المثلى وما بعد الزواج !!!! هل هيكون بين جنة ونار ؟


1 2 3 
قسم علاج الشذوذ الجنسي - المثلى وما بعد الزواج !!!! هل هيكون بين جنة ونار ؟
dr_m367 hot 11:16 PM 18-02-2009

بسم الله الرحمن الرحيم

السلام عليكم ورحمة الله وبركاته
الأخوة الأحباء
المجاهدين لأنفسهم الراجون رحمة الله
مش عارف حسيت إنى عاوز أتكلم فى الموضوع اللى هتقروه دلوقتى
احنا دايما بنتكلم عن خوف المثلى من الزواج ونقعد نطمن قلبه ونقولله إزاى يوجهة شهوته لما احل الله له من بنات حواء
لكن المرة دى مش موضوعنا
أنا حابب نتكلم ايه اللى هيحصل بعد الزواج
تعالوا كدا نتخيل سويا قصة شاب مبتلى تائب تزوج وبدأ مرحلة جديدة فى حياته
واليكم القصة الخيالية

كان ياما كان
يا سعد يا إكرام
وما يلحى الكلام
إلا بذكر النبى عليه الصلاة وأفضل السلام


الاسم : واحد من الناس
العمر : مش مهم (وانتم مالكم)
العمل : استاذ فى شيل الهم
الأحلام : أعيش سعيد بالطاعة
الحالة الاجتماعية: متزوج جديد
الحالة المزاجية : أنتم اللى راح تقولوها

واليكم قصة الاستاذ "واحد من الناس"
انا واحد من الناس
عشت طول عمرى فاكر انى الوحيد اللى فى العالم دا كله عنده مشاعر مثلية ولما عرفت انى مش لوحدى افتكرت نفسى هفضل طول عمرى كدا فى تخبط
مش هقول ايه اللى خلانى كدا لان دا مش موضوعى ولانى خلاص نسيت اللى فات
لكن هبدأ من لحظة مهمة
لحظة ما مالقيتش قدامى غير انى مش هقدر اعيش طول عمرى راهب
ومهما جاهدت نفسى فلازم هقع فى مرة من المرات لو انا فضلت سايب نفسى ومش عاوز ابحث عن حبل نجاة
فكرت فى الجواز وقولت لنفسى لا اتجوز دا ايه
مش أنا اللى اتجوز
ودى تيجى يا عيب الشوم انا اتجوز
انا لالالالالالالالالالالا
لا مش انا
بس قولت لنفسى طيب ما احاول اوجه تفكيرى لبنات حوا
ونجحت فى دا
وقررت اتزوج بمجرد ظروفى المادية تتحسن والاقى بنت الحلال اللى راح اقتنع بيها وبدينها وباخلاقها ورقتها
شوفت دى ودخلت بيت دى واستخرت ربنا بين دى ودى
لحد ما ربنا كرمنى بواحدة الحمد لله عمرى ما كنت احلم بيها وانا راضى بيها وفرحان وعاوز افرحها زى ماهى بتفرحنى
خطبت اللى ارتحت لها شكليا ونفسيا وخلال الخطوبة ازاد تعلقى بها
صحيح مش تعلق جنسى بس حبيتها لانى لقيت فيها الحنان
سرعت من كتب الكتاب وبدأت اوجه تفكيرى فيها واتخيل علاقتى الحميمة بها
وفى نفس الوقت بدأت شهوتى للرجال تقل قوى بس ما انكرش انى ساعات كنت بحس بيها
المهم
تزوجت
ونجحت
وخلفت
وموضوعى هنا ما بعد الزواج ايه الافكار اللى هتجيلك


dr_m367 hot 11:19 PM 18-02-2009

بسم الله الرحمن الرحيم


شوفوا يا جماعة
انا واحد متزوج حسيت وعرفت متعة ومعنى الزاوج الطاهر
وفى نفس الوقت لازلت بحس ببعض الشهوة تجاة الرجال وعارف انها شهوة دقايق وتعدى وبعدها الواحد بيشعر بفتور وقرف وتقزز عكس الفرحة والراحة اللى الواحد بيحس بيها بعد الجماع الطاهر مع الزوجة

طيب فكروا معايا وشوفوا انا فكرت ازاى؟؟؟


بعد فترة من الزواج بدأت احس بحنين للشهوة المحرمة اه صحيح مش زى الاول بس اهو اللى حصل
المهم فى مرة حسيت بهذا الحنين وتلك الشهوة وكانت زوجتى عندها الدورة الشهرية
ففى لحظة ضعف سمحت لنفسى افتح موقع اباحى واتكلم مع شباب ارضاءا لشهوتى الحيوانية
وما ان انتهيت من الشات حسيت بضيق شديد وحسيت بانى ما استاهلش كرم ربنا ولا نعمته اللى انعمها عليا
ويوميها ما بقتيش عارف ابص فى وش زوجتى آه هى مش عارفة حاجة بس لاحظت توترى وان طريقة كلامى فيها شئ مختلف

حسيت لما ضعفت بفقدان امل
وقولت لنفسى ذيل ال..... عمره ما يتعدل
وفضلت معذب نفسى أيام وليالى
ودخلت فى دور اكتئاب شديد بسبب حزنى على ما فرطت فى جنب الله
وانى خونت الامانة
وما وفيت بعهدى مع ربنا
وقولت لنفسى لحد امتى هفضل كدا
ازاى اشعر بشهوة للرجال وانا متزوج
بقيت مضايق قوى من نفسى
بس فكرت وصليت ودعيت
ربنا هدانى لشئ
وهو
إنى سألت نفسى كام سؤال
اولهم:
هو ليه الرجالة بيتجوزوا؟؟؟؟

كانت الإجابة سهلة
لأن ربنا وجد فى قلوبهم شهوة النساء لتعمير الأرض بوسيلة فيها رضا ومتعة

ثانيهم:
طيب هل بعد ما يتزوج الرجال هل شهوتهم بتقتصر لزوجتهم فقط وتنتهى الشهوة وتكون محدودة على بنت الحلال وللا بيفضلوا يشتهوا البنات؟؟؟؟

كانت الإجابة سريعة
طبعا شهوتهم ما بتكون قاصرة على زوجاتهم وبيفضلوا يشتهوا النساء وعلشان كدا الشرع حلل اربعة والدليل على كدا الكلام اللى بنقراه عن الخيانة الزوجية والكلام دا
ثالث سؤال:
طيب ما انا راجل اهو متزوج وشاعر بشهوة تجاة زوجتى ومش شاعر تجاه واحدة تانية او لو شاعر تجاة اى بنت اخرى بحكم تعرفى على شهوة النساء فليست بالشهوة اللى تأرق مضجعى
يبقى ليه العجب والحيرة أو اليأس ؟؟؟؟؟؟

ربنا كرمنى ببلاء هيجعلنى مخلص لزوجتى وقادر اخليها تثق فيا وتحبنى
وفى نفس الوقت قادر وبأقل مجهود امنع نفسى عن الشهوة المحرمة تجاه الرجال
يبقى ليه ازعل وليه احس بنقص ؟؟؟؟؟؟
ما قدرتش ارد على نفسى وانكسفت من نفسى

والله لقيت كفة الميزان متساوية
ولقيت الرجال الغيريين بيفضلوا يعانوا ويجاهدو انفسهم من الشهوة لغير ما احل الله لهم
والرجال المثليين نفس الشئ بيجاهدوا انفسهم من الشهوة لغير ما احل الله لهم
ولكن مع الفارق
الرجالة الغيريين شهوتهم متأججة تجاة البنات
لكن الرجال المثليين التائبين اعتادوا على قمع وكبح شهوتهم فى الحلال وتجويل مسار التفكير الخاطئ للتفكير السليم وشهوتهم ليست بنفس الإشتعال كما هى فى حالة الرجال الغيريين
يبقى مين اللى هيقدر ينجح
حاجة اخيرة
الرجل الغيرى الشهوة المشتعلة بتجيله وشديدة بمجرد النظر لوجهة امرأة
أما الرجل المثلى شهوته للرجال فليست بهذه الطريقة قد يعجب بشكل معين ولكن يحتاج قبل الشهوة المشتعلة تفكير حتى تصبح الشهوة مأرقة

يبقى الهدف من كل الرغى دا ايه
إن الشهوة موجودة فى قلب كل راجل وإمرأة
ومش معنى ان فلان تزوج وعلانة تزوجت
إن دى نهاية طريق مجاهدة النفس
لا والف لا
والله كل شخص مهما كان راجل أو ست
يقدر يحدد نجاح زواجه
واللى أولا وأخيرا هيعتمد على صدقه مع ربنا
واخلاصه وابتغاء مرضاته
لأن اللى هيلعب بذيله سواء بقى غيرى أم مثلى كل على طريقته (وانتم فاهمين)
ما راح يجنى غير كل تعب وضيق وتشتت وتوتر فى علاقته بزوجته
ودا لأن طرق الغى ما فيش اكتر منها سواء مع راجل سواء مع ست
ربنا بيغضب على من يزنى وبيغضب على من يمارس اللواط
يبقى النتيجة واحدة وهى غضب ربنا
وتبعا لهذا
عقاب له فى الدنيا لو لم يتوب بنزع البركة ونزع الفرح والراحة من قلبه دا غير شعوره المستمر بعدم الرضا سواء تجاة زوجته ولو كانت ملكة جمال
وأيضا عدم رضا مع من يعصي سواء بقى رجل فى حالة المثلى أو إمرأة فى حالة الغيرى

ومن هنا نأتى لنهاية القصة
لما فكرت وسألت نفسى وجاوبتها
عرفت إجابة سؤال طالما كان بيأرقنى زمان وياريت تجاوبونى عليه بعد كل الكلام دا
ألا وهو :

المثلى وما بعد الزواج !!!! هل هيكون بين جنة ونار ؟؟؟؟؟



المحبط 11:36 PM 18-02-2009

بسم الله الرحمن الرحيم

والله يا اخي الحبيب

مقدرش افتي واتكلم في الموضوع دة

لاني مش متزوج

بس بتمنى دة يحصل

وسبحان الله

النهردة وانا ماشي في الشارع

فكرت في نفس الكلام

ان الزوج المريض بالميول المثليه

عمره ماهيخون مراته

ولا حتى بالشذوذ على الاقل على نفسي

اذا كان مرت فترة مراهقتي اللي فيها الشهودة متاججه بسلام

مش هقد بعد الجواز ارفض الشهودة دي

بتهيالي سهل

بس المشكلة

هل تستطيع معاشة زوجتك وانت غير مشتهيها؟؟؟؟؟

لرجو الاجابة من المتزجين منا؟؟؟

jamal 11:45 PM 18-02-2009

بسم الله الرحمن الرحيم

المثلى وما بعد الزواج !!!! هل هيكون بين جنة ونار ؟؟؟؟




لي عودة ايها العزيز

jamal 11:47 PM 18-02-2009

بسم الله الرحمن الرحيم

لك مني اجمل التحية اصدقها وارق الامنيات واعذبها

واطيب المنى واروعها

يا طيب يا بين ناس طيبيبن....

ليلة سعيدة

dr_m367 hot 11:51 PM 18-02-2009

بسم الله الرحمن الرحيم

اخى الفاضل "المحبط"
ربنا يكرمك يارب ويكملك بعقلك
أحب أقوللك إن انا كمان مش متزوج لاحسن تكون فاكر دى قصتى
لا انا مش متزوج
ولكن على يقين وثقة بالنجاح وان ربنا لن يخذلنى
وكمان تعالى هنا
انت بتسأل ازاى هتعيش مع زوجتك وانت مش مشتهيها
احب اجاوبك بكل بساطة
ومين قاللك انك هتتزوج واحدة مش هتشتهيها
ما تقلقش من النقطة دى
انت ساسا فى مرحلة عمرية ممتازة وتقدر توجه شهوتك لما احل الله لك من دلوقتى
فما بالك لما تخطب وتكتب كتابك
وتعيش الحب الطاهر مع انسانة بريئة طاهرة
غصب عنك هيكون جل تفكيرك كيف هتقدر تشبع رغباتها وساعتها هتعرف إن قصة "واحد من الناس"
كلنا هنعيشها وفيه منا اللى عايشها
وفرحان وراضى بزواجة
وعلى تمام اليقين بإن ضعفه مما كسبت يداه
وإن ضيقه هيكون نتيجة ما اقترفه وخذلانه لعهده مع الله
أما مسألة إنك هتعيش مع زوجتك وانت مش مشتهيها
فدا مش مجال للكلام لأنك عمرك ما هتدخل بيها من غير ما تبقى متأكد من نفسك
ودا وهم والله ما تفكرش فيه كتير
اجعل كل تفكيرك هو تعزيز ثقتك بنفسك ورجولتك واكتشاف فحولتك الكامنة اللى راح ترضى بيها بنت الحلال ان شاء الله
واعرف انك مش اقل من غيرك بالعكس والله انت تقدر تنجح اكتر من اى حد تانى
ودلوقتى هحيلك على رابط لموضوع مهم جدا للأخ "medo" وهو كيفية توجيه التفكير للجنس السوى

كيف تبرمج عقلك على الجنس السوي ... موضوع هام جدا

وأى سؤال عاوزه تستفسر عنه اكتبه فيه


ففروا الى الله 01:44 AM 19-02-2009

بسم الله الرحمن الرحيم

أنا دخت من كلامك يادكتور..........بس لقيت رد جمال عليك معبر عن اللى جوايا ف هكررة لحد ما ارد عليك بتفصيل..........

لك مني اجمل التحية اصدقها وارق الامنيات واعذبها

واطيب المنى واروعها


يا طيب يا بين ناس طيبيبن....

عبدالله 2007 05:34 AM 19-02-2009

بسم الله الرحمن الرحيم

وعليكم السلام ورحمة الله تعالى وبركاته
أخي الغالي والحبيب
حقيقة موضوع غاية في الأهمية
وسلمت يمناك على هذا الطرح الرائع بمحتواه

المثالي بعد الزواج ,,, هل هيكون بين جنة ونار ؟؟؟
من وجهت نظري ,,, نــــعــــم
المشاعر والاحاسيس المثلية ,,, يمكن السيطرة عليها ويمكن كبحها
لكن ,,, لا يمكن محوها بسهولة ,,, بل تحتاج إلى وقت طويل وصبر
الزواج " حقيقة لم أتزوج بعد "
لكن ,, يمكنني ان اتخيل فكرة الزواج
بعد الزواج ,,, عالم آخر مسؤليات كبيرة
منها الزوجه ومن ثم الابناء ,,, والشخص المثالي
سوف يكون معظم تركيزه على زوجته وأبنائه بشكل كبير
عندها لن يكون له وقت كافي للتفكير بمشاعر المثالية
لكن ,,, انا على يقين بأنه توجد أوقات وربما لحظات
على سبيل المثال ,,, شاهد شخص في السوق ,,, وأعجبه !!
قد يعاوده الشعور المثلي ,,, لكن كما ذكرت أخي العزيز
صدق النوايا والتقرب من الله جل وعلى ,, كافي بإذن الله للحد من هذه الأمور ,,,
وأيضا الأشخاص الغيرين ,,, لهم نصيب من ذلك
فالشخص الغيري المتزوج ,,, قد يرى فتاه جميلة ويعجب بها

فكلا الأمرين متشابهين
سواء مع الغريين أو المثليين هم بعد الزواج بين جنه ونار
والسلام عليكم ورحمة الله
أخوكم في الله ^^

MuchCraved 10:15 AM 19-02-2009

بسم الله الرحمن الرحيم

بصراحة موضوع جميل و جزاك الله خيرا كثيرا يا دوك
مع اني ما بدخلش على الموقع الا كل سنة مره و ما بقرأش اغلب موضيعه بس حقيقي هو فيا و ما بيطلعش ابدا
بس قولي الاول جبت المعلومات القيمة الواقعية ديه من فين يا دوك؟
فقد قال رسول اللع صلى الله عليه و سلم عن الزواج انه احصن للفرج و لم يقل انه يمنع صاحبه من عدم الوقوع في الرذيله، بل يعينه و يزيد من قدرة على مقاومت و تحجيم شهاوته، و الله المستعان

اما بالنسبة لسؤال الاخ مش"المحبط" باذن الله

هل تستطيع معاشرة زوجتك وانت غير مشتهيها؟؟؟؟؟

فأنا (من واقع تجربتي) هأختلف مع الشباب شوية! انا رأيي والله اعلم ان عملية المعاشرة ديه ممكن تجي مع الممرسة (طلما الشاب قدرة الجنسية طبيعية و مش بيعاني من اي خلل عضوي) فا زي ما قلت من قبل ممكن مع كبت كل طرق تنفيس الشهوة من غض بصر و ممارسة الرياضة إلخ و توجية الشهوة كلاها اتجه الزوجة و الدعاء مع تصحيح نيتك الى الله في هذا الزوج, بإذن الله ها تنجح
و هذا ليس متعرض مع فكرة التخيل و محاولة تغذية العقل الباطن بأفكار الايجابية كما اشار الاخوة بال بالعكس انا اوايدها تماما و لكني اصر ان يتم ذلك في طاعة و ان الله لم يجعل شفاء في محرم
و بصراحة ده لازم يكون محركك الاساسي "ارضاء الله" و إلا فما عزائك إن فشلت؟ (حد يقدر يجرء و يقول ان وصفته مضمونه؟) و لماذا المخاطرة و التغيير؟
إن مت و انت تحاول فانت شهيد
و ان فشلت و انت تحاول فأنت مهاجر
و ان زلت قدمك و تبت فانت اواب
و إن كتب لك الخلاص فأنت في الجنة
لقول الصديق لا امن مكر الله و لو كان احد قدامي على الصرات و اخرى في الجنة! فالحياة امتحان ولا ينتهي الا بالموت، فجنة او نار
علما ان "و ما كان الله ليضيع ايمنكم ان الله بالناس لرءف رحيم"
فأبشر اخي الكريم و استعن بالله و لا تعجز
و زد ثقتك بالله ثم بنفسك، و اعلم انك انت و زوجك كلاكما على اعتاب تجربة جديدة (الزوج) و الخطأ متوقع من كلا الطرفين و الخبرة معدومة لتقيمة (ده المفترض) فا طلما انك بتحاول بصدق و تتقي الله في نفسك و في زوجك، و اساسا احسنت الاختيار من الاول بواحده مناسبة من كل الاوجه(فظفر بذات الدين) فإن شاء الله الزيجة ديه هتكون زيجة طيبة ان شاء الله
و إن لم تكن كذلك فقد قدر الله و ما شاء فعل، فكم من الاسوياء جنسيا فشلوا في زواجهم؟ فالله المستعان و المهم في اخر الامر مش النجاح و الفشل النتايج عند الكونترول! المهم السعي يا جميل
اللهم اجعلنا من الذين يستمعون القول فيتبعون احسنه
و الله اعلم
سامحوني على الاخطاء الاملائيه و رقاقة الاسلوب، الجماعة الي عرفني يعرفوا السبب
سبحنك اللهم استغفرك و اتوب إليك

medo 03:45 PM 19-02-2009

بسم الله الرحمن الرحيم

بسم الله الرحمن الرحيم



أولا لازم أحيي الاخ الكريم الدكتور العميد على موضوعه الرائع ده ...
المثلي وما بعد الزواج ؟؟ هل هيكون بين جنة ونار ؟؟؟

هأرجع تاني واقول مش كل المثليين زي بعضهم ،، فيه مثليين بعد زواجهم هيعيشوا في جنة ،، وفيه منهم اللي هيعيش في نار حقيقية وفيه اللي هيفضلوا بين جنة ونار ،،،،،
الموضوع متوقف على ارادة الشخص وعلى قوة ايمانه وعلى قد فرحته وشكره لربنا على انه كرمه وخلاه يتزوج ويبدأ يعيش حياة طبيعية زي الناس العاديين ..
فعلا اي راجل غيري اما بيتزوج ويعيش مع مراته ،، صحيح هي مع ظروف الشغل والبيت والاولاد بتهمل نفسها شوية فبتلاقي الراجل عنيه رايحة جاية على كل البنات اللي بيشوفهم في الشارع او في العمل او في التليفزيون ،،،

فبرضه البعض هيتأثر بالبنات دول بس هيبقى مجرد نظرات وهيمتنع عن الخيانة الفعلية وكل شهوة بتحصله من بره هيفضيها مع زوجته ،،، وهيقعد بقى يقارن بين زوجته وبين البنات التانية اللي مهتمة بنفسها اكتر من زوجته ،، فده برضه بيبيقى عايش بين جنة ونار مع انه سوي ،، وفيه بقى اللي هيبقى ليه علاقات مع فتيات اخرى من ورا زوجته ، وده بقى هيبقى عايش في نار مع انه سوي ،، وفيه اللي هيحمد ربنا على كرمه بيه وعلى انه زوجه فتاة مناسبة ومحترمة وهيصون مراته وهيصون بيته وهيشوف جمال البنات كلها في مراته وهيشوفها هي ملكة حياته (( مع انه انسان سوي )) فده هيعيش في جنة بعد زواجه ....

يعني الخلاصة ان مش الزواج هو النهاية الفعلية للشذوذ ،، ومع ذلك فالزواج خطوة مهمة جدا ،، فالزواج هو الاثبات الفعلي انك ممكن تعيش حياة طبيعية وتعيش زي كل الناس ،،،، بس هيكون فيه حاجة بقى ،، انت قبل الزواج اما بتفكر في الشذوذ وفي الرجال بتضايق وتزعل وتحزن قوي ،،، بعد الزواج بقى الحزن والزعل ده هيتضاعف اكتر ،،، تخيل انت معاك مراتك اللي بتحبك وتقعد تفكر في راجل ،، هتقول لنفسك ايه ؟؟؟ أكيد هتستحقر نفسك اشد استحقار وتقول ايه اللي انت بتفكر فيه ده ،،،،،
الواحد قبل الزواج اما بيفكر في الشذوذ بيمتنع على طول ( زي ما اتفقنا ) وبيقول ماينفعش افكر كده علشان اعرف اتجوز واعيش طبيعي ،،، لكن بعد الزواج لما ييجي يفكر كده هيقدر يفرمل نفسه اكتر لانه فعلا متزوج وهيخاف جدا لاحسن زواجه ينهار ،،،
وكمان فعلا زي ما العميد قال انك عمرك ما هتخون مراتك ابدا مع اي بنت ،، وهتلاقي مراتك بتقعد تبص على عنيك اما تكونوا وسط بنات وهتلاقيها بتقولك :- عارفة لو لقيتك بتبص على بنت او بتكلمها هافطسها وافطسك ،،،
وده هيخليها لما تشوف بنات حواليك هتحاول هي كمان تتزين وتهتم بنفسها اكتر علشان ما تخليكش تروحلهم وتسيبها ،، فالموضوع ده برضه جاي في مصلحتك ،،،، وممكن يكون الموضوع ده موضوع لحوار هزار بينك وبينها ،،، هتلاقيها هي اللي بتوجهك للبنات اللي حواليك علشان ما تشوفهمش بس في نفس الوقت بتوجهك ليهم ...
أما الرجالة فانت من نفسك هتقرف من التفكير فيهم وهتقدر تفرمل نفسك صح ،،، الواحد كان بيشوف رجالة وبيفتح مواقع شاذة بس كان اما بيفضي شهوته بيمتنع فترة قبل ما بيرجع تاني فانت قدامك حل لو لقيت الافكار زادت قوي ،، يبقى بدل ما تفكر تفتح مواقع ،، ابقى اقعد مع مراتك قعدة رومانسية
،، هتلاقي حاجة تانية وأحسن بكتييييييييير ,...

لسه الموضوع مفتوح للحوار ..



في عالمنا اليوم، يعتبر السحر والحسد والمس وسحر تحقير شأن الإنسان من المواضيع التي تثير فضول الكثيرين. ويعتبر البعض أن هذه الظواهر والامراض تحمل في طياتها آثارا سلبية تؤثر على حياة الأفراد والصحة الجسدية والنفسية. هناك العديد من الطرق والتقاليد التي تعنى بعلاج هذه الامراض، سواء كانت عبر الطب الروحاني، أو الطب البديل، أو الطب النفسي. يمكن العثور على بعض النصائح والطرق الفعالة في التخلص من تأثيرات هذه الامراض عبر زيارة مواقع إلكترونية متخصصة، مثل:

1- علاج السحر: تفصيل حول الطرق التقليدية والروحانية لعلاج تأثيرات السحر.
2- علاج الحسد: نصائح وأساليب للوقاية من الحسد وكيفية علاجه والتعامل معه.
3- علاج المس: استعراض للطرق التي يمكن أن تساعد في التخلص من تأثيرات الشياطين والمس الشيطاني.
4- علاج سحر تحقير شأن الإنسان: نصائح حول كيفية التغلب على تأثيرات وعلاج سحر التحقير الذي يستهدف شأن الإنسان.
5- أخطر أنواع السحر: استعراض لأنواع السحر الأكثر خطورة وكيفية التصدي لها.


الرقية الشرعية هي استخدام القرآن الكريم والأدعية النبوية المأثورة والأذكار الشرعية في علاج الأمراض الروحانية والنفسية والجسدية، وذلك بما يتوافق مع التعاليم الإسلامية، وتعتبر الرقية الشرعية أسلوبا معتمدا وفعالًا للتداوي والحماية والتحصين من الامراض الروحانية مثل السحر والحسد والعين والمس، والكثير من الاضطرابات النفسية.



1 2 3