يا رب ماأدري وين أروح


1 2 3 
قسم علاج الشذوذ الجنسي - يا رب ماأدري وين أروح
طالب رضاك 09:40 PM 12-02-2009

بسم الله الرحمن الرحيم

(( وَإِذَا مَرِضْتُ فَهُوَ يَشْفِينِ ))

القلب الحزين 11:41 PM 12-02-2009

بسم الله الرحمن الرحيم

نفس مشكلتى بالظبط كأنك يا أخى بتتكلم عنى بالحرف الواحد أنا عندى نفسي الشعور والسبب هو أتحرمت من الحب الأبوى و الحضن الأبوى
أصعب حاجة أشوفها فى حياتى أن أشوف أب بيحضن أبنه أوبيطبطب ع أبنه
أو بيبوسه بأحسس أن أنا حاسس بألم فظيع يبقى نفسي أكون زى الطفل الصغير أتحضن من راجل كبير زى والدى . أحسن أن أنا فى حضنه بالأمان و الراحة واالدنيا ملكى كلها. لكن الأسف فين الحضن و فين الطبطبة وفين الأب التحس أن انت فى حضنه مش عايز حتجة من الدنيا تانى .و ع فكرة يا أخى أنا كتير جدا بيحس بأحساس الحب من أى راجل فى سن أبى و يكون أحلى أحساس فى الدنيا ويبقى بأصرخ جوايا بقوله أدينى الحب التحرمت منه وأدينى حضنك عايز أحس أن أنا فى أمان لكن للأسف يا أخى مشكلتنا مينفعش أى حد يعرفها حتى أقرب الناس أليك .
وأنا ع فكرة يا أخى أنا برضه ع علاقة عاطفية مع فتاة من سنى هى بتحبنى و أنا بحبها و لكن بعد الحب ده كله أيه اليحصل .
هنتجوز وبعد الجواز أيه الهيحصل................
هنقدر نكون زى أى راجل طبيعى قادر على معاشرة مرأته يعطيها كل حقوقها
ولا......................................
أنت عارف طبعا أيه قصدى
الأقدر أقولهولك دلوقتى أسيبها على الله و أقول يا رب .
و حاول قبل ما تأخد أى خطوة قوم بفحص نفسك ع أى طبيب مختص
لكى يطمئن قلبك

dr_m367 hot 11:48 PM 12-02-2009

بسم الله الرحمن الرحيم

السلام عليكم ورحمة الله وبركاته
أخى الطالب رضا الله "آدم"
طبعا طبعا طبعا
اهلا أهلا اهلا بيك وسطنا
ومرحب مرحب مرحب بيك معانا
والله يا أخى على قد ما أنا تأثرت لشجونك وسردك معاناتك فى أبيات رقيقة إلا إنى فرحان بيك والله ومستبشرلك خير ودا هيكون رأى كل اخواتك مش رايى أنا ولا هو كلام
ووالله طالما أنت بالفعل طلعت اللى جواك دا أكبر دليل انك راح تنجح وتنجو بنفسك
وحرصك ودأبك انك بالفعل تفضل على صراط الله المستقيم وطالب رضاه
فوالله لتنوله يا أخى والله لتنوله دنيا وآخرة
والديل على كلامك
تعالى نفصصه حتة حتة
شوف يا أخى مشكلتك محصورة فعلا فى الآتى وانت اللى قايلهم مش انا:
1- فقدانك الحنان الابوى ومعاه عطشك لكل حنان بسبب فقد الحبيبة
2- كونك اخذت ها الحنان من اخواتك البنات الله يبارك فيهم ويكرمهم ويجازيهم كل خير فدا أعطى لك احساس بان كل البنات اخواتك وكل الستات أمهاتك
3- كون فى فترة بلوغك ومراهقتك حدث عندك انحراف فى الشهوة فدا لان الشاب فى العمر دا بيكون عنده فضول بمقارنة نفسه بأقرانه وجسمه بجسم باقى الشباب والاستذة فحدث عندك اعجاب بهم وحب للتقرب اليهم ولو بالفكر نظرا لحنينك لوجود حنان ذكرى بجانبك

دا بالنسبة للمشكلة
نيجى للجانب المشرق فى موضعك
واللى بجد متأكد انك مش هتحتاج كتير علشان بجد تحط رجليك على بر الأمان وتسعى فيه بكل صبر وخصوصا ان ربنا يكرمك ويزيدك أنت صابر من غير حاجة فما بالك لما تكون اطمنت وعرفت طريقك القادم ومشيت فيه بالفعل واعتقد ان كل الاخوة هيشاركونى فى الرأى دا

تعالى نتناقش فى حاجة صغنونة بس كبيرة قوى والله
أنت قولت انك بالفعل بتشارك واحدة حب طاهر وحاسس بحبها لك
والله وفرت علينا كتير يا أخى والله وفرت علينا كتير
شوف يا "آدم" الله يرضى عليك يارب ان شاء الله
عاوز اقوللك حاجة ان الحياة مش كلها جنس والزواج وان كانت اهم علاقة فيه هى العلاقة الحميمة لكن ماهياش كل يوم طول السنين
وفى نفس الوقت يا أخى طالما بتحب هتقدر تعطى الحب دا
وهتقدر تعطيه من أى رجل غيرى عارف ليه
لأن حبك هيكون نابع من قلبك ومن كل جوارحك وكيانك بعكس اى راجل تانى ممكن يكون حاكم على الحب من الشكل والمظهر
ممكن اللى يكون خلاه يتعلق بفلانة وللا علانة شكلها مظهرها بس لكن شخصيتها مدارية قدامه ولو كان حاسس بيعوبها بيستحمل فى الازل لمجرد انه ينولها وبعد الزواج الحب يقل ويقل ويلاقى نفسه ما فيش تفاهم غير فى العلاقة الحميمة وبس غير كدا لا وبعدها العلاقة دى بتتاثر نتيجة تأثر حبال الود بينهم
مش عارف وصلتك الفكرة دى وللا لأة

شوف يا "آدم" فيه منا كتير يأس ياما ياس
وتعب وحس بانعدام فى الامل
لكن الحمد لله كثير مننا نجح اللى خطب واللى كتب كتابه واللى تزوج واللى تزوج وانجب من الاطفال بنين وبنات
وكان في يوم من الايام برضه يائس وخايف
لكن يا اخى
والله خوفك هو اللى هيكون سبب نجاحك
وخوفك دا علامة صحة مش عجز زى ما أنت فاكر
لا يا "آدم"
انت هتنجح وهتقدر اكتر من أى شخص تانى
وطريقك اسهل من غيرك ولو انت مش حاسس بدا
انت على الاقل شعرت بحب تجاه فتاة ولو حتى مش حب جنسى لكنه حب قلبى وطالما حبيت يبقى قطعت شوط كبير قوى فى رحلة نجاتك
غيرك قعد ايام وشهور وسنين علشان يقتنع بواحدة ويحبها وفى الآخر هههههههههه كل شئ نصيب ما حصلش نصيب
أخى انت مش فى يوم وليلة هتغير شهوتك
لكن على الاقل هتقدر تقلل شهوتك تجاه الرجال بعزمتك وغضك لبصرك ومنع نفسك من المواقع الاباحية
ويجى بعد كدا ادخال الشهوة السليمة لعقلك واللى هتدخل بشويش ومهما حاولت تقنع نفسك بيها او ما كنتش شاعر بانها على نفس قوة نشوة شهوتك للرجال فدا أمر طبيعى
لكن تأكد والله إن لو وصلت ل 1 % ودا رايى وانا متيقن منه وحسيت بشهوة للبنات او انك عندك استعداد وقبول لها الجسم الطاهر النقى اللى بينهل من رجولتك وفحولتك ويبرد جسمك الدافى هتنجح
لان الزوجة بتستمتع بالمداعبة والحنان والقرب أكثر من الايلاج نفسه
فانت لو شايف ان البنت اللى انت حبيتها دى وهو بتبادلك ها الشعور البرئ فتاة على دين وخلق وأدب توكل على الله واخطبها ولو مش هتقدر خلال الدراسة او علشان الظروف المادية استخير واسالها هل عندها مانع وبعدين تحاول تسعى فى الموضوع وتحققه
لان لما هتخطب وتكتب الكتاب وتحس انها اللى منعاك عن الحرام وانها محلك الحلال ومصرفك الحلال ونبع الحنان لك شئ تانى خالص واحساس مختلف عن اللى انت شاعر بيه دلوقتى
معلش أنا طولت عليك قوى بس غصب عنى انا بحاول اقوللك شوية من اللى جوانا
وللكلام بقية لما اعرف رايك
والبقية هتكون مدعمة بقصص النجاح اللى على المنتدى واللى اعتقد انك قريت منها لانى متأكد انك متابع المنتدى من فترة
لكن هون على نفسك وما تحمل هم شئ
وحب بلاءك دا
ايوة والله بلاءنا والله ليكون سبب سعادتنا دنيا وآخرة لو احنا ورينا ربنا مننا خير وأخذنا بالأسباب
ومرة تانية اهلين وسهلين يا عم
"آدم"
والله يهون عليك ويباركلك فى اخواتك ويفرحوا بيك ان شاء الله
وآسف على الاطالة
فى حفظ الله
والله يصلحلنا كلنا المور كلها باذن الله
والله يرضى عليك يا "طالب رضا الله"



dr_m367 hot 12:02 AM 13-02-2009

بسم الله الرحمن الرحيم

أخى الفاضل "صاحب القلب الفرحان ان شاء الله"
جميل اللى انت قلته
والاجمل يقينك بالله وتوكلك عليه
بس ياريت ما يبقاش توكلك دا تواكل
لا يا أخى
طمن قلبك يا أخى أنت و"آدم"
والله هتنجحوا بعد الجواز
وهتخلف وهتجيب بنين وبنات وهتعيشوا فى تبات ونبات وهنا وفرح وسعادة
وساعاها بقى يا حلوين
هتعطوا أولادكم الحب والحنان اللى اتحرمت منه
وهتحسوا بان كل همومكم زالت لما تشوفوا نور الطفولة البريئة ملك لكم وحتة من لحمكم ودمكم
الله على دى مشاعر مشاعر اب حنون عارف يعنى ايه معنى الحرمان راح يديله لابنه النونو
فالله يطمن قلوبكم يارب ويوعدنا ويوعدكم ان شاء الله
قولوا بس انتم يارب
وتوكلوا على الله وتأكدوا من نصره وانكم هتنجحوا احسن من ايتها رجل فيكى يادنيا وبشنبات وان شاء الله يكون هرقليز قاهر المعيز حتى
[move=right]
[/move][move=left][/move]

ففروا الى الله 01:05 AM 13-02-2009

بسم الله الرحمن الرحيم



أخى الحبيب آدم أخى الحبيب القلب الحزين............................بعد التحية

ليس هناك اى شىء ولا اى علم يقول بعدم قدرة المثلى على الزواج والممارسة من أين اتيتوا بهذا الكلام

هناك مئات وآلاف من المثلين المتزوجين والذين لهم القدرة على المعاشرة والأنجاب وانا اولهم

من الآخر لو ما يوجد عندك عيب عضوى يمنع الانتصاب فأنت تسطيع الزواج
كل الموضوع انك اتعودت تاخد شهوتك بطريقة غير سليمة وانغرس جواك هذا الأحساس وتأصل ويحتاج مجهود لتقتلعة وتزرع النبتة السليمة

لقد سجنت نفسى بهذا الوهم سنوات طويلة وفى الآخر ندمت اشد الندم على ما فات وتبين لى انى لو أخذت الموضوع بجدية من وانا فى سنكم كانت الامور هتكون احسن ..................لانى بدأت أقطع الماء والهواء عن هذة النبتة الملعونة فى وقت متاخر

ونجحت فى اقامة بيت وان اكون مقنعا لزوجتى جنسيا وفكريا وماديا وان ارزق بطفل وانتظر الآخر..........

اهم ما فى الموضوع اخى الكريم ان تصدق مع الله وتطلب منة العون وان تسعى وتكد فى اقتلاع هذا الامر وقطع اى سبيل علية

ثم تبدأبملىء الكوب ثانية بماء نظيف طاهر يرضى الله عز وجل

وهذا الامر محتاج جهد ومثابرة ومتابعة وألا تستسلم لخطوات ومكائد الشيطان

وارجو من عميد المنتدى والعمدة جمال والاخ الجميل ميدو ابراز المواضيع التى تجفف منابع هذا الداء وفى كلامهم افادة كبيرة لانة تم طرح كيف يتم ذلك اكثر من مرة وللاخ ميدو كتابات رائعة وبسيطة فى هذا الامر

أخى الحبيب كيف لا تقدر على المعاشرة وانت فى هذا السن؟!!!!!!!!!

انت متخيل انك فى فراش واحد مفضى الى لحم ودم ولا تنتصب ؟!!!

كل هذا وهم وخوف اكثر من الحقيقة

الحياة الزوجية انت وامرأتك وكلاكيت الف مرة فى الفراش كل الوهم اللى فى دماغك دة هيروح لو مش من اول مرة من التانية التالتة

وللعلم هذا شىء يحصل مع كثير من الناس الطبيعين والغريين لدواعى الكسوف والارهاق وخلافة هذا ان حدث لك اصلا واعدك بإذن القادر انة لن يحدث

ليس عليك الا ان تفتح الابواب المغلقة مع المولى عز وجل والتى ينفتح معها باب الدعاء واثبت...............وتابع .............ولا تتوقف .......ولا تستعجل الاجابة والشفاء.................وآتى الاسباب حقها وهى السعى لأجتزاز هذة الافكار والشهوة المنحرفة والمبادلة بفطرة الله عز وجل

وسوف تجد مساعدة من الاخوة فى هذا الامر مكتوبة مسبقا بعون الله

اخى الحبيب اولى خطوات الشفاء هى حسن الظن باللة واليقين انة لن يضيعك ولتتامل كلام الله


لا يكلف الله نفسا الا ما اتاها سيجعل الله بعد عسر يسرا .....الطلاق آية 7

لا يكلف الله نفسا الا وسعها ............البقرة 286

لا يكلف الله نفسا الا وسعها ............الانفال70


ان الله لا يغير ما بقوم حتى يغيروا ما بانفسهم .........الرعد11

يونس (آية:57): يا ايها الناس قد جاءتكم موعظه من ربكم وشفاء لما في الصدور وهدى ورحمه للمؤمنين

الاسراء (آية:82): وننزل من القران ما هو شفاء ورحمه للمؤمنين ولا يزيد الظالمين الا خسارا

فصلت (آية:44): قل هو للذين امنوا هدى وشفاء والذين لا يؤمنون في اذانهم وقر وهو عليهم عمى اولئك ينادون من مكان بعيد






طالب رضاك 01:16 AM 13-02-2009

بسم الله الرحمن الرحيم



















ففروا الى الله 01:25 AM 13-02-2009

بسم الله الرحمن الرحيم

لا يا أخى
طمن قلبك يا أخى أنت و"آدم"
والله هتنجحوا بعد الجواز
وهتخلف وهتجيب بنين وبنات


وأنا اوافق dr m
وازيد ما هو شعورك وقتها عندما يحضنك ابنك ........أو يحتمى بك وهو ضعيف............أو ان تغار عليك زوجتك!!


والله شعور رهيب ويستحق ان تبذل لة الكثير


ففروا الى الله 01:30 AM 13-02-2009

بسم الله الرحمن الرحيم

دع اليآئس أخي وإنظر للحياه نظره جديده بعيدا عن الأمس إذا كان الأمس ضاع أيها القلب الحزين فبين يديك اليوم وإذا كان اليوم سوف يجمع
أوراقه ويرحل .. فلديك الغد ..
لا تحزن على الأمس فهو لن يعود ولا تأسف
على اليوم .. فهو راحل إننا أحياناً قد نعتاد الحزن حتى يصبح جزءاً منا ونصير جزءاً منه..
وفي بعض الأحيان تعتاد عين الإنسان على بعض الألوان ويفقد القدرة على أن يرى غيرها ..
ولو أنه حاول أن يرى ما حوله لأكتشف أن اللون الأسود جميل .. ولكن الأبيض أجمل منه وأن لون السماء الرمادي يحرك المشاعر
والخيال ولكن لون السماء أصفى في زرقته ..



كم هو رقيق كلامك اخى آدم ولكنى اقول لك

انة لم يذهب منك شىء حتى الآن فأنت ما زلت صغير وانا احسد فيك همتك ولم اكن مثلك وانا فى عمرك فأدرك نفسك وكن على يقين من عون ربك ان أصدقتة القول والفعل


طالب رضاك 01:30 AM 13-02-2009

بسم الله الرحمن الرحيم






















.

dr_m367 hot 02:06 AM 13-02-2009

بسم الله الرحمن الرحيم

أخى الحبيب "ففروا الى الله"
اجزت واوجزت
ربنا يطمن قلبك
كلامك مية مية
الله يطمن قلبك
ومعاك حق لازم نرجع مواضيع قديمة وقصص نجاح

ويا أخ "آدم" الله يرضى عليك
والله أنا سعيد بيك وسعيد بكلامك وخصوصا كلامك الأخير
وان دل على شئ دل على انك والله هتنجح وربنا هيكرمك ايما كرم باذن الله
وياريت بجد تنضملنا وتفضل معانا وما تكونش مشاركة وعدت



في عالمنا اليوم، يعتبر السحر والحسد والمس وسحر تحقير شأن الإنسان من المواضيع التي تثير فضول الكثيرين. ويعتبر البعض أن هذه الظواهر والامراض تحمل في طياتها آثارا سلبية تؤثر على حياة الأفراد والصحة الجسدية والنفسية. هناك العديد من الطرق والتقاليد التي تعنى بعلاج هذه الامراض، سواء كانت عبر الطب الروحاني، أو الطب البديل، أو الطب النفسي. يمكن العثور على بعض النصائح والطرق الفعالة في التخلص من تأثيرات هذه الامراض عبر زيارة مواقع إلكترونية متخصصة، مثل:

1- علاج السحر: تفصيل حول الطرق التقليدية والروحانية لعلاج تأثيرات السحر.
2- علاج الحسد: نصائح وأساليب للوقاية من الحسد وكيفية علاجه والتعامل معه.
3- علاج المس: استعراض للطرق التي يمكن أن تساعد في التخلص من تأثيرات الشياطين والمس الشيطاني.
4- علاج سحر تحقير شأن الإنسان: نصائح حول كيفية التغلب على تأثيرات وعلاج سحر التحقير الذي يستهدف شأن الإنسان.
5- أخطر أنواع السحر: استعراض لأنواع السحر الأكثر خطورة وكيفية التصدي لها.


الرقية الشرعية هي استخدام القرآن الكريم والأدعية النبوية المأثورة والأذكار الشرعية في علاج الأمراض الروحانية والنفسية والجسدية، وذلك بما يتوافق مع التعاليم الإسلامية، وتعتبر الرقية الشرعية أسلوبا معتمدا وفعالًا للتداوي والحماية والتحصين من الامراض الروحانية مثل السحر والحسد والعين والمس، والكثير من الاضطرابات النفسية.



1 2 3