انا شاذ و عاارف مين الى خلانى كدا و مش قادر اعمل حاجة


قسم علاج الشذوذ الجنسي - انا شاذ و عاارف مين الى خلانى كدا و مش قادر اعمل حاجة
bokemon 03:38 PM 28-03-2008

بسم الله الرحمن الرحيم

انا ا.ح.ي من المنصوره انا كنت مسافر بره مصر و انا كنت صغير اوى و انا تقريبا 5 سنين كنت اتفرج على عمى و هوا عندنا فى الحمام و لاما كان ييجي عندنا افضل صاحي طول الليل علشان لاما ييجى يروح الحمام.
ولما جيت مصر كنت اتفرج على الاولاد وهما بيستحموا في البحر وكان عندي اسعداد افضل واقف كتير اوى اتابع حركات اى حد وسيم فيهم
وبعدين جة ابن عمى مرة و كان نايم جمبى ولقيتو بيمد ايدو عليا و انا عملت انى مش واخد بالى و بعد و بعدين زاد اكتر و فى الوقت دا حسيت بشعور عمرى ما حسيته قبل كدا فى حياتى كان شعور حلو اوى فعلا انا كنت بحس حنان عمرى ما حسيته ولما دخلت الاعداى نسيت الموضوع خلاص وقات ما فيش ااى حاجه
وجائت الكارثة فى الثانوى وقت البلوغ بقيت اميا للرجال اوى يعنى اكون ماشى مع اصحابى و انا بحلم بيهم و ضعفت و اتعرفت على واحد شاذ و مارست اللواط معاه ما وهوا كان عادى كان بيجيلى من بعيد عشان كيدا لغاية ما جيت فتره زهقت من نفسى ومش عارف اعمل اية خالص يعنى تخيل تكون ماشى مع اعز اضحابك و انتا نفسك تمارس الجنس معاة شعور يا رب ما يكتبه على اى حد و انا مش عارف اتكلم ولا عارف اشتكى و ما ينفعش اروح لاى دكتور عشان البيت هيعرف
اعمل ايييييييييييييييييييييه

dr_m367 hot 04:23 PM 28-03-2008

بسم الله الرحمن الرحيم

السلام عليكم ورحمة الله وبركاته
هون على نفسك يا أخ yoyo2008
كلنا مرينا بظروف زيك وكتير منا مر بظروف اشد وأصعب
وكونك عاوز تنجو من اللى انت فيه فدا دليل واضح على أن نفسك الطيبة رافضة أى فعل قبيح
وتأكد إنك طالما أنت أستنجدت بربنا ورجعت لربنا هو مش هسيبك لأنك استنجدت وتوكلت على عظيم ورحيم
وبص يا أخى مبدئيا أنصحك بإنك تندم أشد الندم على الممارسة اللى أنت عملتها وتطلب من ربنا العفو والغفران
قول فى كل صلاة
((اللهم إنك عفو كريم تحب العفو فاعفو عنى وعن فلان اللى أنا مارست معاه))
فالعفو درجة أعلى من المغفرة لأن السيئة والخطيئة بتمحى تماما من صحيفة اعمالك
وعليك أيضا بدعاء سيد الإستفار واللى بيقول:
(((اللهم أنت ربى لا إله إلا أنت خلقتنى وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بذنبى فاغفر لى فانه لا يغفر الذنوب إلا أنت)))
وعليك كمان أنك لو عندك على الجهاز أى صور أو أفلام قوم امسحها دلوقتى حالا صحيح دى خطوة جريئة وصعبة لكن والله لو عملتها لله هتشعر بالراحة وهتحس برضا ربنا عليك
وإياك إياك من فتح مواقع الشواذ الإباحية
واتلتزم بغض البصر قدر استطاعتك
فقد قال رسول الله صلى الله عليه وسلم فيما معناه:
( النظرة سهم مسموم من سهام ابليس )
صدق رسول الله صلى الله عليه وسلم
واعلم تمام العلم وكن كلك ثقة ويقين
بأن من ترك شيئا لله عوضه الله بما هو خير منه
وأن من ترك النظر والتزم بغض البصر ذاق حلاة الإيمان فى قلبه

وعاوز أقوللك الحديث قال رسول الله صلى الله عليه وسلم:
(( من لزم الإستغفار جعل الله له من كل هم فرجا ومن كل ضيق مخرجا ورزقه من حيث لا يحتسب ))
صدق رسول الله صلى الله عليه وسلم
ومعلش أنا لسة عندى كلاااااااااام كثيييييير معاك
لكن اعذرنى لضيق الوقت لما أخلص امتحانات هبعتلك
وان شاء الله أهل المنتدى هيشاركوك
فى حفظ الله أخوك
dr_m367 hot

medo 03:18 AM 29-03-2008

بسم الله الرحمن الرحيم

السلام عليكم ورحمة الله وبركاته


اخي الكريم yoyo2008 ،،، انا اولا باشكرك على انك تجرأت واشتركت في المنتدى وقلت مشكلتك ،،، دي خطوة ايجابية ....
ثانيا ،، المشكلة اللي انت بتعاني منها انا كمان بأعاني منها ،،، حكاية انك تبقى ماشي مع صاحبك وانت بتشتهيه برضه بتحصل معايا ،،، ويمكن كمان صاحبي ده كان بيتكلم معايا براحته وكان كمان بيتكلم عن جسمه وعن الافلام اللي بينزلها وبيحكيلي عن العادة السرية اللي بيعملها ،،، عارف ان الكلام ده متعب وعارف الاحساس وانت ماشي في الشارع وباصص على الرجالة ازاي ،،، بصة انت نفسك مش مصدق انك ممكن تبصها ،،، بصة اللي انت بتبصله لايمكن يتصور انك تكون بتبصله بالاحساس دا ،،،
لكن الشذوذ دا احساس بيبدأ صغير واحنا بنكبره وزي ما كبرناه لازم نصغره تاني ،،، زي ما فتحنا على نفسنا ابواب الشذوذ ومتعتنا شهوة ودمرتنا عقلا ،، لازم نقفل على نفسنا ابواب الشذوذ دي ،،، الباب حديد ومفتوح على اخره وعاوز مجهود علشان تزقه وتقفله ،،، ولازم لما تقفله تتربسه عشان ما يتفتحش تاني علشان الرياح بره قوية قوي وممكن تفتحه على الرغم من انه باب حديد ،،، ولازم تدور على طريق تاني بباب تاني ذهب وتفتحه بنفس المفتاح اللي قفلت بيه الباب الحديد .....
لازم اول حاجة انك من جواك تقول لازم اتغير ،،،ازاي راجل يشتهي راجل ،،، ازاي ابقى ماشي مع صاحبي وافكر فيه التفكير الخبيث ده ،،، دا اكيد وسوسة شيطان ،، اعوذ بالله من الشيطان الرجيم ،، تخيل مثلا انك ماشي معاه وهو ممكن يقرا افكارك ،،، يا خراشي دا لو حس بأفكاري دا هيقاطعني ومش بعيد يفضحني ويبعد عني ،،، دا انا لو حكيتله بس عن احساسي ده هياخدني تريقة ومش هيسيبني ،،، تفكيري ده شي خيالي عمره ما هيحصل ،،، صاحبي ده مستحيل مستحيل يعمل معايا اللي انا بافكر فيه دا ،،، ايه الافكار الغريبة اللي انا بافكرها دي .......
لازم تقطع علاقتك مع الولد الشاذ اللي انت بتمارس معاه ،،، قاطعه قاطعه
قاطعه ،،، ده هيأخدك من ايدك ويدخلك النار ،، وهو ده اللي بيزق الباب الحديد من الناحية التانية ،،،،،
بالنسبة لتفكيرك وانت ماشي في الشارع وشهوتك للرجال مش هتتغير بسهولة ،، هتاخد وقت ووقت طويل كمان ،،، بس احنا نبدأ خطوة خطوة ،،، وربنا اكيد هيساعدنا ،، احنا هنتقرب منه شبر وهو هيتقرب مننا ذراعا ،،،
اول حاجة هنعملها اننا نقاطع كل الناس اللي كنا بنمارس معاهم ،، مقاطعة كاملة ،، مش هاقولك كلمه وانصحه انه يتوب ،، لانك اكيد لسه في بداية التوبة بتبقى ضعيف وممكن هو يغلبك بالكلام وياخدك تاني في طريقه ،،، فانت لازم تقاطعه نهائيا ،،، ماتردش عليه اما يتصل ،، لما تتكلم معاه اتكلم ببرود ،،، ونظرا لحساسية علاقتكم هو هيحس وهيتكسف ومش هيلح عليك ،،،
وبعدين ما تسيبش على الكمبيوتر اي فيلم او صورة او برنامج شات او اي حاجة كانت ليها علاقة بشذوذك ،،، ثالثا ابدأ ادعي وصلي ...
مش هاقولك فيه ايه بعد كده ،، انا بس عاوزك توصل للمرحلة التالته انك تمون قررت ما تدخلش على المواقع تاني ولا تكلم صاحبك ده .....
ومنتظر ردك واسأل الله لك الصحة والثبت والغفران ...
والسلام عليكم ورحمة الله وبركاته

dr_m367 hot 08:38 AM 29-03-2008

بسم الله الرحمن الرحيم

السلام عليكم ورحمة الله وبركاته
الله يجازيك خير يا أخ medo على كلامك الطيب
ونصائحك الغالية
ويا أخ yoyo2008 أرجو من الله انك تكون حسيت بما قاله لك الأخ medo
وأرجو أيضا أنك تتابعنا أخبارك وما تنقطعش عنا
فى حفظ الله
ولا إله إلا الله
وأعانك الله وأعاننا على فعل الخيرات وترك المنكرات
أخوك
dr_m367 hot

bokemon 04:11 AM 30-03-2008

بسم الله الرحمن الرحيم

انا متشكر اوى يا جماعة بجد علشان الواحد لاقى ناس ممكن تسمعله من غير اى احراج او تحقير

dr_m367 hot 11:08 AM 30-03-2008

بسم الله الرحمن الرحيم

السلام عليكم ورحمة الله وبركاته
لاشكر على واجب يا أخى الكريم
هذا واجب المسلمين تجاه بعضهم البعض
وربنا يكرمك ويبارك فيك
والله يخليك ما تنقطع عنا وتطمنا عليك وعلى أخبارك
فى حفظ الله
أخوك
dr_m367 hot


في عالمنا اليوم، يعتبر السحر والحسد والمس وسحر تحقير شأن الإنسان من المواضيع التي تثير فضول الكثيرين. ويعتبر البعض أن هذه الظواهر والامراض تحمل في طياتها آثارا سلبية تؤثر على حياة الأفراد والصحة الجسدية والنفسية. هناك العديد من الطرق والتقاليد التي تعنى بعلاج هذه الامراض، سواء كانت عبر الطب الروحاني، أو الطب البديل، أو الطب النفسي. يمكن العثور على بعض النصائح والطرق الفعالة في التخلص من تأثيرات هذه الامراض عبر زيارة مواقع إلكترونية متخصصة، مثل:

1- علاج السحر: تفصيل حول الطرق التقليدية والروحانية لعلاج تأثيرات السحر.
2- علاج الحسد: نصائح وأساليب للوقاية من الحسد وكيفية علاجه والتعامل معه.
3- علاج المس: استعراض للطرق التي يمكن أن تساعد في التخلص من تأثيرات الشياطين والمس الشيطاني.
4- علاج سحر تحقير شأن الإنسان: نصائح حول كيفية التغلب على تأثيرات وعلاج سحر التحقير الذي يستهدف شأن الإنسان.
5- أخطر أنواع السحر: استعراض لأنواع السحر الأكثر خطورة وكيفية التصدي لها.


الرقية الشرعية هي استخدام القرآن الكريم والأدعية النبوية المأثورة والأذكار الشرعية في علاج الأمراض الروحانية والنفسية والجسدية، وذلك بما يتوافق مع التعاليم الإسلامية، وتعتبر الرقية الشرعية أسلوبا معتمدا وفعالًا للتداوي والحماية والتحصين من الامراض الروحانية مثل السحر والحسد والعين والمس، والكثير من الاضطرابات النفسية.