل، أو الطب النفسي. يمكن العثور على بعض النصائح والطرق الفعالة في التخلص من تأثيرات هذه الامراض عبر زيارة مواقع إلكترونية متخصصة، مثل:

1- علاج السحر: تفصيل حول الطرق التقليدية والروحانية لعلاج تأثيرات السحر.
2- علاج الحسد: نصائح وأساليب للوقاية من الحسد وكيفية علاجه والتعامل معه.
3- علاج المس: استعراض للطرق التي يمكن أن تساعد في التخلص من تأثيرات الشياطين والمس الشيطاني.
4- علاج سحر تحقير شأن الإنسان: نصائح حول كيفية التغلب على تأثيرات وعلاج سحر التحقير الذي يستهدف شأن الإنسان.
5- أخطر أنواع السحر: استعراض لأنواع السحر الأكثر خطورة وكيفية التصدي لها.


الرقية الشرعية هي استخدام القرآن الكريم والأدعية النبوية المأثورة والأذكار الشرعية في علاج الأمراض الروحانية والنفسية والجسدية، وذلك بما يتوافق مع التعاليم الإسلامية، وتعتبر الرقية الشرعية أسلوبا معتمدا وفعالًا للتداوي والحماية والتحصين من الامراض الروحانية مثل السحر والحسد والعين والمس، والكثير من الاضطرابات النفسية.



1 2