هيهات .. هيهات ..

كم هو مقدر تماما لحجم الجرح الوجداني البالغ الذي سببه لهم كلامه الساقط أخلاقيا عن تعاليم الشرع الحنيف وتجرؤه الأهوج على عقيدة المولى – عزوجل – والذي يعتبره الآن فقط أخطر وأفدح ما ورد في الكلام (بعد ايه) .. لن يتصوروا أبدا كم سهر لياليه المنصرمة باكيا دما بعد أن انخلع القلب وجفت الدموع واشتد الندم بعد هذا التردي النفسي الذي بلغه وكل ذلك السقوط الأخلاقي غير المسبوق .. حتما ستمضي بهم السنون حائرون عاجزون عن تخيل حجم التقدير الحقيقي لكم العذاب الذي عايشه خلال تلك الأيام التي مرت كالدهر وهو يدفع فيها ثمن تلك الاباحية العقلية الخسيسة والاحتفال النزق مع الشيطان ويقاسي في وحدته ذل المعصية ومرارة الندم والحاح الشعور بالذنب وفداحة مشاقاة الله وجريرة العدول على حكمه وقضاؤه .. أي نفس تلك التي ما فتئت تبتهج وتتباهى وتتضاحك في خليائها وعتوها وفجورها على ما اقترفته في قلوب أشقاء مسلمين من وقاحة وتبجح وعبث بأسمى القيم وأرفع المثل .. وأي عقل قاصر ذلك العقل الذي يشبع غطرسته وغروره في السفسطة والخداع والتضليل وخرق الحدود الآمنة ويمارس لعبته الأثيرة في التغرير بالنفوس ولي عنق الحقائق .. وأي لسان ذلك الذي يتلوى كالأفعى متلاعبا بالألفاظ عابثا بالأفئدة راقصا لرقصة الشر التي ينفث من خلالها كل ما تراكم على صدر صاحبه من سم زعاف .. وأي نبالة تلك التي تتحقق في رسالة وقضية تبيع في سبيلها أعز وأغلى وأثمن ما كرمك الخالق ورفعك به
هيهات أن ينفع الندم بعد الكفر
هيهات أن ينفع الندم بعد الكفر
هيهات أن ينفع الندم بعد الكفر

ايها الاخ الكريم مرحبا بك عائدا تائبا الى الله تعالى

ولكن لا اعرف لماذا دائما تاخذ باطراف الأمور

ربنا يقلبلك لو حتى اخطأت مليون مرة فهو الكريم الرحيم

اخى الحبيب ان حسن الظن بالله من موجبات القبول

فأقرأ وتامل

الزمر (آية:53): قل يا عبادي الذين اسرفوا على انفسهم لا تقنطوا من رحمه الله ان الله يغفر الذنوب جميعا انه هو الغفور الرحيم

الفرقان (آية:70): الا من تاب وامن وعمل عملا صالحا فاولئك يبدل الله سيئاتهم حسنات وكان الله غفورا رحيما

الحجر (آية:56): قال ومن يقنط من رحمه ربه الا الضالون


الاحقاف (آية:13): ان الذين قالوا ربنا الله ثم استقاموا فلا خوف عليهم ولا هم يحزنون

فصلت (آية:30): ان الذين قالوا ربنا الله ثم استقاموا تتنزل عليهم الملائكه الا تخافوا ولا تحزنوا وابشروا بالجنه التي كنتم توعدون

"والذين اذا فعلوا فاحشة أو ظلموا انفسهم ذكروا الله فاستغفروا لذنوبهم ومن يغفر الذنوب الا الله ولم يصروا علي مافعلوا وهم يعلمون *اولئك جزاؤهم مغفرة من ربهم"

صدق الله العظيم

لله أشد فرحا بتوبة عبده ، حين يتوب إليه ، من أحدكم كان على راحلته بأرض فلاة . فانفلتت منه . وعليها طعامه وشرابه . فأيس منها . فأتى شجرة . فاضطجع في ظلها . قد أيس من راحلته . فبينا هو كذلك إذا هو بها ، قائمة عنده . فأخذ بخطامها . ثم قال من شدة الفرح : اللهم ! أنت عبدي وأنا ربك . أخطأ من شدة الفرح
الراوي: أنس بن مالك - خلاصة الدرجة: صحيح - المحدث: مسلم - المصدر: المسند الصحيح - الصفحة أو الرقم: 2747

إن عبدا أصاب ذنبا ، وربما قال : أذنب ذنبا ، فقال : رب أذنبت ، وربما قال : أصبت ، فاغفر لي ، فقال ربه : أعلم عبدي أن له ربا يغفر الذنب ويأخذ به ؟ غفرت لعبدي ، ثم مكث ما شاء الله ثم أصاب ذنبا ، أو أذنب ذنبا ، فقال : رب أذنبت - أو أصبت - آخر فاغفره ؟ فقال : أعلم عبدي أن له ربا يغفر الذنب ويأخذ به ؟ غفرت لعبدي ، ثم مكث ما شاء الله ، ثم أذنب ذنبا ، وربما قال : أصاب ذنبا ، قال : قال : رب أصبت - أو قال : أذنبت - آخر فاغفره لي ، فقال : أعلم عبدي أن له ربا يغفر الذنب ويأخذ به ؟ غفرت لعبدي ، ثلاثا ، فليعمل ما شاء
الراوي: أبو هريرة - خلاصة الدرجة: [صحيح] - المحدث: البخاري - المصدر: الجامع الصحيح - الصفحة أو الرقم: 7507

قال تعالي في الحديث القدسي :-إني والإنس والجن في نبأْعظيم اخلقه ويعبد غيري,وارزقه ويشكر سواي.خيري الى العباد نازل وشرهم اللي صاعد اتودد إليهم بنعمي وانا الغني عنهم ويتباغضون الي بالمعاصي وهم افقر شي الي اهل ذكري واهل كرامتي واهل معصيتي ولا أقنطهم ابدا من رحمتي ان تابو الي فأنا حبيبهم وان لم يتوبوا فأنا طبيبهم ابتليهم بالمصائب لأطهرهم من المعائب.

عن أنس ـ رضي الله عنهما
أن رسول الله صلى الله عليه وسلم قال: "قال الله تعالى: أنا عند ظن عبدي بي، وأنا معه إذا دعاني".

قال أحد الائمة:
"لا تسئم من الوقوف على بابه ولو طردت"
"ولا تقطع الاعتذار ولو رددت"
"فان فتح الباب للمقبولين فادخل دخول المتطفلين ومد اليه
يدك وقل له مسكين فتصدق عليه فإنما الصدقات للفقراء
والمساكين"
فلا تقل هيهات وهذا الكلام وحاول أن تعلم عن ربك من خلقك ولا تقنط وهو حريص على نجاتك

بصراحة اخى انا مش فاهم تقص ايه من حديثك
هل هو ندم كما ذكر أخينا الفاضل "ففروا الى الله" أم هى آهات أم ماذا
أخى الله يكرمك ما تزعل مننا
احنا هدفنا مصلحتك
ويهمنا انك تكون بخير وبطاعة
ودا اللى عليه اتعاهدنا هنا فى المنتدى اننا نبقى اخوة فى الله وعون لبعض على الطاعة ولو شدينا فى الكلام فهى القسوة اللى باطنها الرحمة والخوف والحرص على انك تكون فى طاعة وتنجو بنفسك وبفكرك
ارجو انك تكون فاهمنا
وارجو توضيح موضوعك لانى مش عارف افهم وما تؤاخذنى الله يكرمك
وربنا يهدينا ويهديك يارب للصلاح

بصراحة يا أخواني أنا مش حأقدر خالص أحط وشي في وشكم بعد كدا
أنا بضعفي ومرضي وقلة ايماني أصبحت فعلا عبأ عليكم
اذا أسعدت الظروف يمكن أرجعلكم في يوم من الأيام بشخصية جديدة واسم مستعار تاني بعد ما نحس بجد ان أنا اتصلحت وان ربنا غفرللي ذنبي وهداني الى سبيله القويم
أرجوكم تنسوني وتنسوا اسمي
بس طبعا ماتنسوش تدعوللي :d
تدعوللي ان ربنا يغفرللي ويهديني ويشفيني ويوفقني
خصوصا في الامتحانات اللي فاضلالي
وأنا طبعا مش حنسى حد فيكم من دعايا
ومش حانسى أبدا نصائحكم المخلصة ليا
الوداع يا اخواني

اخي الحبيب maghol mahrano
اي الكلام الفارغ ده ؟ اسف بس بصراحة زعلتني حسستني اننا حاجه كبيره وكأننا مبنغلطش اساسا , ياراجل كل واحد فيه بلاوي بس اهو بنحاول نعالجها وكمان مهما كنت وعملت انت اخونا ولا اي ؟ يعني ميصحش الكلام بتاع محطش وشي في وشكو وعبأ عليكو وضعفي ومرضي والكلام ده
ياراجل والله اغلبيتنا ضعاف اوي وبنتقوي ببعض ولولا كده كنا مفيش داعي
اخي الحبيبmahrano maghol
اي ده هو احنا لحقنا نتعرف لمه حتسبنا وتروح
اي ده ياراجل بالبساطه دي زعلت مننا ورحت بعد كلمتين حلوين قلتهم
لا لا لا لا لا لا لا لا لا لا لا لا لا لا لا لا لا لا لا
متبقاش انت اللي اختار طريق الجهاد ومشي فيه اولي الخطوات نحو الشفاء
اياك تكون نسيت العهد والوعد بتاع الاخوه اللي بينا اول مدخلت المنتدي
طبعا ممكن تكون مدايق من الكلام اللي قالوه الشباب علي موضوعك بس محدش يزعل من الحق صح؟
وكمان كلنا هنا بنشجع بعض وبنفكر بعض وبناقش بعض عشان نعرف نتجاوز البلاء اللي احنا فيه
مظنش انك ضعيف وانهزامي وان دي اخر مره حتدخل المنتدي
وكمان بينا كلام كتير مقلناهوش وانا منتظرك بقي مطولش علينا ؟

اخى الحبيب مجهول ليس فينا احد لا يخطىء ابدا بالعكس لازم الصح والغلط بيكونوا موجودين وبينهم صراع

وبالنسبة لدخول المنتدى دى جانب الخير اللى مش المفروض تتخلى عنة على الاقل مش هتدخل مواقع تشات او على اقل القليل هتقلل وقت دخولك تشات لا يرضى الله

ولو دخلت شات مليون مرة

ولو عصيت بجد

ولو عملت اية حتى لا تغلق جانب الخير ابدا فى حياتك فلابد ان تكون على صلة بالله عن طريق الاذكار

وبصحبة تشجعك على الخير


انا عمرى ما بتكلم فى ان الواحد يقع فى غلط ابدا

انا كل اللى اتكلمت فية ان نسمى الغلط صح وما نندم علية وقتها هتكون كل الموازين مقلوبة

فالاساس ان نقول على الغلط غلط والباقى سهل علاجة

انما لو قلنا على الغلط صح.....هنعالج اية ولا هنصلح اية وانت مش مقتنع ان دة غلط اصلا!!!

دى النقطة بس فى الكلام واتمنى ان تكون فهمتنى

واتمنى ان تظل مع اخوانك وانا اولهم نتونس ببعض وناخذ بايدينا لنخرج من هذة الظلمات

ارجو ان تتقبل رجائى لك بعدم التخلى عن اخوانك حتى لو عندك مليون خطا بس نتفق انو غلط ونحاول نعالجة

لك منى الود والتحية

أنا باستغرب بجد من كلامك يا اخي ،، ايه المشكلة أما تغلط ،، المشكلة انك تعاند وتستمر في الغلط او تغير الغلطة بغلطة اكبر ،،، لما وجهناك وقلنالك انت غلطان ،، توقعت انك لما تفكر بحكمة هترجع تقول اني كنت فعلا غلطان ،، لكن تقول مفيش فايدة ،، ولا ينفع الندم ،، وانا مش هاقدر احط وشي في وشكم ، وانا هارحل ومش هارجع الا اما اتغير ......
الكلام ده كله غير مقبول ..

ميدو

أنا جاي لتوي من الكلية من بعد ما خلصت آخر امتحان .. الحمد لله ربنا أبى الا أنه يوفقني وينصفني والامتحانات أهي عدت على خير وكل شئ على مايرام .. وتوفيقي دا في الامتحانات أنا باعتبره كرم وفضل ومنة من عند ربنا ومؤشر حقيقي على رأفته بحالي وصفحه عني وغفرانه لذنبي .. مؤشر طبعا لازم ناخد بالي منه ونضعه في الحسبان ونشدد عليه .. بس أنا للأسف مضطر أفضفض وياكم وأصارحكم بان كلامي ده لا يعكس بالمرة الطبيعة الحقيقية لعلاقتي بربنا .. للأسف حقيقة علاقتي بربنا ينطبق عليها المثل الشهير عن "مطارق الحداد" .. كنت ناوي أكتب لكم الكثير والكثير عن حقيقة علاقتي بربنا بس قلت في عقل بالي اخزي الشيطان ياوله دا برضه ربنا .. دا برضه ربنا اللي لسة كارمك في الامتحان .. اخزي الشيطان وماتلعبش في عش الدبابير .. على كل .. يمكن دا يكون موضوع نقاشنا في يوم من الأيام وماتتوقعوش مني وأنا على هذه الحال غير كل تجاوز .. أنا آسف
لكن على كل حال أنا ممتن لكم ومسرور للغاية بمشاعركم النبيلة وحرصكم على التمسك بوجودي في المنتدى واللي عاوز مني حاجة يطلبها

اولا ارحب بيك اخى بينا و معانا دايما على الخير انشاء الله و على فكره انا كمان لسه مخلص امتحانات الكليه اليوم .
انا بس عاوز اسالك على حاجه انت اكيد عارف ان احنا جاين على منتدى على امل مهما كان قليل بس اهو عندنا . اه اوقات كتير الشيطان ما يترك الواحد فينا و يهيا له ان هوا هيفضل كدا و مش هتغير و خلاص بقا ملهاش لازمه ان هوا يبعد بس بجد اكبر غلط انك تميل لما دا يحصل ليك و كمان حكايه ان احنا نضعف دى حاجه طبيعيه يا اخى ما فى اى حد فينا مش تحصله بس الفارف بينا مين بقا الى يقوى بعد الوقوع و بجد الواحد بيتعلم من الى بيحصله و يشوف اى خلاه يضعف و يحاول ان هوا يبعد عنه و كمان احنا بشر و مافيش حد كدا عايش سليم و ماشى مظبوط و كمان حكايه ان احنا لازم نصبر دى حاجه اساسيه عارف ان الواحد بيعدى عليه اوقات بيكون عاوز يموت نفسه بس بيرجع تانى و فكر فيها من ناحيه تانيه ان احنا لو صبرنا اجرنا عند ربنا بيكون اعلى من الناس العاديه و الدنيا فانيه و ما فى حاجه باقيه عليها ولا على حالها .و حاجه كمان رجوع الواحد للى كان عليه مش هيكون زى الاول و عمرك ما هتحس الانبساط و لا السعاده الى انت كنت فيها لان الواحد فينا بعد ما عارف طريق الهدايه و النظافه(sorry ) مهماعمل تانى مش هيلاقى نفسه و كدا هتبقا لا مع دول ولا مع دول يبقا لى ؟؟ مش مشكله انك تضعف و ترجع بس امانه عليك لما تضعف عليك تقوم تانى و ترجع زى الاول و احسن عشانك و عشانا كمان و احنا كلنا معاك فى اى وقت لان صعب انك تلاقى حد يفهمنا و يتفهم مشكلتنا و كمان يا اخى دور على الصحبه لان بجد هتحس هيا فارقه قد اى معاك و حاول انك تشوفهم دوما و اقولك على حاجه اخيره حاول انك تقرب من ربنا على قد ما تقدر عشان احنا فى زمن ما يعلم بيه غير ربنا و كمان لسه الايام الى جايه الى فى حديث على الرسول (ص)فيما معنا ان فى يوم هيجى الباقى على دينه زى الى ماسك جمره نار فى ايديه.......


bokemon

اخوتي الاحبه bokemon و maghol mahrano

اولا الحمد لله علي السلامه مع خالص دعواتي بنجاح باهر ونتيجه حلوه اوي بأذن الله

اخيي maghol mahrano
اي ده ياراجل مالك بتضفي علي نفسك صفة شيطانيه في كل كلامك وتلميحاتك وكأنك شيطان وعايش بين الناس؟
ياراجل تفائل بالخير تجد الخير بأذن الله وبطل الصيغة دي عشان تعرف تبص للجانب المشرق في الحياة انت لسه شاب وقدامك عمر طويل وبأيدك انك تسخره لطاعة الله عز وجل وتكفر فيه عن زنوبك وتكتسب فيه من الحسنات ما تسعفك به همتك العاليه بأذن الله
وكمان انت في اول الطريق ودائما العلاج من الاول سهل واقل وقت ودي ميزه بقي تحقلك انك تفرح بيها وتحتفل بالتوبه النصوحه ببداية ميلاد جديد لعمر جديد في درب الجهاد ضد نفسك وفي طاعة المولي عزوجل والبحث عن ما يكمن في دواخلك من رجوله تحتاج لمن يزيح عنها غبار الشذوذ واثاره وينير له الطريق ليطفو ويحتل سطح هويتك الجنسيه ويعيد اليك ما تشوه بالشذوذ من رجولتك
اخي انا حبيت اني اشكرك علي عدم تخييب ظني واجابتك دعوتنا بالرجوع الي احضان المنتدي من جديد
لك مني كل الحب والموده الاخويه