hurry sickness
السلام عليكم ورحمة الله وبركاته,,
في البدايه اشكر جميع من ساهم في انجاح هذا المنتدى وجزاهم الله خير. عندي ازمه نفسيه اعاني منها من حوالي سنتين, الحين اشوف انها صارت تضرني وصارت سبب في فشلي في اغلب الامور. رحت لعياده نفسي واخذت علاج اسمه seroxat 25gr ولاكن مالمست نتيجه منه زي ماكنت متوقع لان الحاله عندي استقرت وما زادت او نقصت يعني تعلقت. مشاكلي النفسيه من ضمنها انه عندي احساس بالخوف واحساس بالذنب دائم, يعني اخاف اثناء الحديث او اخاف اذا الشخص صار يطالعني, صرت اتحاشي النظر في وجه اللي يتكلم معي او اذا طالعته احاول اطالع عين وحده بس ولا اعرف ليه؟ لما اتكلم مع احد افتح مواضيع غبيه مثلا, اتكلم عن وزني او اتكلم عن الزلقه اللي بغيت ازلقها وانا انزل من الدرج, او اعطيه رايي في اشياء مع انه ماطلبه مني, وغالبا لما اتكلم اسأل, مثلا, قد زرت الديره الفلانيه او سيارتك كم ماشيه او كم مقاس جزمتك(احس بالغباء لما اتكلم مع الناس),ما اقدر اركز في الحديث مع احد وفقدت القدره على التركيز تماما(التركيز في الكلام او اي موضوع جدي). دائما بالي مشغول في اشياء صغيره, قراراتي صارت عشوائيه ومتسرعه, ما اصدق احد ابد حتى لو الوالده, يجيني احساس بالملل على طول مع العلم اني صرت متسرع ولا عندي صبر, صرت فاشل في العلاقات مع الناس وهذا سبب لي احباط كبير. دائما قلق واعطي الاشياء اكبر من حجمها. وسواس غثيث في كل شي(في تصرفاتي او صلاتي او تفكيري), صرت سلبي واقنع نفسي ان الناس دائما تقصد عكس الكلام اللي يقولونه لي بس يغبون على(يعني كذابين). احب اصير وحيد مع العلم اني ما اطلع بنتيجه (افكر على طول). مهزوز دائما وصعب اني اتخذ قرار بلحالي لازم استشير اخوي اللي اكبر مني حتى لو في اشياء تخصني انا بس. استنتج اشياء خطأ سواء من كلام او قراءة معلومه او سؤال. اكبت مشاعري او مشاكلي الشخصيه ولا اعرف كلمة (لأ) ابدا. اجامل الناس على حسابي؟, واخاف اني اقول الصدق (صرت اكذب كثير). اعرض المساعده للناس مع انه مافي احد طلب مني, ولا صرت اميز بين الشخص اللي يصدق معي او يكذب على. ما اهتم في صحتي مع العلم اني نسيت الاحساس بالجوع(ماعاد صرت اعرف اذا انا جوعان او لا؟), ادخن بشكل شره, وبطلت اروح للنادي. ما صرت اعرف شي اسمه نعاس(يعني مادري متى الوقت اللازم للنوم؟). فراغ داخلي غريب ويعذبني بشكل عنيف. ما اهتم في شكلي او في لبسي, ما اتحمل احد يأمرني واتنرفز على طول بس اخبي. اميل للعنف اغلب الاحيان(كوسيله دفاعيه تعبيريه) واذا عصبت وانفجر اللي داخلي يصير زلزال مدوي في المكان اللي انا فيه(سويتها مره بس الحمد لله عدت على خير وصرت اتحاشى الشيء اللي يخليني اعصب مع العلم اعصب من اتفه الامور لاني ساذج). اذا تكلمت على التليفون ارفع صوتي واسمع اللي حولي مع ان سمعي سليم الحمدلله ونبرة صوتي جدا واضحه(ليه؟). حياتي الخاصه اقولها لاي احد(ليه؟). احساس بالنقص غريب مع العلم كل واحد يتمنى وضعي ويعتقد اني محظوظ.. صرت انسى كثير ,مثلاانسى المواعيد انسى الاسماء عموما. صرت احتفظ باشياء او احط في جيبي اغراض ما احتاجها, يعني ماصرت اميز الشي المهم او الشي اللي ينفعني؟
*السؤال هنا هل فعلن انا اعاني من مشكله نفسيه, او مشكله سلوكيه وسهل حلها؟
*مره من المرات في الجامعه درست موضوع اسمه(hurry sickness), الاعراض اللي اعاني منها مشابهه له مع العلم اني كنت(work addicted), هل هناك احتمال اني اعاني من هذا المرض؟
*كيف اقدر اعالج نفسي بنفسي خصوصا انا الان في غربه وفي مدينه صغيره وخدماتها الطبيه النفسيه غير موجوده يعني لازم اسافر مسافة ساعتين علشان اروح لعياده نفسيه(معانات)؟
*انا اتوقع ان الحل اني محتاج اتعلم الادب واحتاج اني ابني نفسي من اول وجديد, بس كيف الطريقه محتاج لتوجيه؟
شكرا للاطلاع,,,,
طيب على الاقل اذا قريت الموضوع رد وقل الله يشفيك اكسب اجر فيني على الاقل؟
اللهم اشف انت الشافي لاشفاء الاشفاءك شفاء لايغادر سقما........
الله يكون بعونك يااخي ويشفيك ويهديك الى الطريق المستقيم
اسال الله العظيم رب العر ش العظيم ان يشفيك
اسال الله العظيم رب العرش العظيم انا يشفيك
اسال الله العظيم رب العرش العظيم ان يشفيك
في عالمنا اليوم، يعتبر السحر والحسد والمس وسحر تحقير شأن الإنسان من المواضيع التي تثير فضول الكثيرين. ويعتبر البعض أن هذه الظواهر والامراض تحمل في طياتها آثارا سلبية تؤثر على حياة الأفراد والصحة الجسدية والنفسية. هناك العديد من الطرق والتقاليد التي تعنى بعلاج هذه الامراض، سواء كانت عبر الطب الروحاني، أو الطب البديل، أو الطب النفسي. يمكن العثور على بعض النصائح والطرق الفعالة في التخلص من تأثيرات هذه الامراض عبر زيارة مواقع إلكترونية متخصصة، مثل:
1- علاج السحر: تفصيل حول الطرق التقليدية والروحانية لعلاج تأثيرات السحر.
2- علاج الحسد: نصائح وأساليب للوقاية من الحسد وكيفية علاجه والتعامل معه.
3- علاج المس: استعراض للطرق التي يمكن أن تساعد في التخلص من تأثيرات الشياطين والمس الشيطاني.
4- علاج سحر تحقير شأن الإنسان: نصائح حول كيفية التغلب على تأثيرات وعلاج سحر التحقير الذي يستهدف شأن الإنسان.
5- أخطر أنواع السحر: استعراض لأنواع السحر الأكثر خطورة وكيفية التصدي لها.
الرقية الشرعية هي استخدام القرآن الكريم والأدعية النبوية المأثورة والأذكار الشرعية في علاج الأمراض الروحانية والنفسية والجسدية، وذلك بما يتوافق مع التعاليم الإسلامية، وتعتبر الرقية الشرعية أسلوبا معتمدا وفعالًا للتداوي والحماية والتحصين من الامراض الروحانية مثل السحر والحسد والعين والمس، والكثير من الاضطرابات النفسية.