ألحقونى...........خطيب أختى شاذ جنسيااااا


1 2 
قسم علاج الشذوذ الجنسي - ألحقونى...........خطيب أختى شاذ جنسيااااا
القلب الحزين 08:18 AM 11-08-2009

بسم الله الرحمن الرحيم

السلام عليكم بصراحة و حشتونى جدا جدا بس ميبعدنيش عنكم ألا الشديد أوى الأيام الفاتت ربنا لوحده مدى العذاب الكنت فيه ..
أنا يا أخوانى فى مصيبة و مشكلة كبيرة جدا و حيرة أكبر مش عارف أعمل ايه المشكلة دى أكبر من مشكلتى ذات نفسها.
بالصدفة البحتة و عن طريق الخطا أكتشفت ما كنت لا أتوقعه أن خطيب أختى شاذ جنسيا مصيبة لا تخطر ع البال ولا الخاطر و المصيبة الأكبر أن خطيب أختى من العائلة و هوه أبن عمتى و أختى بتحبه جدا و مستعدة تضحى بنفسها عشان خاطره و عشان تسعده و ضحيت بحاجات كتيررر فى سيبل حبها ليه.
طبعأ هتقوليلى أزاى عرفت أن خطيب أختك شاذ جنسيا ؟؟؟؟؟
هقولكم أزاى .....
فى يوم من الأيام تقريبا كده من خمسة أشهر خطيب أختى كان جاى من السفر و قضى أسبوع معانا و مع أختى خطيبته و كنا بنهزر و بتضحك مع بعض و عادى جدا
هو متعود على أنه هوه بيسهر ع الكمبيوتر لغاية الساعة 6 صباحا نبقى كلنا نايمين بيدخل ع النت و ع الكمبيوتر بس هوه مش خبرة أوى فى الكمبيوتر هوه يعرف الحاجات الأساسية بس .
المهم بعد ما خطيب أختى قضى معانا السبوع فى البيت و انبسطت سافر بعد بالظبط أسبوع كنت قاعد ع الكمبيوتر مسحت حاجة من ع الكمبيوتر من غير ما أقصد دوست ع مفتاح ديليت كده الملف طبعا راح لسلة المهملات روحت لسلة المهملات علشان أرجع الملف المسحته لقيت مصيبة لقيت أفلام شواذ أنا بصراحة كنت هتجنن قولت أن أنا الحملت الأفلام دى قولت مش معقولة لأن أنا متأكد أن أنا مدخلتيش ع المواقع دى من فترة و حتى لودخلت ع المواقع و حملت هبقى حريص و كنت مسحت الأفلام من الجهاز نهائيا مش هيكونوا موجودين فى سلة المهملات .
فى اليوم ده كنت هأتجنن مش عارف أيه البيحصل دأنا شكيت فى نفسي مع أنى أن أنا متأكد أن أنا مدخلتيش ع المواقع دى
فى سلة المهملات فى خانة موجود فيها التاريخ و الساعة المسحت فيها الملف شفت الوقت التمسح فيه الأفلام دى و ياريتنى ماشفت طلع الوقت الكان موجود فيه خطيب أختى سهران ع الكمبيوتر لوحده مكنتش مش مصدق مش عارف أعمل أيه
المهم صبرت شوية لغاية ماجات الزيارة التانية من السفر كان موجود كان برضه سهران ع الكمبيوتر فى اليوم تانى بفتح سلة المهملات لقيت محمل أفلام ع الكمبيوتر و مسحها و راحت لسلة المهملات غلطته الوحيدة و الكشفته أن هوه بيمسح الأفلام بديليت بس من غير شيفت ديليت
من هنا أتأكدت أن هوه شاذ برغم من هوه أنسان طيب جدا و أخلاق جدا و ع فكرة هوه كتب الكتاب على أختى فى الزيارة الأخيرة تقريبا من خمسة أيام .
أنا بصراحة مش عارف أعمل أيه دى أختى بحبها جدا و أتمنى أن هيا تعيش مبسوطة فى حياتها مع راجل يكون طبيعى و مبسوطة وفى نفس الوقت هوه كمان صعبان عليا أن أنا حاسس بيه و أنته طبعا حاسين بيه عشان أنته حاسين بالأزمة الموجود فيها .
أنا بصراحة مش عارف أعمل ايه دى أختى ممكن أموت نفسي فى سبيل أن هيا تعيش مبسوطة يعنى لو عرفت أن فى حاجة ممكن تدمر حياتها لازم أوقفها و فى نفس الوقت أنا كده ممكن أفضحه و أنا مش عايز كده لان أنا حاسس بيه لان أنا فى نفس الأزمة الموجود فيها
فأنا قررت قرار و عايز رأيكم فيه أن أنا ممكن أقول لأخويا كبير ع الموضوع الحصل ده و أحلفه و هخيله يقسم بالله أن هوه ما هيقول لحد خااااالص و نشوف حل للموضوع ده .
أنا مستنى ردكم و مشرووتكم بفارغ الصبر ياريت متتأخروش عليا فى الرد.
أخوكم القلب الحزين

الواقعي 05:29 PM 11-08-2009

بسم الله الرحمن الرحيم

السلام عليكم و رحمة الله و بركاته
أخي العزيز القلب الحزين
كنت لأقول لك بأن الأمر يعتمد على مدى شذوذ خطيب أختك و على مدى تعلقها به وبالتالي مدى استعدادها لتقبله كزوج و مساعدته إن تطلب الأمر، ولكن كل شيء واضح في رسالتك و هي أنه شاذ جدا كونه يسمح لنفسه بمشاهدة أفلام شاذة في بيت أهل خطيبته و أن أختك متعلقة جدا به إلى حد التضحية.
أرى أن تتريث كثيرا حتى تتضح الأمور و تستطيع أن تشكل فكرة واضحة عن علاقة قريبك بأختك، ثم يجب أن تعرف فكرته عن مستقبل ميوله الشاذة هل يريد مقاومتها أم لا بالإتصال به عبر البريد الإلكتروني على أساس أنك شاذ و تريد الزواج مثلا ... وفي الأخير لن تجد أفضل من استخارة الله في اتخاذ القرار المناسب أمام هذه المشكلة التي لا تحتمل حلولا منصفة للجميع.
أما عن مسألة إخبارك أخاك بالأمر فهذا سيكون خطأ كبيرا لأنك بذلك ستكون قد حكمت بفسخ الخطبة مسبقا وهذا ليس أمرا حكيما فلعله الأنسب لأختك رغم عيوبه
والله أعلم

ففروا الى الله 05:33 PM 11-08-2009

بسم الله الرحمن الرحيم

أخى الحبيب القلب الحزين

الحقيقة حزنت كثيرا لقولك ربنا يصلحك والجميع ويعفو عنا

الحقيقة انا مستغرب من سلوكة حتى لو هو مثلى وعاوز ربنا يتوب علية ويتزوج ويستغنى بحلال الله ازاى يجى عندكوا والمفروض انو بيحاول يشغل نفسة بالحلال ويحمل المواقع دى؟ّ!!

ما علينا

المهم انا رايى لو عاوز تبعدة تبعت لة رسالة مثلا من اى موبيل وتحذرة انة ما يكمل الموضوع وتنصحة بدون ما يعرف مين وتشوف الاستجابة
لو بعد فى هدوء خلاص كدة احسن

ولو انت عاوزة وتامل فية خير مع استغرابى لسلوكة كلمو انت ومهم تعرف هو طبيعتة اية ووصل لحد فين فى المرض دة وازاى كاتب كتابة ومكمل كدة
بس دة هيخلية يشك فيك انت مش عارف انت ادرى

بس لو عاوزة يبعد ابعت لة رسايل احسن هيخاف ويمشى

فى حاجة مهمة برضة ومش عارف تعرفها ازاى
مهم الرول بتاعة فى المرض دة اذا كان باى او ايجابى او سلبى وواصل فى علاقاتة لحد فين دول ممكن يحددوا قرارك
ودة مش عارف ممكن تعرفة ازاى ممكن الرول بيبان لكن علاقاتة محتاجة تسال

الله يكون فى عونك وخللى بالك على نفسك الستر نعمة كبيرة من الله عز وجل
ربنا يهدية للخير ويهديك وكل مبتلى

ففروا الى الله 05:51 PM 11-08-2009

بسم الله الرحمن الرحيم

الحقيقة كنت اكتب ردى مع الاخ الواقعى فى نفس الوقت فما رايت ما كتب
انا رايى ان فكرة انك تفهم منة بدون ما يعرفك كويسة على البريد الالكترونى
بس تكون حذر انة ممكن يديك ميل جديد ما يعرفو غيرك

ربنا يعينك

القلب الحزين 06:41 PM 11-08-2009

بسم الله الرحمن الرحيم

اولا شكركم على اهتمامكم و الرد ع موضوعي.
بس أنا عايز أقولكم ع حاجة حكاية أن أنا أواجه و أقوله ع الشفته و اللحصل من رابع المستحيلات لعدة أسباب:
أولا : أنا معنديش الجرأة و لو حتى 1 فى المية أن أكلمه فى حاجة زى دى
ثانيا: و لو حتى كان عندى الجرأة و كلمته بالتأكيد يعنى أن هوه هينكر الحصل ممكن تنقلب الدنيا ما تقعدش و هيقول أزاى بتقول كده و مش عارف أيه.
يعنى باختصار أنا لوحدى مش هينفع ألاقى حل و لا أكلمه.
بالنسبة أن أنا أكلمه ع النت على الأيميل مش هينفع لأنه أصلا معندهوش أيميل هو أصلا خبرته فى النت و كمبيوتر محدودة جدا .
بس أحب حاجة و الله العظيم أن هوه فى منتهى الذوق و الأخلاق و التدين
أنا فعلا مصدوم .
أنا عايز حل للمصيبة دى مش عارف أعمل أيه .
يارب أرفع عننا بلاءك ياااااارب.

KIMOKOKO 08:29 PM 11-08-2009

بسم الله الرحمن الرحيم

خلاصة القول ... ما تخبرش اى حد تمااااااااما .. لأنك ربما تفتح الباب على نفسك انت
ثانيا ... لا تفاتحه بالموضوع .. لا تكسره امامك ...وحافظ عليه و على حبه لأختك و حبها له ... انت تعلم تماما انه فى بدايه الطريق للعلاج .. الزواج
ساعده

--------------------------------------

كلكم بتهجموا على الراجل وكأنه واحد مش مننا
هاتلى واحد بس من الشواذ اللى اتجوزوا هنا بالمنتدى لافتح فيلم او حلم برجل بعد زواجه
يا جماعه لا يوجد شفاء تام

وامامنا مثال حى الان .. فربما بفطرة هذا الشاب يضرب لنا مثالا فى عدم اعترافه بأنه مريض
ورغم ذلك احب واتحب و سوف يتزوج و ينسى كل هذااااااااا

وكما ذكرت يا صديقى بأنه عديم خبرة النت و الحمد لله
يعنى ما اتمرمغش فى وحل الشذوذ مثلنا ...واتبرمج مخه على ما نراه فى الافلام

ان شاء الله الاذمه هتعدى ... وما تفاتحش اى حد ولا هو نفسه
ضع انفسكم مكانه .. مكان اخ خطيبتك لو اكتشف امرك
لا تكسر عينه امام العائله .. لا تنسى انه قريب يعنى من العيله


كل ما عليك لا تعطيه فرصه بعد الان للأختلاء بنفسه .. وساعده على هذا
و صاحبه فربما لا يكون شاذ .. والا كنت لاحظت منه اى فعل شاذ معك

وان شاء الله علاجه بالزواج ... مخرج للشهوه .. ويكفى الحب الذى بينهم
كافى جدا لأقامه بيت سعيد ان شاء الله
وها امامك مثال حى تتابعه يوم بعد يوم..خذه قدوه و لاتترصد له الاخطاء
فنحن مثله

تابعنا بالاخبار اول بأول
ولا تتهور

هتخسر اكتر بكتيييييييييييير مما هتكسب .. اعقلها جيدا
اختك سعيده معه .. هتخسرها وهتخسر قريبك .. وهتخسر نفسك و ضميرك

وكفى .......


عبدالله 2007 08:51 PM 11-08-2009

بسم الله الرحمن الرحيم

أخي الفاضل " القلب السعيد "
كان الله بعونك أخي الفاضل ,,, فأنت امام إمتحان من المولى جل وعلى
لا تتسرع في إتخاذ القرار ,,, لان مسألة الزواج مسألة عظيمة لا مجال للعبث بها
في البداية اخي الحبيب أشير إليك مثل ما أشار أخواني الكرام
الواقعي و ففروا الى الله
بأن تتعرف على نوع المثالية لديه ومداها ,,, وهذا أمر يحتاج إلى جهد منك
وهنالك عدة أساليب جيدة ,,, منها ,,,
أهم نفطة ,,,,

لتعد إلى الوراء قليلا ,,, الأفلام المثالية التي وجدتها ,,, حاول أن تفتكر الصور التي إلتقطها عقلك
الأشخاص الموجودين في الفيلم هل هم " أطفال - شباب - رجال "
فإذا كانت أطفال أو شباب " وسيمين " فعلم أنه مثالي موجب
وإذا كانت لرجال كبار في السن أعتقد أنه مثالي سالب

عندما يزروكم في البيت مثلا ,,, ركز على كل كلمة ينطق بها وأيضا ركز على حركة عينية ويده
فقد تجد تناقضا في كلامه مع حركات جسده,,, وهذا يدل " والله أعلم " أنه ممثل " كاذب" جيد ,, ويحسن إخفاء العديد من الأمور
فبذلك هو يحاول اخفاء مثاليته ,,, وهذا يدل والله أعلم أنه له تاريخ عظيم مع المثالية

عندما تكون برفقته بالخارج ,,, راقب نظراته إلى الناس ,,, وراقب إذا ما كان يطيل النظر إلى شخص معين
فهذه الطريقة ,,, تعرف أن لديه ميول مثالية تسيطر على فكره ,,, ومنها تعرف متى شدة المثالية لدية

نقطة لم تعجبني أبدا ,,,,
كيف يشاهد افلام للشواذ في بيتكم !!!! هو مقبل على الزواج
فمن المفروض أن كل تركيزة على الجنس السوي ,, نقطة لا توحي بخير
اخي الفاضل ,,, أنظر إلى اصحابة فقد تجد أحدهم " مثالي "
وأيضا في الزيارتين الماضيتين لكم ,,, شاهد أفلام مثالية
فهذا يدل على أنه " مــــدمــن على المواقع "
وأكثر ما ضايقني أنك قلت أنه شخص محترم ,,, فهذا دليل على مدى تفننه في إخفاء مثاليته
لكن مع هذه الاساليب التي سردتها ,,, أنا على أشد اليقن أنك سوف تخرج بجزء عن مثاليته
وقــبــل كــل هــذا تــقــرب إلــى المــولــى جــل وعــلى وأطــلـــب مــنــه ارشــادك إلــى الــطــريــق الــصــحــيــح

وفي الختام أخي الفاضل ,,,,
بــــــــــــرأيـــــــي
يجب أن لا ترتبط أختك بشخص " لا مبالي يشاهد افلام في بيتكم "
نقطه قمة في الغرابة وتدل على مدى إنغماسه في وحل المثالية
يجب عليك ان تختلق أي سبب يجلعة بعيد عن أختك ,,, وإذا لم تقدر ,,,
يجب أن تعلم أختك بهذا الأمر قبل الزواج ,,, لأنها هي من سوف ترتبط به

وفقك الله اخي الفاضل لما يحب ويرضى
جعل الله أيامك أشد قربا للفرح وأشد بعداً عن الحزن
وأرجوك لا تنقطع عن المنتدى
في امان الله

dr_m367 hot 02:24 AM 12-08-2009

بسم الله الرحمن الرحيم

السلام عليكم ورحمة الله وبركاته
بداية وحشتووووووونى بعد فترة كان عندى فيها مشاكل بالانترنت
ثانيا برحب بالأخ الفاضل "القلب السعيد" وبقولله طولت علينا الغيبة يا راجل
وبدون مقدمات بدخل فى الموضوع على طول
انا رأيى من رأى الأخ "KIMOKOKO"
وهو إن مين فينا ما بينظر نطرة كدا وللا كدا
وأكيد بعضنا فى لحظات الضعف ممكن يخطئ
والزواج نجاة وسبيل ومصرف حلال لقضاء الشهوة واخمادها لكن مش لمحوها
ربنا قادر على محوها دا على حسب صدق وقوة المثلى التائب
وارد قوى حتى بعد الزواج ممكن نسيئ التصرف ونخطأ فى مواقع او ما شابه ذلك لكن الاهم اننا هنلاقى البديل والمصرف الحلال
طبعا المواقع حرام وحرام كبير قوى لكن الشهوة موجودة وربنا موجود وبيعفو وبيسامح وبيوضع لنا البديل
لكن لو المثلى ما تزوجش هيقضى شهوته فين ما يقدر يعيش ملاك لكن احنا بشر
لكن المحك هنا أنه بيعمل كدا فى بيت اللى هتكون سبب نجاته
لكن أنا عن نفسى ملتمس له العذر
لأن فى أكتر لحظات القوة ولحظات لما يكون ربنا موفق الواحد للحلال هى نفسها أكتر لحظات وسوسة الشيطان ومحاولات ابليس المستميتة فى لف حبائله حول من هو يحاول ينجو بنفسه ويقرب من ربنا
زى الواحد لما يكون ناسى مكان حاجة ومش عارف حاطتها فين
مجرد ينوى الصلاة ويقول الله أكبر ويدخل فى الصلاة يفتكر القديم والجديد لان الشيطان مش بيسيب الواحد فى عز ما هو قريب من ربنا
غير انك طالما شايف انه رجل ومحترم وذوق وبيحب اختك وحريص عليها وهى حاسة بدا
ليه فعلا نعلق له حبل المشنقة
وليه نحكم عليه بانه انسان سئ
كل واحد يحط نفسه مكانه
هو شاب يمكن ما عنده انترنت
وفرصة وجود انترنت بمنزل الاخ "القلب السعيد" شجعته انه يستكشف مثل هذه المواقع
زى اى حد فينا اول ما بدا ييقلب فى صفحات الانترنت كان فى حالة ذهول وصدمة وادمان على هذه المواقع بل وشغف عليها
لدرجة انه مجرد كان بيختلى بنفسه قلبه يدق علشان منتظر اللحظة اللى هيقدر يفتح فيها الموقع ويشوفه
مهما كانت درجة احترامه او ادبه او تدينه حتى
فمن الممكن قوى انه يكون حصل له مثل هذه الصدمة وفعلا عنده حب استطلاع الناس دى عايشة ازاى
فحرام نقطع عليه سبب نجاته
واللى ممكن لما نفشكل له الخطوبة
يتمادى فى الخطأ وبكدا نشجعه على انه ينحرف بجد
علشان ما اطولش كالعادة
حابب اقوللك يا اخى
اياك ثم اياك ثم اياك
تكشف ستر ربنا على اى شخص
عاوز تفاتحه انت فى الموضوع بطريقة غير مباشرة او تدل على انك عرفت هو ايه فاتحه
زى ما قال الأخ "ففروا الى الله" والاخ "الواقعى"
ولو ما عنده ايميل
ممكن انك تفتح الموضوع مش عليه هو
على انك مثلا سمعت حلقة فى التليفزيون بتتكلم عن هذا الامر
او انك تنكر مثلا على شاب شوفته او ممثل شايفه فى فيلم او مسلسل اجنبى وتقول انك مثلا قريت فى مجلة ان هذا الممثل الاجنبى شاذ يدعو للشذوذ
وانك احتقرت نوعية اللى بيدعو للشذوذ
لكن ان فكرك متحضر وبتحترم اللى بيحاول ينجو بنفسه ورافض المعصية وبيجاهد نفسه
ولو عاوز تمنعه من انه يختلى بالانترنت امنعه بدون ما يشعر انك قاصد
لكن اوعى تكشف ستر ربنا على واحد وتدمر مستقبله
طالما اختك بتحبه واستخارت ربنا عليه وهو بيحبها
ممكن قوى اختك تكون سبب نجاته بجد
وزى ما قال الاخ "KIMOKOKO"
مافيش نسبة نهائية للشفاء من ها البلاء فيه تحسن بعد الزواج طبعا
لكن مش معنى انى تزوجت انى نسيت تلك الشهوة
فالله يكرمك اوعى تكسر قلب واحد بيقدم على الحلال
وما تنسى ان ربنا عمره ما هيظلم اختك
ادعى انت ربنا انه لو خير لاختك واختك خير له ان ربنا يتمم لهم ويالف قلوبهم
ولو شر لبعض ربنا يبعدهم عن بعض بالحسنى
لكن
إوعى تعمل حاجة زى دى
وإوعى تقول لجنس مخلوق على خطيب اختك
مهما بلغ الامر
انت لو عاوز تكلمه كلمه
غير كدا لا والف لا
لانك لازم تحط نفسك مكانه
وانت ما تعرف اللى جواه زى ما قولتلك ممكن قوى يكون فعلا فى حالة ذهول من اللى شافه على النت بعد فترة ما كان يعرف فيها اى حاجة عن الموضوع دا
وربنا ينجيه ويستر طريقه ويهديه
وما تنساش احنا داخلين على رمضان
يعنى الشيطان واعوانه شغالين علينا بايدهم واسنانهم علشان بيحاولوا يخلونا نعمل اكبر قدر من المعاصى قبل ما يقيدوا فى رمضان
فالتمس له العذر لان فعلا اليومين دول صعبين ومش عليه هو بس لا على كتير مننا
والله أعلم
كلمة اخيرة
حلفتك بالله تدعي له قوى واحنا هندعيله وندعى لاختك
بس اوعى تطلع كلمة برة كدا وللا كدا
حرام تجرحه
فى حفظ الله


محب الخير 05:17 AM 12-08-2009

بسم الله الرحمن الرحيم

إلى الأخ العزيز " القلب الحزين" أسعد الله قلبك

يا أخي الكريم لا تتسرع في الحكم على خطيب أختك، فهذا ليس دليلا قاطعا على شذوذه، كثيرا ما نجد أصدقاءنا وبعض رفقائنا يحبون الإطلاع على المواقع الإباحية سواء كانت سوية أو شاذة، وهم أسوياء وأعرفهم جيدا

فربما خطيب اختك أحد أمرين:
1- إما ان يكون bisexual وهو النوع الذي يسطيع ممارسة الجنس السوي والشاذ.
2- أو أن يكون فقط يحب الإطلاع بدافع الفضول.

وصدقني يا عزيزي لا تتوقع بأن الرجل سيقدم على الزواج مالم يجد بأن لديه رغبة تجاه أختك.

اخوك محب الخير


medo 03:29 PM 12-08-2009

بسم الله الرحمن الرحيم

السلام عليكم ورحمة الله وبركاته

اخي الكريم " القلب الحزين " ،، سبحان الله !! بجد موقف غريب ،،، انا عاوز اتقدم لبنت كويسة وبنت ناس وأتجوزها وفي نفس الوقت لو عرفت ان اختي اتقدملها واحد زيي اخاف واقلق وابقى مش عارف اعمل ايه ....

انا عارف انك طبعا بتحب اختك وعاوزها تعيش سعيدة مع جوزها ،، وكان نفسك طبعا يكون جوزها انسان سوي وطبيعي ومايكونش زيك من الاخر ،، لكنك للأسف اكتشفت غير كده ....

طب هاسألك سؤال وتجاوب بأمانة انت خفت وقلقت بسبب ان خطيب اختك شاااذ وخلاص والا بسبب انه شاذ بيمارس شذوذه ومش بيحاول يتعالج ؟؟؟
طبعا لازم تتقبل فكرة ان خطيب اختك يكون شاذ لانك كده زيه وفي يوم من الايام هتخطب ان شاء الله ،،،، اللي غير متقبل بقى هو انه يسيب نفسه كده ويفتح مواقع شاذة ويتفرج على افلام شاذة ... عاوزينه يحاول يلتزم ويتوجه لربنا ويحاول يفكر في الجنس السوي وينوي انه يحب اختك ويراعي حقها ....

طبعا مش هينفع تكلمه ابدا في الموضوع ده علشان مش هيجيلك الجرأة ،،،وكمان هتحطه في موقف محرج ماتتمناش تشوف نفسك فيك ولا حتى هتعرف تسأله عن رأيه في الشواذ والكلام ده ،، مش هتقدر تفتح معاه الموضوع ده اساسا ،،، واياك تقول لاختك او لاخوك او لاي حد ...
هو ما بيعرفش كويس في النت ومعندوش ايميل ،،، يعني فعلا ما تعمقش في موضوع الشذوذ زي ما احنا بصراحة تعمقنا ،، وتقريبا هو معندوش كمبيوتر بدليل انه بيغيب يغيب ولما يجيلكم بيسهر امام الجهاز بتاعكم ويفتح مواقع لانه ما بيقعدش على كومبيوتر وما بيعرفش في النت فبيستنى الايام اللي بيقعدها عندكم ويدخل على النت .. يبقى انت ممكن بقى الساعات اللي هو بيدور عليها ومش لاقي غيرها علشان يدخل على النت يبقى انت خليك معاه فيها ،،، لما ييجي يسهر لوحده رخم عليه واقعد معاه ،، هتلاقيه طبعا متضايق ومش عاوزك معاه لانك قلقت مزاجه ،،، يبقى حاول تعمل معاه حاجة تبسطه ،، العبوا كوتشينة ،، شغلوا فيلم حلو واتفرجوا عليه سوا ،، انزلوا العبوا كورة ،، لكن ما تسيبوش لوحده على الجهاز علشان ما يتعمقش قوي ،،، لو انت بتفهم في الجهاز قوي شغل برنامج يحجب المواقع الجنسية او تعمل اي حاجة في الجهاز تخليه ما يعرفش يدخل على النت ،،، وحاول تكلمه كلام ديني وتخليه دايما يصلي معاك ....
لكن كونك اتنك تتكلم معاه دي انا مش عارف ممكن تعملها ازاي ،،، هو كان الحل الوحيد انه يكون عبر الايميل لكن هو معندوش وطبعا لو قلتلك علمه يعمل ايميل ،، محدش هيكون عارف ايميله غيرك ،،، ممكن تعرفه على مواقع شات زي مصراوي او كده وحاول تعرف بيخش باسم ايه ،، وفي مرة امسكه في الموقع ده واتكلم معاه ... دي فكرة ممكن تعملها ...
بس اهم حاجة ،، ما تكونش شديد ولا قاسي عليه ،، انا برضه شايف انه غلبان ،، ويمكن فعلا ما يكون شاذ بالدرجة اللي انت فاكرها وانه بيكون بيجرب او بيتفرج بس او انه يكون باي سيكشوال ...
ربنا يحفظك ويحفظه ويحفظ اختك ويكرمكم ويكرمنا كلنا ....



في عالمنا اليوم، يعتبر السحر والحسد والمس وسحر تحقير شأن الإنسان من المواضيع التي تثير فضول الكثيرين. ويعتبر البعض أن هذه الظواهر والامراض تحمل في طياتها آثارا سلبية تؤثر على حياة الأفراد والصحة الجسدية والنفسية. هناك العديد من الطرق والتقاليد التي تعنى بعلاج هذه الامراض، سواء كانت عبر الطب الروحاني، أو الطب البديل، أو الطب النفسي. يمكن العثور على بعض النصائح والطرق الفعالة في التخلص من تأثيرات هذه الامراض عبر زيارة مواقع إلكترونية متخصصة، مثل:

1- علاج السحر: تفصيل حول الطرق التقليدية والروحانية لعلاج تأثيرات السحر.
2- علاج الحسد: نصائح وأساليب للوقاية من الحسد وكيفية علاجه والتعامل معه.
3- علاج المس: استعراض للطرق التي يمكن أن تساعد في التخلص من تأثيرات الشياطين والمس الشيطاني.
4- علاج سحر تحقير شأن الإنسان: نصائح حول كيفية التغلب على تأثيرات وعلاج سحر التحقير الذي يستهدف شأن الإنسان.
5- أخطر أنواع السحر: استعراض لأنواع السحر الأكثر خطورة وكيفية التصدي لها.


الرقية الشرعية هي استخدام القرآن الكريم والأدعية النبوية المأثورة والأذكار الشرعية في علاج الأمراض الروحانية والنفسية والجسدية، وذلك بما يتوافق مع التعاليم الإسلامية، وتعتبر الرقية الشرعية أسلوبا معتمدا وفعالًا للتداوي والحماية والتحصين من الامراض الروحانية مثل السحر والحسد والعين والمس، والكثير من الاضطرابات النفسية.



1 2