انا يائس ... وحاسس ان مفيش فايدة ... انقذوني

السلام عليكم ورحمة الله وبركاته

جزاكم الله خيرا ،، انا خايف ان الموضوع يقف عند كده لان خلاص حاسس ان مافيش كلام تاني يتقال ، بس انا بابقى مبسوط كل يوم وانا بادخل اتكلم في المنتدى واقرا الردود لاني بادخل المنتدى في الوقت اللي كنت دايما ادخل فيه على المواقع الاباحية اللي خلاص ما بقيتش اخشها ...
انا كنت عاوز حاجات نتفق عليها نعملها كل يوم او اسبوع ونتابع مع بعض في المنتدى ده ونشجع بعض ... انا خايف ما لاقيش جديد في المنتدى فأبطل ادخله وهو الحاجة الوحيدة اللي بتشجعني وبافتكره على طول ....
انا بس كنت عاوز ابقى معاكم على طول واسمع افكاركم وتجاربكم واي موقف يحصل ،، عشان الفكرة تفضل مستمرة في دماغي وافضل اقاوم على طول ...
والسلام عليكم ورحمة الله وبركاته

والله بادعيلك dr_m367 hot ربنا يوفقك يارب في الامتحانات ويكرمك وتجيب احلى تقدير ....
وياريت تطمني عليك كل يوم لاني باحب اقرا مشاركتك ..
واوعا تنسى تطمني بعد كل امتحان ....
وانا بجد نفسي اتكلم معاك على الماسنجر لو معندكش مانع ....
بالتوفيق وجزاكم الله خيرا

الله يكرمك يارب ويعزك ويبارك فيك
إن شاء الله والله مش هسيبك وباذن الله هحاول ابعت لك كل يوم
لكن لو فى يوم قصرت الله يكرمك تعذرنى أصل الامتحانات وقتها بيكون ضيق قوى
وان شاء انت انسان قوى ومش راح تفتح اى موقع نا المواقع الاباحية ثانى
نصيحة يا medo
بجد انا لما مرة فى لحظة ضعف دخلت على موقع من اياهم صحيح ما طولتش فيه لأنى كنت خلاص كرهت الدخول على أمثالهم
بس بجد حسيت انى عملت جريمة
منين أنا بحاول أتوب واتصلح ومنين أنا بدخل على المواقع دى
حسيت بأنى مش أنا وحسيت بعد ما كنت خلاص طاهر ونقى بإن فى شئ نجس دخل جوايا
إحساس بشع لما تضعف
لكن حتى لما ضعفت ما ياستش من رحمة ربنا عليا لأنى إستغفرته وبطلت نهائى أدخل
احساسك بالطهارة شئ لا يوصف ولا يقدر بكنوز الدنيا كلها
بجد راحة نفسية الواحد بيشعر بيها وهو بعيد عن الكلام دا حتى فى لحظات الضعف الواحد بيكون متأكد انها دقايق وهتعدى فربك بيصبر وبيعين طالما وريته من نفسك الجدية والندم على أى شئ فات

وانا واثق فيك يا medo
أنت انسان شجاع ومحترم وبجد انا اللى بفرح لما بلاقيك فرحان ومهتم برسايلى
والله ما عندى مانع أبدااااااا أبدااااا تكلمنى بالعكس والله دا شئ هيزودنى ثبات على الطاعة لأن من الصعب إن الواحد يلاقى شخص يثق به ويكون بيعانى من اللى هو بيعانى منه ويكون بيعرف ربنا
مش هطول عليك لأنى بكتبلك بعد صلاة الفجر وعاوز أنااااااااااااااااااام



وربنا يحفظك يارب
ويارت نتواصل على طول
وياريت كل اللى على المنتدى يشاركونا ودا نداء عام وخاص للكل
ويارب ما يحرمنى من صحبتك يا medo ولا من شوشو ولا من الواقعى ولا من شهود ولا من عبدالله المسلم ولا من انسان معذب ولا منi wish to done ولا من أى شخص شاركنا على المنتدى
وياريت أى ح بيدخل ما يكتفيش بالقراية وبس
خليك كريم وشاركنا
وأنا عاوز أطلب منك طلب يا اخ medo
أنا هبقى اشوف أسامى اخواتنا اللى بقالهم زمن ما دخلوش واعمل موضوع بآساميهم كلهم وياريت تبقى تدخل عليه وتشجعهم على أنهم ما ينقطعوش عن المنتدى اللى كله أخوة صالحة دا
وربنا ما يحرمناش من بعضنا البعض
ويااااااااااااارب يجمعنا جميعا تحت ظله يوم لا ظل إلا ظله
فى حفظ الله
أخوك اللى منتظر ردك ومنتظر من كل اضافة
dr_m367 hot

السلام عليكم ورحمة الله وبركاته

شكرا للاخ العزيز dr_m367 hot وربنا يكرمك يارب ،، والله انا بابقى متلهف اجي ادخل على المنتدى ده عشان اسلم عليكم واطمن عليكم ..
مش هتصدق لما اقولك اني وانا راجع من بره بابقى متلهف اني ادخل على المنتدى بنفس تلهفي زمان لما اكون راجع من بره عاوز ادخل على المواقع اياهم ،، وانا الصراحة باحاول اشغل نفسي بأي حاجة ...
فيه حاجة كنت عاوز اقولها ،، انا بره البيت انسان محترم جدا مع الناس كلها وطيب وخجول وفي حالي ،، لكن في خلوتي انسان اخر غير محترم باتفرج على الصور والافلام الحرام وباكلم ناس غير محترمين بألفاظ غير محترمة سواء كان كتابة او صوت ،،،، فانا دلوقتي باخاف من الخلوة ،، واي وقت باعرف اني هابقى لوحدي فيه باحاول ما ابقاش في البيت خالص في الوقت ده ،،،،، وانا دلوقتي في اللحظة اللي باكتب فيها الكلام ده قاعد لوحدي في البيت ومطمن ان ما حدش هيدخل عليا الا بعد مالا يقل عن 5 ساعات ،،،، انا كنت ممكن اعمل فيهم حاجات كتير قوي مش كويسة ،،، بس انا صابر ودخلت على المنتدى ده ااهو وباكلمكم وبعد اما اخلص هادخل على مواقع انزل برامج وكتب علمية وطبية وان شاء الله ان شاء الله مش هادخل على المواقع التانية ،،، مش هادخل مش هادخل مش هادخل ،،،،
وان شاء الله يا اخ dr_m367 hot انا معاك في اي حاجة تعملها ،، لو عملت موضوع تشجع الناس انها تدخل ،، انا هادخل معاك واشجعهم وهاحاول ارتبط بالمنتدى ده اكتر واكتر لحد اما اتخلص امتحاناتك وتعرف تتكلم اكتر ،،، المنتدى ده بقى بيتي وانا مش عاوز ازهق منه ابدا ،، وبجد نفسي في اعضاء كتير وناس كتير اتعرف عليهم ونشجع بعض ....
وبالتوفيق والسلام عليكم ورحمة الله وبركاته ....




Fight for what you want
هتقولي امشي مش هامشي هتجيبلي حد يقولي امشي ما بامشيش

السلام عليكم ورحمة الله وبركاته
جزاك الله كل خير
والله يباركلك ويجازيك كل خير على مشاركتك معايا ووقفتك جنبى
الله يعزك ياااااااااارب
انا كمان بيراودنى نفس الشعور
بكون مستنى اللحظة اللى أدخل فيها على المنتدى
لأنى أنا كمان زى أنت ما بتقول والله
هو بيتى
وأنتم اخواتى اللى اتكلمت معاهم براحتى
لأن اخواتى ما يعرفوش عنى حاجة
ومستحيل أعرفهم
دعواتكم
والله يبارك فيك يا medo الله يبارك فيك ويعزك ويجبر خاطرك وما يحرمنى من دعمك لى ولا من دعم أى حد على المنتدى
والله أنا حاسس إن ربنا عوض صبرى خير بمعرفة المنتدى دا ومعرفتكم كلكم
الله يجمعنا ياااااااااارب سويا على مرضاته ويظلنا بظله ويجعلنا من المتحابين فى جلال وجهه
أخى ميدو انا ما عندى أى مانع من التواصل
مستنى اضافتك لى ومشاركاتك الفعالة

أخوك
dr_m367 hot

السلام عليكم ورحمة الله وبركاته
شكرا اخي الفاضل dr_m367 hot وبالتوفيق في الامتحانات ،، وانا الحمد لله النهارده قعدت الفترة كلها من غير ما افتح مواقع اباحية ، وغدا ان شاء الله هاصحى اكون لوحدي فترة طويلة ( دي برضه كانت من الاوقات اللي كنت باستغلها )) فان شاء الله برضه هاقاوم ،، انا حاسس من دلوقتي اني مش هاحاول حتى ادخل على اي موقع ،،، يمكن حتى اقضيها نوم بس ..... وربنا يصبرني ،،،،
ومش لاقي حاجة جديدة اقولها .......
اخي dr_m367 hot اتمنالك كل خير واتمنالك التوفيق ....

والسلام عليكم ورحمة الله وبركاته


سيب يا حزين القلق والخوف من المجهول
دا كل جـــرح اتخلـق بيجيله يوم ويزوووول
عيش بالامال وابتسم وانسى الجـرااح والالم
وارضى بنصيب اتقسم وبلاش تعيـش مشغول

وعليكم السلام ورحمة الله وبركاته
ربنا يخليك يارب
الحمد لله نتيجية الترم الأول طلعت وتمام التمام
دعواتك ربنا يتنه ساترها ويوفقنى

فى حفظ الله ولا إله إلا الله
أخوك
dr_m367 hot

وعليكم السلام ورحمة الله وبركاته
ربنا يعزك يارب ويبارك فيك
وإن شاء الله ربنا هيعوض صبرك كل خير
ما شاء الله عليك واضح أنك بتحب الشعر والزجل
أنا كمان بحب الزجل قوى وكنت دايما فى الاذاعة المدرسية المقدم
بص يا medo
خذ مع ربنا ومعانا عهد أنك مش هتفتح أى مواقع من إياها تانى
وبكدة والله مهما كانت لحظات الضعف عهدك مع ربنا هيمنعك أنك تفتح أى حاجة
وياريت نتواصل على طول ومنتظر دايما دعواتك وأخبارك
والله أنا لسة عندى كلام كتييييييييييير قوى نفسى اقوللهولك
لكن والله ضيق الوقت ربنا يسترها معايا فى الإمتحانات
الكلام كا بخصوص إيه اللى هتشعر بيه فى خلال الفترة الجاية إن شاء الله
بس مبدئيا مهما كانت لحظات الضعف واللى بتيجى دايما بعد وصولك فى علاقتك مع ربنا وتقربك له للقمة وللذروة اثبت واعرف انها مهما كانت شديدة عليك أنك بعد ما تنجو منها هتشعر براحة ما بعدها راحة
هو كدا الشيطان يستنى عليك لغاية ما تبدأ بجد فى النجاة ويبدأ يكعبلك من غير ما أنت ترتب
ووالله يا medo عاوزك تثبت مهما الشيطان يأسك إن مافيش فايدة أو وسوسلك بأى حاجة
وإعرف ان أى شعور بياس أو بضيق دا هيكون من الشيطان ومن النفس الأمارة بالسوء
لذا عليك يا شاطر وأنا عارف أنك انسان قوى بل قوى جدااااااااا
بأنك تنمى وترعرع وتكبر شعور نفسك اللوامة وتقضى وتحارب على نفسك الأمارة بالسوء والشيطان
بمعنى وأنا والله مش بهزر
لما كنت أحاول افتح أى موقع من إياهم ألاقى نفسى بفكر نفسى بعهدى مع ربنا وألاقى نفسى والله ومش عارف ليه أضرب إيدى واقول لنفسى الأمارة بالسوء مش هيحصل ولو عملتى إيه
وأبص على شمالى وأطلع لسانى للشيطان وأقولله والله لو عملت إيه مش هنوللك اللى فى بالك ومش هطيعك
وأستعيذ بالله من الشيطان الرجيم
والله بجد مش بهزر لكنى كنت بشعر انى فى حرب دايما معاهم الاثنين
والحمد لله على الثبات
فى حفظ الله ولا إله إلا الله
أخوك
dr_m367 hot

ليس المهم من اكون بداخلى . ولكن ما افعلة يحدد هويتى

السلام عليكم ورحمة الله وبركاته
معك حق
لكن بجهادك لنفسك هتغير أى شئ بداخلك لشئ أحسن وأحسن
ربنا يبارك فيك يارب
كلمتك أعجبتنى
ربنا يعزك