مصـــــيـــبـــة__صاحبى طلع شاذ__ساعدونى بالله عليكم!!!!!!!!!!!!!


1 2 
قسم علاج الشذوذ الجنسي - مصـــــيـــبـــة__صاحبى طلع شاذ__ساعدونى بالله عليكم!!!!!!!!!!!!!
hafs_reading 12:15 AM 04-09-2009

بسم الله الرحمن الرحيم

انا لله وانا اليه راجعون

بجد مصيبة بما تستحقة الكلمة من معنى . مش عارف يكاد يصيبنى اليأس والاحباط مش عارف اتدارك امرى . ويعلم الله لولا عجزى عن التصرف ماكتبت هذه الكلمات؛ ويمكن dr_m367 hot معايا لظة بلحظة جزاه الله عنى خيرا والله خير صديق يعيين على الطاعة ويحفزك لعمل الخير والبعد عن المعصية ؛شخصية لذيذ وجميلة ورقيقة وكمان حساس وبيقدر يقيم الامور ويضعها فى نصابها
الموضوع من البداية انى وانا فى تصفح بعض المواقع للتعارف ارس لى شخص ما رقم موبايلة على اساس انى هكلمة _طبعا انا مش بكلم حد فبعتله انه يبعتلى ايميلة فكلمتى وظلنا نتحدث وطلب منى رقم موبايلى فانا لم اعطة له فاذا بى وانا اطلب رقمة يتضح لى رقم موبايل صاحبى وصديق عمرى؛
طبعا لاتصف الكلمات ماحجم المأساة والحالة الى كنت بها ؛فطلبت منه صورة فاذا هو وتتضح الاشياء وضوح الشمس.
تركت الجهاز خالص واتصلت باخىdr_m367 hot يساعدنى ويوجهنى فى مصيبتى اشار عليا ببعض الاشياء الا انى كلما اقابلة فى المسجد اعرض عنه لأنى عملت عنه اشياء لايليق المقام بذكرها وللأسف علمتها من لسانه هو وهو لا يعلم انى اعز اصدقائه.
مش عارف ارتب افكارى بصراحة عاوز انقلكم من هو الشخص وكيف انه شاب طائع لله صاحب اعمال خير ومشاركات فعالة فى المسجد ومساعدة للفقراء ولأصدقائة لااله الا الله.
لكن مش عارف بصراحة استحملونى ياجماعة بجد انا فى مصيبة كبيرة مش عارف اقابله لدرجة انى بهرب من جنبه فى صلاة التراويح وهو خدبالة انى بهرب منه مش عارف الله المستعان
عشان مطولش عليكم اقيدونى اكرمك واعزكم الله اعمل ايه هل اعرفة انى شاذ زايه كلن ازاى وليه ولا هل اساعده من بعيد ومش هينفع مش عارف انا متلخبط جدا انا بكتب وانا مضطرب جدا
افيدونى وساعدونى
اخوكم حفص


علاء كريم 04:44 AM 04-09-2009

بسم الله الرحمن الرحيم

اخي الكريم فحص احسست بمعاناتك .و فعلا كونك تكتشف ان اعز اصدقائك شاد فهدا شيء صعب تقبله .لكن و كما تعلم ان الشدود ليس له علاقة بالتدين و الاخلاق .لا انصحك على الاطلاق ان تخبره انك انت كدلك شاد .لانه في جميع الاحوال ستكون النتائج وخيمة .لانك ستفضح امرك امام صديق حتى و ان كان هو كدلك شاد .و اما ان تكون نفسه ضعيفة فيجدها فرضة لايقاعك في ما لا تحمد عقباه .من وجهة نظري المتواضع ان لا تظهر له انك علمت بامره .و ان كان صعب عليك ان تعامله كالسابق .و يمكن ان تتجنبه لكن بهدوء .
وفقك الله لما يحب و يرضى.

KIMOKOKO 03:35 AM 05-09-2009

بسم الله الرحمن الرحيم

تعامل معه بطبيعتك وكأنك لا تعرف شىء... و ادرك يا صاحبى ربما يكون شخص غير سوى اعطاك صوره ورقم صديق له على انه هو لكى تتصل به للمصداقيه

بس ادرك و تعلم من الدرس جيدا ... ربك ازال الله ستره عن صاحبك و صديق عمرك ... وهذا درس لك مع نفس الستر الذى سيزول عنك قريبا لو استمريت فى مواقع الشات و فى رمضان ايضا يا للعار و الفضيحه

للأسف الذى احزنى فى الموضوع هو انت ... ليس صديقك

امال انت بتعمل معانا ايه فى المنتدى وانت تصر على عدم التغيير

انت الان فضحت نفسك وانت لاتشعر .. والله ما بصدرى شماته .. لكن بضع نفسى مكانك و مكان صاحبك لو زادت بى الشهوه يوم لدرجة انى افضح نفسى و انا لااشعر


اما عن العلاقه لو فرض انه هو ...تعامل طبيعيا جدا... كن انت ستره الجديد
انت الان تفهم مغزى كلماته و حركاته ... ساعده فانت الان مسؤل عنه
بلاش انانيه وتتركه .. صدقنى هتشعر تجاهه بالمسؤليه اكتر من نفسك لو صديقك بجد

و لو صدف و فاتح موضوع الشذوذ .. فهذا موقعك و دورك ان توجهه انه ليس مرض والباقى تعرفه انت بقى .. لكن ما تزودش العيار لتتفضح انت

سترنا الله ورزقنا حسن الخاتمه يارب


dr_m367 hot 06:22 PM 06-09-2009

بسم الله الرحمن الرحيم

السلام عليكم ورحمة الله وبركاته
الله ما يحرمنى اخوتك اخى الحبيب "حفص"
فعلا انا محتار زيى زيك فى كيفة التصرف
لكن انا مع اخى "KIMOKOKO"
فى كل ما قاله
انه درس عن الستر
وفىانك تكون انت ستره الجديد
ومعاه فى انك لاتتركه وانك تحاول تساعده وتتمسك به
ومع الاخ "علاء كريم" فى انك ما تفصح له عما بك
يمكن انا فى بادئ الامر قولتلك قولله
وقولتلك انا لو مكانك هقولله
لكن بعد ما فكرت وسمعت كلامك وقريت كلام الاخوة لقيت فعلا ان مش الاصلح لك او له انك تخبره انك لديك نفس المشاعر المثلية
انما عليك تتصرف بطبيعتك
ولو حتى شايف انه بيقرب لك
فانت ادرى بحاله وما تنفر منه علشان ما ينفرش من اهل المسجد كلهم
انت دلوقتى فاهم خباياه ومكنونها
فاشفق عليه وما تعامله زى ما بقية الاخوة فى المسجد بيعاملوه هم مش فاهمين لكن انت فاهم
تعرف يااخى
الواحد لما بيسمع كلمة السلام عليكم من اخ له بيفرح قوى
ولما بيحس ان له اخ بيحبه فى الله فعلا وحريص عليه وعلى تواجده معاه فى الطاعة بيتشجع قوى ولو حتى فى بادئ الامر لوكانت نيته مش لله انما لارضاء صديقه ربنا بعد كدا بيرقق قلبه واللى كان بيعمله علشان ما يخصرش صداقته اصبح يعمله علشان هو اصبح مؤمن به
مش عارف فاهمنى وللا لا
اللى اقصده
عن تحربتى الشخصية
لما دخلت الكلية
كنت وحيد
وحاسس برضه انى الوحيد اللى فى العالم اللى عنده المشاعر المثلية وماكنتش فاهم ليه انا كدا
وكنت ببعد عن كل الشباب نوع من الخوف من افتضاح مشاعرى ونوع ايضا من الكبر انى مش محتاج لهم فى حاجة تعويض لنقص كان بداخلى
بس تعبت ما قدرت اعيش لوحدى لان الحل مش انى اهرب
اصبحت رويدا رويدا اقرب ممن توسمت فيهم الدين والاخلاق
وبصراحة فى بادئ الامر لم يكن الدافع هو انى عاوز اقرب من ربنا هم كانوا بيقرا قرآن وبيعملوا الكثير من اعمال الخير وكانوا بيشركونى معاهم ظنا منهم انى مقبل على الله
لكن للاسف لم تكن نيتى خالصة لوجه الله
انما كانت لتعويض نقص فيا
وانى محتاج صداقة واخوة فى الله وحب فى الله
كنت حريص على ارضائهم ولم اكن مستحضر نية ارضاء الله عز وجل
لكن بعد شوية فوقت من غفلتى
وحسيت ان اللى بعمله دا هيروح هباء
فعرفت اوازن بين امورى واصبحت لما افعل شئ ما يكون من اجل فلان علشان قاللى كذا او شجعنى عليه
انما علشان انا من جوايا عاوز اعمله لله
فصحبة الخير بتعين على الطاعة
وانت لو بعدت عن صديقك وخاصة انك عارف انه بحاجة لحب وصداقة طاهرة (لانه عمره ما هيعرف عنك شئ ولا انت هتفصح عنه بشئ ولا هتختلى به)
لو تركته ممكن قوى يضيع
ومن السهل يلاقى صحبة تعينه على الشر يفصح لها عن خبايا نفسه وتعينه على المعصية
لكن لو انت قربت منه وفضلت جنبه وبتحثه على الخير اكيد على الاقل هيتبقى له انه ما هيرضى عن المعصية وهيفضل من جواه فيه شئ بيبعده عنها ولو حتى بيعصى من وراك
بصراحة انا شايف زى ما قال اخى "KIMOKOKO"
ان من الانانية انك تتركه
وربنا ما عملش كدا وكشف لك عن حقيقته علشان انت تعرض عن دا وكانك مش شوفتش حاجة
اكيد فى دا هدف واكيد فى دا حكمة
وزى ما قال اخى درس فى الستر
واضيف عليه لان يهدى الله بك رجلاخير لك من حمر النعم وخير لك مما طلعت عليه الشمس
واضيف ان مين عارف حرصك عليه وسعيك انك تنصحه فى الله يخليك تحس وتشعر انك مش هتكون عاوز ممن يقولن ما لا يفعلون
ونعوذ بالله من ان نكون منهم
والله يعفو يصفح لو كنا فى يوم من الايام منهم
لكن الله كبير ورحيم وعفو وغفور
وهو ادرى بالقلب واللى فيه
والله يوفقك اخى ويلهمك الصواب فى الفكر ثم القول ثم العمل
وىسف على الاطالة بس هيك تعرف اخوك رغاى كتيييييييييير
ورمضان كريم وما تنسى الدعاء
لك اولااااااااااااااااا
ثم لصديقك
ثم لنا
ثم لجميع مبتلى المسلمين
والدعاء امانة


hafs_reading 07:09 PM 06-09-2009

بسم الله الرحمن الرحيم

بسم الله

كل سنة وانتم طيبيين رمضن قد انتصف_وربنا يبلغنا ليلة القدر


ثانيا: جزاكم الله خيرا على اهتمامكم وردودكم وكل يوم كنت بدخل المنتدى عشان اباشر الردود عملا والله اسل التوفيق والنجاة.


مش عارف أبدا ازاى لكن الردود كنت طيبة ومرضية ومتوافقة لبعض الاشياء الى انا اختها ولله الحمد . عملا فعلا بنصيحة اخى(علاء كريم)و اخى (KIMOKOKO) وأيدهم فى الرأى الاخ(dr_m367 dr_m367 hot) فى انى لم ابح بما فى داخلى من مشاعر ولا علمى بحقيقة امرة واحاول اقدم له يدا العون على الرغم من انى فى حاجة اكثر منه لهذا العون ... والله المستعان.

لكن لى تعليق بسيط على ماقله اخى(KIMOKOKO
)

ليس دخولى المنتدى بنفاق منى ولا اصرار بعدم التغييرولكن يعلم الله انى لم اكن الا ان أحسن من علاقتى به سبحانه ولعلى اجد منكم يدا العون والمساعدة .فهلا صبرتم على واخذتم بيدى غريق يطلب النجاة.

وماتعلمتة من منتديكم الطيب ان الشذوذ ليس بالامر الهيين الذى تعقد النفس على عدم ممارسته وتنتهى لا ولكن هو معك حتى فى زواجك ولكن ماعليك الا الصبر والمثابرة

اعلم اخى انه مابصدرك شىء تجاهى وحشاك من هذا "لكن انا كنت فى حاجة بغير هذا منك" ويمكن تحدثت مع اخى (dr_m367 hot
) من ايام بعدم التوصيف الدينى للموضوعات وسماع القصص او الشكاوى مما قد يؤدى الى الكذب أحيانا او المدارة فنحن هنا اجتمعنا لحل مشاكلنا والكلام فى اشياء لا يستطيع البوح عنها لى حد فتخيل ان هذا المكان يصبح للمدارة او الكذب رغما فأظن ااننا ماوصلنا لغايتنا.


طبعا انا ماأتيت لأغير ولكن وجهه نظر حبيت انى ابديها__واعلم الناس تختلف فى فهمها ووعييها وادراكها بل وبتقواها فلا تطلب من التشابه فى التقوى فهذه بيد الله والاخذ بالاسباب .. والله المستعان.


لكن بالنسبة لمشكلتى ان شاء الله سأتبع ماقلتم ونصحتم ولا تنسونى من دعائكم



واختم بمقولة ابى رحمة الله تعالى وعفا عنه
الله معنا الله معنا الله معنا مادمنا على الحب اجتمعنا

اخوكم حفص


dr_m367 hot 12:07 AM 07-09-2009

بسم الله الرحمن الرحيم

الله يكرمك أخى الحبيب " حفص" ويوفقك فى طريقك ويقوينا ويقويك على شرور أنفسنا
عاوز بس اعلق على نقطة
معاك إن احنا هنا مش جايين نقول حلال وحرام لان الحلال بين والحرام بين والحق واضح بزوغ الشمس زى ما الباطل واضح أمام اعيننا
واحنا مش مشايخ ولا دعاة
لكن احنا جمعنا بلاء واحد وجمعنا هدف واحد وهدف سامى وجميل
وهو اننا نلتقى ببعض فى الفردوس ان شاء الله وليس فى الدنيا
وبنسعى كلنا لهذا
وبنصبر بعض
وبنتبادل الخبرات
والرحمة والحنان والحب موجودين زى ما الشدة والحزم لازم تكون موجودة لاننا اللى جمعنا هو حب فى الله طاهر منزهة عن أى أغراض غير شريفة
وبنخف على بعض خوف الاب على ابنه والاخ الكبير على اخوه
وقمة الشدة هى قمة الحنان
وللا ايش يا أخى العزيز اللى على الراس من فوق والله العظيم

احنا هنا مش بنوصف الامور توصيف دينى
لكن الامر وكل ما فيه بلاء من الله
البلاء يا ابيض يا اسود ما فيهوش الوان تانية ولا لون رمادى
آه الواحد ممكن يقع لما ينوى التوبة
ولازم يقع امر طبيعى ومافيش حد معصوم من الخطأ
وحاشا لله ان حد يتهمك بالنفاق او يشكك فى نواياك او سعيك للتغيير
لكن فرحتنا بيك وبشخصك المتزن الملتزم الطيب هو اللى مخلينا مش مستحملين عليك الهوا والله العظيم

لكن كونا نذكر انفسنا بجزاء الصبر والصابرين وعظم الاجر وكبر الكبيرة ليس بتوصيف دينى لكنه تذكرة علشان بس ما نبعدش
امال احنا مستحملين وماسكين روحنا من اجل مين غير علشان رضاه
وهو احنا لما بنقول عاوزين نتغير غاويين قلق يعنى وللا ايه هو الدافع والوازع اللى بيحركنا غير ان لازال عندنا نفس لوامة نقية طاهرة بتتصرف على طبيعتها وسجيتها اللى حبانا الله اياها
مرجعيتنا لو لفينا يمين او شمال لازم هتنتهى للدين
شئ آخر
الموضوع ما ينفعش يجى بالتدريج
ما ينفعش اقول اه هغير نفسى بس همنع اى مواقع وهكتفى بالشات
دى مسألة
المشاركة الأصلية كتبت بواسطة :

(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)
إزاى ربنا هيساعدنى وانا لازلت بفتح شات وبشيت وبكلم ناس ابعد ما يكونون عن الطاعة اقرب ما يكونون من المعصية وحبائل الشيطان
دا على الاقل الواحد بيحس بحرج
الله يخليك ما تقول على الكلام دا توصيف دينى او انى بوجهه لشخصك
كلامى بصفة عامة ليا قبل ما يكون لاى اخ على المنتدى ولانى محتاج اسمع واوجه الكلام دا لنفسى لانى بغفل عنه وعاوزه يكون حجة عليا مشان ما يكون لى حجة لو فكرت كدا وللا كدا
كل ما فى الامر ان فيه حدود
يعنى نوقف الشات ونوقف المواقع ونقطع علاقتنا بكل الكلام دا
ومش هقوللك ان الواحد مية مية هينجح من اول يوم
لا بس على الاقل لما هيجى يضعف هيضعف بعد فترة
ممكن يضعف تانى يوم لكن على الاقول ما هيجى يضعف هيتذكر
وما ينفعش انوى التوبة والامل فى النجاة والخلاص من الموضوع دا وانا مصر على التشات وغيره اللى مهما كان الواحد وصل لقوة وتحكم فى مشاعره لازم يهتز
لان وقع الكلام على الانسان اقوى من تأثير الممارسة نفسه
أرحو ان كلامى ما يتفهم غلط
او انه تشدد
لا انا بضعف
وبقر وبعترف بدا
لكن والله ما بيودى فى داهية غير النت والشات وهو اللى بيأجج الشهوة ويثبت الافكار الشهوانية فى العقل الباطن كمان
فعلى ايه ازود شهوتى مش كفاية انها موجودة
يبقى الاحسن انى اخمدها وابعد عن المثيرات
لازم اتعب شوية فى الاول واستحمل ولو وقعت فى النص مش مشكلة
لكن دى ضريبة الصدق مع ربنا ان الواحد يكون من جواه فاير وهيموت ويفتح حاجة لكن يفررررررررررمل نفسه وخاصة فى رمضان
وربنا يقدرنى ويقدر الجميع يااااااااااارب على فعل الخيات وترك المنكرات
واشهد الله انى احبك يا أخى "حفص" فى الله ولله
وارجو ان الجميع يفهم كلامى ولو فيه حاجة مش واضحة او مزعلة حد قبل ما يزعل ياريت يقوللى ويسألنى انا اقصد ايه

واختم بـ:

الله معنا الله معنا مادمنا على الحب اجتمعنا


والفانوس دا هدية منى لك يا راجل يا طيب


على فكرة بتمسكه من فوق وتقول:
حالو يا حالو رمضان كريم يا حالو
(يمين شمال يمين شمال)
كدا اهو





hafs_reading 05:09 AM 07-09-2009

بسم الله الرحمن الرحيم

جزاك الله خيرا

وانا والله كمان بحبك dr_m367 hot يكفى انى كل كلمة بكتبها انت الوحيد الى بتعلم مخزاها ومابين احرفها وخفاياها؛واله اسأل ان يجمعنا فى ظل عرشة يوم لاظل الا ظلة.واشكر لأخوتى الين شاركوا النصح وابداء التوجية.

لكن لازلت على رأى وهو عدم التوصيف الدينى للموضوعات ؛بمعنى ان لو حد بيحكى او يتحدث عن امر اللم به او موقف حصلة او شعور بيحسة لو مثلا(قلنا لا حاسب على اللفاظك انتقى كلامك؛ميصحش ) سيكون هناك الكثير من الكذب والمدارة كما اشرت فى كلامى سالفا.

وكل سنة وانتم طيبيين وادعولى ان الامور تكون كويسة عشان اعرف اعتكف السنة دى ان شاء الله
اخوكم حفص

hafs_reading 05:11 AM 07-09-2009

بسم الله الرحمن الرحيم

الله معنا الله معنا مادمنا على الحب اجتمعنا


jamal 03:11 PM 07-09-2009

بسم الله الرحمن الرحيم

السلام عليكمورحمة الله وبركاته

تحية صادقة للمتواجدين هنا


الاخ الكريم حفص

بداية ما اجمل اسمك ينساب مثل الماء في الجداول الرقراقة

هو اسمك الحقيقي ولا مستعار صراحة وليست مجاملة اسماء اخونا فمصر روعة

************
الحوار...


اخي الكريم جميع مناحي الحياة لها ارتباط بالدين

مند فترة قرات مقال ان المنتخب المصري استفتى مفتي الديار هل له ان يفطر في مقابلة حاسمة

ان علم ان الصوم يعيق عن تحقيق المراد فاجاز لهم مفتي الديار؟؟؟؟؟

واستدل بدلائل المقام لايتسع لسردها

وفي نهاية المقال ورد ان شباب المنتخب اصرو على الصوم .

الشاهد ان امورنا الدنيوية تستلزم وصف دينيا من باب الوجوب

وتوصيفنا لما تمر به من عوارض الشذوذ دينيا لك ان تقبله و ترفضه

ورفضك مدعاة لشك والريبة ....* هل انت علماني؟؟؟؟؟*

ام ان الوازع الدينيي اضمحل لديك حتى في هدي الليالي العظام ؟؟؟

ام هي مبادء راسخات وثوابت لا تقبل المفاوضة ؟؟؟؟؟؟

سبحان الوهاب ومن يرزق بغير حساب !!!!!

كتابتك تتسم بسرد ديني جلي وختامه تتذكير بالحب في الله !!!!!

لو كانت اقوالنا تتهمك بالفجور والسفور وتحذرك من ولوج جهنم

ولحاقك بقوم لوط لقلت ان لكلامك مقصد ومعنى

لكن رفضك لتوصيف الديني بحجة ان التزامه قد يخفى الحقائق عند المتحاورين هنا

رفض اقف امامه وقفة استغراب واندهاش!!!!!!

عن نفسي لا اقول اني ملتزم بجميع اومر الله ونواهيه لكن مراعاة الجانب الديني في حيثياتي حياتي من الاولويات


dr_m367 hot 03:41 PM 07-09-2009

بسم الله الرحمن الرحيم

السلام عليكم ورحمة الله وبركاته
أخى الحبيب "حفص"
الله يسمع منك ويظلنا تحت ظلك يوم لا ظل إلا ظلك
نعم يا أخى فهمت عليك
تكلم وتحدث وقول كل ما فى جعبتك من كلام وخواطر
مين قال اننا هنقول ما يصحش وعيب
لا الواحد لازم يقول اللى جواه علشان نعرف مكان الخلل فين ونحط ايدنا عليه
اشهد الله أخى انى ما بتمنالك غير كل خير
وان شاء الله ربنا يقويك ويقدرك وتعتكف السنادى
وتدعيلنا وتبلغ ليلة القدر إن شاء الله
وتكون من عتقاء الشهر الكريم ويااااااااااااااااااارب نكون معاك منهم
والى الاخ "jamal"
الأخ "حفص" دون مستوى الشبهات
الأخ "حفص" ما شاء الله عليه ولا أزكى على الله أحدا لكنه ملم بأمور دينه أكثر مما تتخيل
لكنه حابب هون يناقش الأمر من الناحية العقلية والواقعية وليست الرواحانية
وهذا هو المقصود بقوله اننا نبعد شوية فى الخطاب عن التوصيف الدينى
اليس كذلك يا "حفص"
وبرضه بقول إن ما فيه أى مانع من ان دا يمشى مع دا
وان التوصيف الدينى من الاخوة الاحباء بيكون من بابا فذكر فإن الذكرى تنفع المؤمنين وليس من بابا الاتهام بالتقصير او المعايرة او الرياء
لازم نفهم دا كويس
لان ما حدش هنا عارف حد
كله فى الله ولله
كلنا حاسين بمشاعر الغيرة على بعض وعلى الاسلام والحرص على بعض
فالله يجعلنا ويجعله ممن يستمعون القول فيتبعون أحسنه
والله ما يزغ قلوبنا بعد إذ هدانا
وأخى الفاضل "حفص"
ذكرتنى بمقولة قرأتها لأخينا الحبيب "الطائر الحبيب" رغم اختلاف الموضوع حيث قال:
المشاركة الأصلية كتبت بواسطة الطائر الجريح:
السلام عليكم و رحمة الله و بركاته
اتقدم بخالص الشكر والامتنان لاخي -محب الخير- على موضوعه القيم .
اخي الكريم :
هل من الحكمة والعقل الا نشرب الدواء لمرارته ؟؟؟

ام نترك القيح في الجرح ولا ننظفه اتقاء لوخزات الالم.
ولا نعالجه كي لا يشعر *ا لاخرون * بالمنا ؟؟؟؟
اليس من الحكمة ان نحول تلك الانفعالات وعلامات الحرج,اثناء الحديث عن * الشذوذ *الى مائدة للحوار وتبادل وجهات النظر ,نستلم من خلاله زمام المبادرة ,لائصال صرخات* الشواذ*الذي يستشعرون صعوبة التغيير ؟
وبالتالي نكون خير لسان معبر عن اهاتهم ومعانتهم .....بدل الاستسلام والهروب الى الوراء؟؟ا
اليس منهم العابد والتقي والورع؟
اذن لماذا الحرج والخجل؟
ام هو قدرنا ان نعيش على هامش المجتمع, نتلظى بنيران *الازدرا ء* و* الاحتقار* ,خانعين خاضعين؟؟؟
لقد خلقنا لنتكلم
ولم نعش لنصمت

الطائر الجريح
كيف تسيطر على قلقك عندما يتحدث الغير عن الشذوذ أمامك ؟


نعم لقد خلقنا لنتكلم
ولم نعش لنصمت


المشاركة الأصلية كتبت بواسطة hafs_reading:
الله معنا الله معنا مادمنا على الحب اجتمعنا



في عالمنا اليوم، يعتبر السحر والحسد والمس وسحر تحقير شأن الإنسان من المواضيع التي تثير فضول الكثيرين. ويعتبر البعض أن هذه الظواهر والامراض تحمل في طياتها آثارا سلبية تؤثر على حياة الأفراد والصحة الجسدية والنفسية. هناك العديد من الطرق والتقاليد التي تعنى بعلاج هذه الامراض، سواء كانت عبر الطب الروحاني، أو الطب البديل، أو الطب النفسي. يمكن العثور على بعض النصائح والطرق الفعالة في التخلص من تأثيرات هذه الامراض عبر زيارة مواقع إلكترونية متخصصة، مثل:

1- علاج السحر: تفصيل حول الطرق التقليدية والروحانية لعلاج تأثيرات السحر.
2- علاج الحسد: نصائح وأساليب للوقاية من الحسد وكيفية علاجه والتعامل معه.
3- علاج المس: استعراض للطرق التي يمكن أن تساعد في التخلص من تأثيرات الشياطين والمس الشيطاني.
4- علاج سحر تحقير شأن الإنسان: نصائح حول كيفية التغلب على تأثيرات وعلاج سحر التحقير الذي يستهدف شأن الإنسان.
5- أخطر أنواع السحر: استعراض لأنواع السحر الأكثر خطورة وكيفية التصدي لها.


الرقية الشرعية هي استخدام القرآن الكريم والأدعية النبوية المأثورة والأذكار الشرعية في علاج الأمراض الروحانية والنفسية والجسدية، وذلك بما يتوافق مع التعاليم الإسلامية، وتعتبر الرقية الشرعية أسلوبا معتمدا وفعالًا للتداوي والحماية والتحصين من الامراض الروحانية مثل السحر والحسد والعين والمس، والكثير من الاضطرابات النفسية.



1 2