عضو جديد, دوامة .. قلق .. رغبة شديدة للتغيير هل من حل ؟

واثق انت رجال ، أباضي مالي هدومك على قولتهم و حبيب بعد :d

مسافر منطقة نائية عشان كورس و شقتي مافيها نت
توني جايب اشتراك زين ديلايت .. مرة حلو ، احسن لك من قوووو :d
اذا تبيني اتصارع معك فانت ناوي على روحك و تسلم لي يا واثق انا ادخل و اركض على ردودك من اكثر الناس اللي يهموني هنيييييا :d

تقدر اخوي ترسل لي رسالة خاصة برقم اخصائي ماهر , لاني لا اعلم فـ انا اتصلت بعيادة الدكتور طارق حبيب وقالوا لي راح نحولك لدكتور و و و ..

الايطالي راجع لقراءة ردك

للاسف خدمه الرسائل الخاصه غير مفعله بالمنتدى .. >>> موضوعه شكل
لكن الله يجزاهم خير ادارة المنتدى واشكرهم على انهم وفروا لنا هالموقع

تامر امر اخوي , يمكن كلامي ماكان واضح لكن دامك طلبت انا راح ألبي لك مرادك , مع اني احسك فاهم وش اعني انا لكن بقولك بالظبط بالظبط ايش افكر فيه الان وايش قاعد يصير بعقلي , رغم اني والله احس اني منحرج جدا ومتضايق وانا اقوله , واحس لو احد سمعني ( غيركم ) راح يبصم اني مجنون 100%

اللي افكر فيه بالظبط , اثناء الوسواس ( لأني زي ماقلت لك اعيش في حالة من الافكار الجارفه الكبيره )
افكار , وتصرفات كنت افعلها في الماضي تثبت اني عكس هويتي , طبعا ما اجد وان وجدت فـ ما الاقي الا بعض التصرفات الانثوية , وبعض التأنيب الذي كان يأتيني اذا ارخيت او كما نسميها احنا ( مياعه ) مع اني والله ما اكون اقصدها ابدا .. وفي نفس الوقت اتذكر اني كنت أتهاوش مع اخي ( يصغرني بسنة واحدة فقط ) , واتذكر اني احب العاب القتال والالعاب الحركيه والجولات والصولات .. اذكر اني كنت احب لما احد يمدح رجولتي ويقول الفلان هذا رجال , وارجع بنفس اللحظة افكر واقول ممكن اكون انثى لكن طغى عليها الطابع الذكوري ( بحكم اني العب مع اخي الصغير دايم ) وهذي الانثى ترجع لطبيعتها لما تلعب بألعاب البنات وترتدي مايرتدونه بعض الاوقات .. لا اعلم مشاعر متضاااااااااااااااااااربه للغاايه

ورب الكون اني اشطح احيانا بالتفكير واقول ماذا لوكنت فعلا انثى , وماذا لو اصبح الجميع يعلم ذلك بما فيهم اغلى مافي الوجود لدي ( والدتي ) التي كانت معي خطوة خطوة والتي ستنصدم واتخيل صدمة الناس ..

جنون اللي افكر فيه صح ؟ انت تقول لاتتعب نفسك بالتفكير وضع حد لتفكيرك ولاتعطي نفسك مالا طاقة لها به , ولكني اقولك والله غصب عني !! وكأني اريد احد يدخل مخي ويفره يأكدلي ان اللي فييني شذوذ وبسسسسسسسس مو احتمالية في اضطراب هوية وغيرها

ايش اقولك بس تركيز في الدراسه انعدم ( الحالة هذي بدأت معي قبل اسبوعين ) لاسيما اني في امريكا الان وفي فترة دراسة مهمه جدا ( دراسة اللغة ) , سبق انها جاتني قبل سنه لكنها اختفت عندما رأيت موضوع الاخ Anonymetto وفتوة الشيخ ابن باز ببطلان ذلك الشعور ( من يشعر بدخله خلاف جنسه ) ومن ثم تأتي اقاويل تقول كلا هذا الشخص يجب ان يعيش حياته كما يجب ( كما يقول الاجانب بأن الشاذ طبيعي ويكون هذا شي في جيناته وانه ولد هكذا ليعيش هكذا حتى شالوه من قسم الامراض النفسيه والعقليه ) ..


الايطالي , لا اعلم حقيقة دخل الهرمونات بالموضوع , فلا يوجد اي شي من المظهر الخارجي مايختلف عنه الرجال , حتى صوتي خشن جدا جدا

نعم هذا ماحدث لي , اتصل وكلمتنا استشاريه ( خصوصا اني انا وصديقي صابتنا نفس الحاله تماما ) > نفس ما اشعر به يعني
وسوينا الخطوات كلها قالت فقط حولوا لنا المبلغ للجلسه اللي تبونها,,
كل المعلومات عندنا بس خوفك ياخوك يطلع الدكتور غير خبير او من هذه الامور ..