انا يائس ... وحاسس ان مفيش فايدة ... انقذوني


1 2 3 4 5  ... الأخير
قسم علاج الشذوذ الجنسي - انا يائس ... وحاسس ان مفيش فايدة ... انقذوني
شوشو 11:51 PM 21-03-2008

بسم الله الرحمن الرحيم

بسم الله الرحمن الرحيم

اخواني الافاضل الكرام ، اشكر الجميع على حرصه على الشفاء من داء الشذوذ البغيض ، والذي كان عاقبة من فعله الوعد والوعيد ، فإن الله قد ارسل سيدنا جبرائيل لقوم لوط واقتلع بريشة واحدة في واحدة من احد اجنحته تلك القرية المشؤومة "سدوم" والتي غطتها مياه البحر الميت الان وترك الله فيها آية للذين يخافون العذاب الأليم ولم ينته ذلك بقلب القرية فقط ، انما بارسال الحجارة المسومة المحترقة عليهم وبعد قلبهم ،
قال تعالى { فَلَمَّا جَاء أَمْرُنَا جَعَلْنَا عَالِيَهَا سَافِلَهَا وَأَمْطَرْنَا عَلَيْهَا حِجَارَةً مِّن سِجِّيلٍ مَّنضُودٍ (.) مُّسَوَّمَةً عِندَ رَبِّكَ وَمَا هِيَ مِنَ الظَّالِمِينَ بِبَعِيدٍ }

وقال تعالى { فَأَخَذَتْهُمُ الصَّيْحَةُ مُشْرِقِينَ (.) فَجَعَلْنَا عَالِيَهَا سَافِلَهَا وَأَمْطَرْنَا عَلَيْهِمْ حِجَارَةً مِّن سِجِّيلٍ (.) إِنَّ فِي ذَلِكَ لآيَاتٍ لِّلْمُتَوَسِّمِينَ (.) وَإِنَّهَا لَبِسَبِيلٍ مُّقيمٍ (.) إِنَّ فِي ذَلِكَ لآيَةً لِّلْمُؤمِنِينَ }

ما اكنبه يا اخوتي ليس لاني اتهمكم لا سمح الله بشيء ولكن حتى اذكركم بعظم ذنب الشذوذ وسوء عاقبته وحتى يبقى الخوف من ارتكابه في قلوبنا ، وحتى لا تتشبع النفوس المريضة من حب هذا الشذوذ البغيض ..

واريد ان احذركم يا اخواني الأفاضل مما هو مطروح في هذا الموضوع من اتخاذ العادة السرية وسيلة للعلاج ، فإن رسول الله صلى الله عليه وسلم قال

(ما جعل الله شفاء أمتي بِمُحَرّم)

(ما جعل الله شفاء أمتي بِمُحَرّم)

(ما جعل الله شفاء أمتي بِمُحَرّم)



اللهم اني اعوذ بنور قدسك ، وببركة طهارتك ، وبعظمة جلالك ، من كل عاهة وآفة ، ومن طارق الانس والجن الا بطارق ٍ يطرق بخير يا رحمن ، اللهم بك ملاذي قبل أن ألوذ ، وبك مَغاثي قبل أن أغوث ، يا من ذلت له رقاب الفراعنة وخضعت له مغاليظ الجبابرة ، ذِكْرُك شعاري وثناؤك دثاري ، أنا في حِرْزِك ليلي ونهاري ، ونومي وقراري ، اشهد ان لا اله الا انت ، اضرب علَيّ سُرادِقات حفظك ، وقني واغنني بخير منك يا رحمن

واخر دعوانا ان الحمد لله رب العالمين

medo 01:37 AM 22-03-2008

بسم الله الرحمن الرحيم

السلام عليكم ورحمة الله وبركاته

شكرا للاخ شوشو على رده لكن انا حسيت انه زعل وقال كلمتين ومشي لانه ماكملش كلامه وقال المفروض نعمل ايه ...

طب دلوقتي ربنا خلق الراجل وجعل جواه شهوة للنساء وامر الرجال بغض البصر والنساء بالزي الشرعي والحياء ،،، فالله تعالى امر الرجل انه يغض بصره ويكتم شهوته وفتح له باب لفض الشهوة وهو الجواز ..

طب دلوقتي انا لما الشهوة تاخدني ايه الطريق لفض شهوتي ،،، انا لو اتجوزت النهارده قبل بكره مش هاعرف افض شهوتي معاها لانك عارف السبب ... طيب ايه الطريق لفض شهوتي دي ؟؟


يعني يوم القيامة اما اقف امام ربنا واقوله :
""" يارب انا من صغري وانا شهوتي للرجال وما باحسش باي شهوة للنساء والامر ده مش بإيدي لانك يارب عارف ان انا كان نفسي اكون طبيعي وشهوتي للنساء لكن انا راضي بقضاءك عليا ومؤمن بيك ،، بس الجواز مش هيكسر شهوتي لان مااتخلقش جوايا شهوة للنساء زي الرجال الطبيعيين ،، فيارب يا اكرم الاكرمين انا لا يمكن اعصيك وامارس الجنس مع الرجال اللي شهوتي متجهة نحوهم وانا يارب باضطر الجأ للعادة السرية علشان اكسر الشهوة دي جوايا وما اسيبش للشيطان فرصة انه يستغل قوة شهوتي دي يارب لاني بشر يا رب وباضعف امام الشهوات وانا كان نفسي يكون شهوتي للنساء عشان اقدر اتجوز واعف نفسي واكسر شهوتي بالحلال مع زوجتي لكني راضي بقضاءك وقدرك يارب وراضي بخلقتي بالشذوذ اللي فيا بس سامحني يارب ما كانش اماي حل تاني """"

انا عارف ومتأكد ان ربنا رحمت وسعتي كل شئ وانه واسع المغفرة وانه مش هيعذبني يوم القيامة عشان العادة السرية مع عذاب الدنيا بسبب تفكيري وشذوذي ...
انا يارب خلاص ما يهمنيش ان تفكيري واحساسي يكون متوافق مع الطبيعة ،،، انا يهمني اني اعرف اتجوز واشتهي الستات واعيش حياة طبيعية مع مراتي حتى لو فضلت جوايا افكار شاذة ،، انا مستعد اعيش حياتي كلها محطم ومعذب داخليا بيني وبين نفسي ،،، لكن اكون ناجح مع زوجتي ومع علاقتي الجنسية معاها ومع اسرتي ومع حياتي الخارجية عموما ....
انا والله لما باسمع ان في الجنة حور عين بمواصفات تعجب اي رجل باقول لنفسي طب انا لو دخلت الجنة مش هابقى عايز حور عين لكن هيبقى نفسي يكون معايا اجمل واوسم واجمد راجل ،،، انا عارف ان التفكير ده حرام وان ربنا ما يعجبوش الشذوذ وبيحرم اللواط وانه اكيد في الجنة هيحول شذوذي وهيخليني طبيعي بس دا بيبقى تفكيري بشهوتي الشاذة الحالية ...

يارب يارب يارب يارب يارب يارب زي ما اكرمت اي رجل بشهوة طبيعية للنساء وبتفكير سوي اكرمني يارب بشهوة طبيعية للنساء وبتفكير سوي ،، يارب يارب انا باكره الشذوذ وباكره اللواط وباكره برضه العادة السرية فساعدني يارب وحول شهوتي من الرجال للنساء وخليني اعبدك وانا طبيعي واتجوز واخلف ولاد يعبدوك ويسبحوا باسمك ...
يارب يارب ارجوك واتوسل اليك ترحمني وترحم كل اللي ابتليتهم بشهوة الشذوذ وتخلينا كلنا طبيعيين وتبارك لنا في حياتنا وتعالجنا من مشكلتنا وتكتب لينا كلنا الزوجة الصالحة والذرية المؤمنة والحياة السوية ،،، انك قادر على كل شئ ولا يعجزك شئ في الارض ولا في السماء فأنت الرحيم وانت الكريم وانت العظيم .... وصلى اللهم وسلم على سيدنا محمد وعلى اله وحبه وسلم

والسلام عليكم ورحمة الله وبركاته

شوشو 07:35 AM 22-03-2008

بسم الله الرحمن الرحيم

بسم الله الرحمن الرحيم

اخي الكريم "medo" اسعد الله اوقاتك ، وتعقيبا على كلامكم

المشاركة الأصلية كتبت بواسطة :
طب دلوقتي انا لما الشهوة تاخدني ايه الطريق لفض شهوتي ،،، انا لو اتجوزت النهارده قبل بكره مش هاعرف افض شهوتي معاها لانك عارف السبب ... طيب ايه الطريق لفض شهوتي دي ؟؟
أما سمعت يا فتى قوله تعالى : { وَلْيَسْتَعْفِفِ الَّذِينَ لَا يَجِدُونَ نِكَاحاً حَتَّى يُغْنِيَهُمْ اللَّهُ مِن فَضْلِهِ }

وانظر حماك الله من شر نفسك ووقاك مكرها في قصة سيدنا يوسف بن يعقوب ، فهو أعف خلق الله ، فقد ابتلي بلاء عظيما ،فعندما صار خادما لوزير الملك في بيته وأتت اليه امرأة الوزير تريد الزنا معه ، فقد كان غريب في بلده (مما يعني حريته دون خوف الفضيحة) ،وكان في قمة فترة شبابه (اي قمة فوران الشهوة) ، وأتت اليه امرأة جميلة ، وليس هذا فحسب بل غلّقت الابواب (يعني مضمون الستر عن اعين الخلق) ، وهذه المرأة هي امرأة الوزير (يعني مضمون ان لا يُكتشف أمره) ، ومع ذلك فقد تعفف عن الحرام ..

اخي الكريم ان شاء الله بتتجوز وتستمتع اكثر مما كنت بتتخيل ، لكن الان المطلوب منك العفة حتى تشفى ان شاء الله ، فقد قال رسول الله صلى الله عليه وسلم (من يستغنِ يغنِهِ الله، ومن يَسْتَعْفِفْ يُعِفَّهُ الله، ومن يتصبرْ يصبرْهُ الله، وما أعطي أحدٌ عطاءاً أو خيراً أوسع من الصبر) ..

المشاركة الأصلية كتبت بواسطة :
يعني يوم القيامة اما اقف امام ربنا واقوله :
....... وانا يارب باضطر الجأ للعادة السرية علشان اكسر الشهوة دي جوايا وما اسيبش للشيطان فرصة انه يستغل قوة شهوتي دي ........بس سامحني يارب ما كانش اماي حل تاني
ما هذا الكلام يا اخي الفاضل ، هل هكذا تتوقع ان تكلم الله ، اي حجة هذه التي تريد ان تقنع الله فيها انك معذور ، كلنا مُطالب بتزكية نفسه ، فقد قال تعالى (وَنَفْسٍ وَمَا سَوَّاهَا (.) فَأَلْهَمَهَا فُجُورَهَا وَتَقْوَاهَا (.) قَدْ أَفْلَحَ مَن زَكَّاهَا(.) وَقَدْ خَابَ مَن دَسَّاهَا) ..

واعلم يا أخي ان العادة السرية ليست من الكبائر على رأي غالب العلماء ، فهناك ما هو اهم من ذلك مثل المحافظة على الصلاة وترك الكذب والبعد عن الغيبة وكذلك اجتناب الربا ، وايضا البعد عن عقوق الوالدين ، وكذلك مرض الكِبْر والتكبر ، وايضا مرض الحسد ، اقصد من كلامي ان لا تكبّر الموضوع كثيرا بخصوص العادة السرية فهي ابسط بكثير من الكبائر التي حدثتها لك

واعلم يا اخي الكريم انه لا أحد أقبل للعذر من الله ، ولكن ليس بالتعذر بالحرام ، اقصد انك ان فعلت العادة السرية مثلا ، ان تقول يا رب نفسي ضعفت واني ضعيف فسامحني يا ارحم الراحمين فانت تقبل عذر عبادك وتتجاوز عنهم ، وما الى ذلك من أدب مع الله سبحانه ..

اما قضية الاعتقاد بأن العادة السرية لا تجعل الشيطان يستغل قوتك الجنسية ، فيا ليتك اخي تقو لي من اين جئت بهذا الكلام ..
فانظر الى قول الشاعر حينما قال بخصوص النفس
ولا تَرومَنّ بالمعاصي كسر شهوتها *** إن الطعام يقوي شهوة النّهمِ

بل سيزداد طلبك للعادة السرية اكثر وربما لن تكتفي بها فتذهب الى ما هو اعظم من ذلك ، ولكن كما قلت لك ان العادة السرية أهون بكثير من الكبائر ..

المشاركة الأصلية كتبت بواسطة :
انا يارب خلاص ما يهمنيش ان تفكيري واحساسي يكون متوافق مع الطبيعة ،،، انا يهمني اني اعرف اتجوز واشتهي الستات واعيش حياة طبيعية مع مراتي حتى لو فضلت جوايا افكار شاذة ،، انا مستعد اعيش حياتي كلها محطم ومعذب داخليا بيني وبين نفسي ،،، لكن اكون ناجح مع زوجتي ومع علاقتي الجنسية معاها ومع اسرتي ومع حياتي الخارجية عموما ....
اعلم يا اخي ان الدنيا ليس كل شيء فيها هو الجنس ، فكم من شاذ ناجح ، وكم من شاذ اقترب من الله اكثر ، ألا ترى ان الشاذ يتقرب الى الله اكثر من غيره بصبره والدعاء والاستعفاف والتضرع وقراءة القران ..

وطبعا لا اقلل من اهمية الجنس ابدا في استمرار النسل والحياة ولكن لاني ارى انك شبه محطم ، وصدقني ان الانسان يستطيع التكيف مع حاله ونفسه ويستطيع ان يحصل على السعادة حتى ولو كان شاذا ، فلا تضعف امام الشذوذ ، (سيجعل الله من بعد عسر يسرا) صدق الله العظيم


المشاركة الأصلية كتبت بواسطة :
انا والله لما باسمع ان في الجنة حور عين بمواصفات تعجب اي رجل باقول لنفسي طب انا لو دخلت الجنة مش هابقى عايز حور عين لكن هيبقى نفسي يكون معايا اجمل واوسم واجمد راجل ،،، انا عارف ان التفكير ده حرام وان ربنا ما يعجبوش الشذوذ وبيحرم اللواط وانه اكيد في الجنة هيحول شذوذي وهيخليني طبيعي بس دا بيبقى تفكيري بشهوتي الشاذة الحالية ...
اخي الفاضل لو نظرت للحور العين فستغير رأيك فانه قد قيل ان اول نظرة للحور العين مدتها اربعين سنة من شدة الجمال والبهاء والنضارة ، وللعلم فانك قبل دخولك الجنة ان شاء الله فإنك ستتغتسل بنهر يغير كل شيء فيك حتى تتهيأ لنعيم الجنة وما فيها من العجائب والغرائب وما لا تطيقه ذواتنا في الدنيا ، اقصد من ذلك ان تفكيرك هذا غير صحيح لان كل شيء سيتغير، ولكي أقرب لك الصورة ، انظر الى قوله تعالى :{ وَنَزَعْنَا مَا فِي صُدُورِهِم مِّنْ غِلٍّ تَجْرِي مِن تَحْتِهِمُ الأَنْهَارُ} ، فكل شيء سيتغير فيك قبل دخولك الجنة ، فالرجاء عدم اتباع الهوى ، والسماع لوساوس ابليس اللعين

نسأل الله تعالى ان يمنعنا بلطائف عنايته من شر الاشرار ويحفظنا بحسن عنايته من اقتحام الاوزار ، ونسأل الله الشفاء العاجل والفرج القريب لكل مبتلى من امة الحبيب صلى الله عليه وسلم ..

واخر دعوانا ان الحمد لله رب العالمين

انسان معذب 08:16 AM 22-03-2008

بسم الله الرحمن الرحيم

ربنا يشيل عنك وعننا الحمل التقيل ده تمسك بالعقيده والثبات وان شاء الله فرج ربنا قريب اوى والله كلنا بنقاوم وان شاء الله ربنا مش هيضيعنا يارب ابعد هذا الشيء عن كل مسلم وثبته على الايمان ربنا يشيل عنك ياميدو ويشيل عننا يارب الابتلاء العظيم ده

dr_m367 hot 09:08 AM 22-03-2008

بسم الله الرحمن الرحيم

السلام عليكم ورحمة الله وبركاته
أخى الفاضل medo
الله يعزك
الله يباركلك
الله يجبر خاطرك يااااااااااااااارب
ويزيدك من نعيمه ومن الايمان

والله ربنا هيكرمك على اللى انت عملته دا
والله دا أهم شئ فى الموضوع
الجدية وانك ما تفتحش اى مواقع تانى او افلام
أنا عوز أقوللك حاجة من خلال تجربتى
أنا كنت فى فترة قريب جدا من ربنا وكنت بطلت افتح أى مواقع من النوع دا
وكان ربنا كرمنى انى بطلت تماما أشتهى الموضوع دا
صحيح لسة الرغبة كانت جوايا لكنها ما كانتش ملحة
لكنى كنت لوحدى الشيطان وسوسلى ونفسى الأمارة بالسوء قالتلى ادخل على الموقع الفلانى وحاول تدعى اللى عليه فى الله
مش عاوز اقوللك
انى حسيت بعقاب من ربنا
انى رجعت عيدت العلاج من تانى وبدات المشوار من تانى لكن الحمد لله ربنا كرمنى تانى بالمعافاه بنسبة كبيرة أكثر من الأول لأنى ندمت اشد الندم على اللى انا عملته
لأنى ما كانش المفروض افتح المواقع دى تانى ولو حتى بالغرض اللى انا كنت فاكره غرض سامى لأن معظم المشتركين بيكونوا مش عاوزين غير الفاحشة وبس
ولو حتى فيهم انسان كويس نفسه يتوب وصادق
ربنا مش هيسيبه وهيدله زى ما دلنا على الطريق المستقيم
فعلشان خاطر نفسك
انت عملت عمل عظيم وبطولى
فارجوك خذ عهد على نفسك وعهد مع ربنا انك مش هتفتح أى حاجة من دى تانى
وخير ما فعلت أنك بدأت تفكر فى الموضوع بجدية
وكويس انك كلمت الفتاه اللى انت قولت عليها
ربنا يارب يجعلها من نصيبك لو فيها الخير لك

وعاوز اقوللك انى لما بدأت فى تدريب نفسى على توجيه شهوتى للنساء
كنت بفضل حوالى نصف ساعة بدون انى استجمع شهوتى فيهم وكتيييييير كنت بروح فى النوم وانا بحاول لكن مرة فى مرة فى مرة فى مرة فى مرة
ربنا كرمنى واستجمعت شهوتى من اول لحظة وساعتها كانت فرحتى لا تقدر
بس ليا نصيحة وىسف لو كنت هتفوه بالكلام دا لكنه والله للإفادة
( لما تحس ان عندك شهوة خذ وضع الرجل فى الجماع بمعنى انك تستلقى على بطنك فوق مخدة مثلا وتحاول تقنع نفسك ان المخدة هى زوجتك وتبدأ تكلمها وتقوللها كلمات الاستحسان والحب
دا هيجعلك تثتثار أكثر وهيعزز ثقتك بنفسك وما تستعجلش القذف لكن تريث وحاول تطول الفترة أكبر قدر ممكن بالهدوء )
اعذرنى مرة اخرى لو كنت قولت كلام مايصحش لكنه والله للافادة
غير نصيحة كمان
انك تبدأ فى ممارسة الرياضة مع نفسك فى البيت
وتحاول تبنى جسم رجولى
بس اوعى تروح صالات جيم اوعى والف اوعى
لا خليك فى بيتك
اعمل ضغط وشيل حديد
وابدأ قوى جسمك
دا هيحسسك فى لحظات التدريب انك رجل كامل الرجولة
والله أنا بكلمك جد
يمكن الطريقة تبان انها مضحكة او بدائية لكنها والله بتأثر فى الواحد طالما هو جاد
وان شاء الله ربنا هيعينك وهينصرك وهيكرمك
خليك واثق من ان ربنا مش هيسيبك وانه معاك

وان شاء الله هطمن عليك تانى
ودعواتك علشان امتحانات الmid term هتبدأ السبت القادم ان شاء الله
فى حفظ الله
ودعواتك
أخوك
dr_m367 hot

dr_m367 hot 09:13 AM 22-03-2008

بسم الله الرحمن الرحيم

وقبل ما أمشى عاوز أقول للأخ الواقعى

ربنا يكرمك ويجازيك كل خير أنا متفهم رأيك وأنا كنت مقتنع به فى البداية بس والله ربنا هو اللى هدانى لأمر دا
وانا ما قولتش ان الواحد فينا هيتجوز على طول
لا أنا بحذر من دا
انا قولت الواحد كدا كدا ان شاء الله ربنا هيكرمه بالمعافاه
لكن لما يكون واثق من نصر الله
وبقول ان الواحد مش هيعمل دخلة غير لما يتأكد أنه قادر تماما على المعاشرة
ودا ان شاء الله كلنا هننجح فيه
بس هى الفكرة ان بدل ما الواحد ستعين بصور الكلام دا ( مع انى لسة عاوز اسأل فى مشروعيتها)
الواحد يستعين بالتفكير بحلاله لأننا هنكون كاتبين كتابنا أو حتى اثناء الخطبة
والفكرة دى زى ما قولت قبل كدا من الآية القرآنية
قالى تعالى فى سورة هود الآية (78)
(وجاءه قومه يهرعون إليه ومن قبل كانوا يعملون السيئات قال يا قوم هؤلاء بناتى هن أطهر لكم فاتقوا الله ولا تخذون فى ضيفى أليس منكم رجل رشيد)
صدق الله العفو الرحيم
فيا أخى الواقعى

أنت بتقول انك نجحت فى توجيه شهوتك
وكونك لم تجد الفتاه المناسبة لك فى الطباع بعد فكل شئ بقدر
لكن ما تياس من كونك هتكون رجل طبيعى
لأن لما ربنا هيكرمك وإن شاء الله هيكرمك وتلاقى بنت الحلال اللى هتحبها حب صادق
صحيح شهوتك تجاه الرجال مش هتنعدم لكن حرصك على أنك ما تضيعش البنت منك ولا تغضب ربنا قبل كل شئ طبعا هيجعلك غصب عنك ما تفكرش فى الشهوة المحرمة ولو حتى اشتهيت اى شخص عمرك ما هتكر فيه ولا هتستطرد فى التفكير فيه لأن بقى عندك البديل
وربنا يارب يعفو عنا جميعا ويكرمك ويخليك ويثبتك ويثبتنا معاك وإوعى تفهم ردى عليك بمحمل انه نقد لا والله أنا متفق معاك فى شئ واختلفت فى شئ وربنا الأعلم انى بدعيلك مع كل اللى هذا هذا المنتدى

وإلى الأخ شوشو مش هقدر اقول غير جزاك الله كل خير يارب عنا

وأخيرا وليس آخرا
الأخ الجديد: انسان معذب

أهلا بك أخا جديدا على المنتدى
وربنا يسمع منك ويفك كربنا ويشيل همنا وينجينا
ربنا يكرمك يارب ويبارك فيك

فى حفظ الله أخوانى
وآسف إنى طولت يا أخ medo
لكن معلش استحملونى
فى حفظ الله أخوكم فى الله
dr_m367 hot

انسان معذب 02:46 PM 22-03-2008

بسم الله الرحمن الرحيم

ربنا يبارك فيك يارب ياأخى الكريم dr_m367 hot وجزاك الله خيرا على هذا المنتدى الاكثر من رائع وربنا يشيل عنك وعننا الكرب ده ويزيح عن كل مسلم يارب اى كرب وجزاك الله خيرا يا أخ شوشو على ما تفعله من خير تجاهنا واعلم ان الله سيجزيك خيرا على مساعدتنا على هذا الابتلاء

medo 04:14 PM 22-03-2008

بسم الله الرحمن الرحيم

السلام عليكم ورحمة الله وبركاته

بارك الله فيكم جميعا وربنا يجازيكم خير ....
الاخ العزيز " شوشو " انا اسف ان كان كلامي ضايقك او معجبكش بس صدقني انا كل حاجة باعملها غلط ، على طول بافتكر نفسي وانا باتحاسب يوم القيامة واني باكلم ربنا وانا ما باقولش اني باعمل حاجة صح ،، لا انا عارف اني باعمل حاجة غلط بس انا باطلب من ربنا انه يسامحني ويغفرهالي ،،، صدقني والله لما الشهوة بتزداد عندي وما بيكونش امامي اي سبيل تاني بابقى مش عارف هاعمل ايه لدرجة اني باحتلم كل يوم وممكن كمان اتفق مع راجل اقابله ونمارس الشذوذ مع بعض ( واعوذ بالله من اني اعمل الفعل الحقير ده ) بس بتحصل اني بابقى خلاص هاتفق مع حد اننا نتقابل وخلاص مستعد ،،، ولكن بيحصل اني بامارس العادة السرية وبمجرد ما اوصل للقذف باشيل فكرة المقابلة من دماغي وبالغي الميعاد وما بافكرش فيه تاني الا اما الشهوة ترجعلي تاني ،،،، وانا مش عمال على بطال باعمل عادة سرية وانا عارف انها غلط وربنا ما بيحبهاش وانها بتتعب الاعصاب وبتعمل ضيق وانا نفسي ابطلها بس هي الحاجة الوحيدة اللي كانت بتريحني ،،، على العموم انا لما بطلت اتفرج على صور وافلام ، الشهوة بتنام عندي لكن لما تبدأ تزيد وانا هاحاول امنعها عن طريق غض البصر لسه هاشوف انا هاعمل ايه ،،، انا هافكر دايما في الجنس مع البنات ولكن من دون عادة سرية ،،، يعني مجرد تفكير بس وهاستمر على التفكير ده لحد ما الشهوة تبدأ تجيلي ، فلما تجيلي هتجيلي وانا تفكيري دايما في الممارسة مع البنات ،،، فإما التفكير ده يكتم شهوتي يا إما يزودها ،،، وانا الصراحة في الحالتين كسبان .. اهو لو تفكيري في الجنس الطبيعي كتم شهوتي استفدت اني مش هاحتاج ادخل على مواقع والا تبدأ نفسيتي تتعب نتيجة لشهوتي ، وساعتها لا هافكر في المواقع الاباحية ولا هافكر في العادة السرية والا هافكر في اللواط والعياذ بالله ،،، ولو تفكيري في الجنس الطبيعي زود شهوتي يبقى الف بركة وتبقى حاجة كويسة ،، انا مستعد شهوتي توصل لاخرها وابقى نفسي امارس الجنس مع امرأة ،، ساعتها لا هافكر في العادة السرية ولا هافكر في مواقع ولا هافكر في الزنا والعياذ بالله ،، لكن هافكر بقى على طول في الارتباط بالبنت اللي بتحبني واتجوزها وانا مش عاوز اكتر من كده ،،،،
انا نفسي مرة واحدة بس احتلم ويكون الحلم اني بامارس الجنس مع بنت ،، الحلم دا مش هيحصل الا اذا قعدت افكر فيه كتير ،،، من المواقف المضحكة ان اكتر من شخص من صحابي على الرغم انهم ما يعرفوش بعض الا ان كذا واحد قاللي انه حلم بيا ومعايا بنت جامدة واني كنت بامارس الجنس معاها ويقوللي انت ما طلعتش سهل ،،، اقوم انا ضاحك في سري وابقى نفسي اقوله ان انا نفسي احلم الحلم اللي انت حلمته ده ....

زي ما من صغري تفكيري على طول في الجنس مع الرجال ورسمت في احلامي اشكال ومواضع كتير للعملية دي ،،، هاحط في تفكيري على طول بقى الجنس مع البنات وهألف افكار وطرق ومواضع ،،، انا لما بافكر فيها دلوقتي ما باحسش بشهوة ومجرد ما تفكيري يتحول للجنس مع الرجال على طول الشهوة بتبدأ ،، الا اني مش هاسيب فكرة الشهوة مع الرجال تسيطر عليا وعلى طول كده في سري هاقول ايه الارف ده ايه التفكر الغلط ده ؟؟
وهابدأ افكر في البنات ،، طالما اني حرام عليا اني اشوفهم فهابدأ افكر بس فيهم ،،، انا في شغلي باتعامل مع شباب وبنات ، مجرد ما الشاب يدخلي ما بابصلوش غير مرة واحدة بس وباكلمه وعيني بعيد عنه ولما ينصرف ما باحاولش ابص لظهره وجسمه من ورا زي ماكنت باعمل على طول زمان ،،، انا بس خايف اما شهوتي تبدأ تزيد ارجع ابصلهم تاني ،، بس ان شاء الله هاحاول امنع نفسي بأي طريقة وربنا يساعدني ودعواتكم ليا ...

الف شكر للاخ الفاضل dr_m367 hot ونصايحك على عيني ، وانا من نفسي باحاول اعمل تمارين رياضية لوحدي في البيت ،،، وما تقلقش من الجيم ،، انا اصلي رحت فيه قبل كده 3 مرات ( 3 اشتراكات مش 3 ايام ) وما كنتش باعمل حاجة هناك غير اني اقعد اتفرج على الشباب فطبعا انا حرمت على نفسي اني اروح جيم او اني ادخل غرفة تغيير ملابس او حمام رجالي ( وطبعا الا للضرورة ) لان الاماكن دي هيا اللي كانت حتى في احلامي وتفكيري فانا هاقطع علاقتي بيهم ،،،
ويارب يارب اكرم اخويا dr_m367 hot ووفقه في الامتحانات واجعل له الصعب سهلا ،،، وسهل مذاكرته وباركله في وقته والهمه الفهم الجيد والحفظ السريع واجعله من المتفوقين ... امين امين

شكرا للاخ شوشو وشكرا للاخ انسان معذب .....

اللهم اعني على شكرك وحمدك وحسن عبادتك ،،، اللهم اني اسألك الطهر والتقى والعفاف والغنى ،،، اللهم اجرني في مصيبتي واخلف لي خيرا منها ..

والسلام عليكم ورحمة الله وبركاته ....

dr_m367 hot 10:16 AM 23-03-2008

بسم الله الرحمن الرحيم

السلام عليكم ورحمة الله وبركاته
ربنا يكرمكم كلكم
والله الواحد معنوياته بتترفع لما بيحس بالتفاعل والمشاركة البناءة
مش هطول عليك يا أخى medo
أنا عاوز أقول
استخدام العادة السرية فى العلاج شئ جائز شرعا
والله جائز
ودا يمين هتحاسب عليه
ولأن العادة السرية بتستخدم فى علاج وضبظ كثير من مشاكل الضعف الجنسى
ودا شئ معروف فى الطب
غير انك ما المفروض تمارسها بيدك
واعذرونى على هذا الكلام والله أنا كلى حرج

المفروض تتخيل انك فى وضع المعاشرة وتأخذ وضع الرجل وتجعل القذف يتم نتيجة الاحتكاك بشئ غير ايدك

أنا آسف يا جماعة على هذا الكلام والله ربنا وحده عالم انا بكون مكسوف وكلى حرج وانا بقول هذا الكلام
لكن لا حياء فى العلم ولا حياء فى الدين

فى حفظ الله
وتابعونا دايما بالمشاركات
وجزاك الله كل خير يا أخ شوشو ويا أخ انسان معذب ويا أخ الواقعى

فى حفظ الله أخى medo
ولا اله الا الله
أخوكم
dr_m367 hot

dr_m367 hot 12:58 AM 24-03-2008

بسم الله الرحمن الرحيم

السلام عليكم ورحمة الله وبركاته
مجرد بطمئن وبسلم وبقول
إدعووووولى إمتحاناتى خلاص يوم السبت باذن الله
وربنا يبارك فيكم جميعا
وطمنا عليك يا أخ medo
فى حفظ الله

أخوكم
dr_m367 hot


في عالمنا اليوم، يعتبر السحر والحسد والمس وسحر تحقير شأن الإنسان من المواضيع التي تثير فضول الكثيرين. ويعتبر البعض أن هذه الظواهر والامراض تحمل في طياتها آثارا سلبية تؤثر على حياة الأفراد والصحة الجسدية والنفسية. هناك العديد من الطرق والتقاليد التي تعنى بعلاج هذه الامراض، سواء كانت عبر الطب الروحاني، أو الطب البديل، أو الطب النفسي. يمكن العثور على بعض النصائح والطرق الفعالة في التخلص من تأثيرات هذه الامراض عبر زيارة مواقع إلكترونية متخصصة، مثل:

1- علاج السحر: تفصيل حول الطرق التقليدية والروحانية لعلاج تأثيرات السحر.
2- علاج الحسد: نصائح وأساليب للوقاية من الحسد وكيفية علاجه والتعامل معه.
3- علاج المس: استعراض للطرق التي يمكن أن تساعد في التخلص من تأثيرات الشياطين والمس الشيطاني.
4- علاج سحر تحقير شأن الإنسان: نصائح حول كيفية التغلب على تأثيرات وعلاج سحر التحقير الذي يستهدف شأن الإنسان.
5- أخطر أنواع السحر: استعراض لأنواع السحر الأكثر خطورة وكيفية التصدي لها.


الرقية الشرعية هي استخدام القرآن الكريم والأدعية النبوية المأثورة والأذكار الشرعية في علاج الأمراض الروحانية والنفسية والجسدية، وذلك بما يتوافق مع التعاليم الإسلامية، وتعتبر الرقية الشرعية أسلوبا معتمدا وفعالًا للتداوي والحماية والتحصين من الامراض الروحانية مثل السحر والحسد والعين والمس، والكثير من الاضطرابات النفسية.



1 2 3 4 5  ... الأخير