سؤال هام جدا جدا لكل من ابتلاهم بهذا المرض

السلام عليكمورحمة الله و بركاته
أولاَ:أحب أشكركم على هذا المنتدى الأكثر من رائع أنا فعلا أستفدتت منه كتير.ربنا يجزيكم كل خير ع مجهودكم العظيم
ثانيا:أحب أدعو لكل أعضاء المنتدى المبتليين بهذا المرض الملعون و قولهم ربنا معانا و أن شاء الله هيجزينا كل خير أن شاء الله
ثالثا: أنا أحب أوضح شئ أن أصعب حاجة المبتليين بهذا المرض أن ميأقدرش يقول لأى شخص أن مبتلى بهذا الأبتلاء و يكون الشخص بيحاول بجميع الطرق أن يخفى حقيقة مرضه عن أى أنسان حتى أقرب ناس ليه مش بيلاقى حد يشاركه آلمه خوفا من الفضيحة.
رابعأ:أنا عايز أسأل سؤال و يجاوبينى عليه جميع أعضاء املنتدى.
لحد أمتى هنكون نكده؟لحد أمتى هنتعذب بهذا المرض؟ هنتعذب سنه ولا سنتين ولا ثلاثة سنين ولا هنتعذب عمرنا كله؟
أنا من رأيى أنا أحنا هنتعذب بهذا المرض لغاية أخر يوم فى عمرنا هى دى الحقيقة و منحاوليش نهرب منها
وحتى لو فى أمل فى العلاج هيكون علاج صعب و طويل جدا
الواضح أن كل الأبواب مقفلة.مافيش غير باب واحد وهوه ندعى لربنا أن يخفف عننا هذا البلاء
منتظر أجابتكم ع هذا السؤال؟

السلام عليكم ورحمة الله وبركاته

اهلا بك اخي العزيز القلب الحزين ،،، ومرحبا بك في منتدانا العظيم ...

بالنسبة لحكاية ان اصعب حاجة اننا ما نقدرش نقول مشكلتنا لأقرب الناس لينا ،،، فده فعلا كلام صحيح وده شئ فعلا بيألمنا لكن الواحد اتعود على كده خصوصا اما اتعرف على المنتدى ده ولقى اخوة افاضل بيشاركوه افكاره وبيفضفضلهم ويحكيلهم مشاكله ويلاقي منهم دايما الاستجابة والدعوات المباركة ...
أما بالنسبة للسؤال لحد امتى هنكون كده ،، وهنتعذب لحد امتى ؟؟؟
فانا هارد عليك بسؤال :0 ايه رأيك لو لا قدر الله ابتلاك الله بفقد عينيك من صغرك وعرفت انك هتعيش عمرك كله في ظلام ،، احساسك هيكون ايه ؟؟؟؟
ايه رأيك لو قطعت ارجلك من صغرك وعرفت انك هتعيش عمرك كله على كرسى ؟؟ احساسك هيكون ايه ؟؟؟؟
طب هتعمل ايه لو كان ابتلاك الله بفقد العقل واصبت بالعته او الجنون طول عمرك ؟؟ طبعا مش هاسألك على احساسك ساعتها لان مش هيكون عندك احساس او تفكير ؟؟؟
فابتلاءنا نعمة من الله لينظر من يصبر ومن يعترض ،،، دعاءنا جميعا ان يزيح همومنا ويريح افكارنا وان يشفينا من الشذوذ وان يكتب لنا العافية والسعادة في الدنيا والاخرة ..


ميدو

اشكر الاخ على طرحه الموضوع.بالنسبة لسؤالك الاول ان المثلي لا يستطيع ان يعترف بمرضه لاي شخص.ساجيبك ان المثلي يعترف بمثليته في حالة و احدة فقط و هي حالة العشق .وهده حقيقة فادا سقط المثلي في غرام شخص تراه يحاول بطريقة مباشرة او غير مباشرة يعترف لمعشوقه ضاربا بعرض الحائط كل القوانين و الاعراف.لان الحب ليس له قوانين.لهدا نرى جميع الاعضاء يحتون على الابتعاد قدر الامكان على كل مايؤدي الى العشق.اما غير دلك ارى ان المثلي لا يمكن ان يعترف بمثليته لاي شخص مهماه كان مقدار الصداقة او القرابة التي تجمعه باي شخص.اما بخصوص سؤالك الثاني فانا كدلك اطرح هدا السؤال هل سنبقى نتعدب طول عمرنا بهاته المشاعر حتى و ان تزوجنا و انجبنا و هدا يخيفني.اما بخصوص ما قاله الاخ ميدو فانا لا اتفق معه فلا يمكن ان نقارن الاحاسيس المثلية .بشخص فقد عينيه او ارجله.لان هاته الاعاقات جسدية و شتان بين الجانب النفسي و الجسدي.ومن جهة اخرى ان الجميع يعترف له انها اعاقة من عند الله و يجد كل الدعم و المساعدة من المجتمع.و يستطيع ان يعيش حياته الطبيعية.اما بخصوص من فقد عقله فهو في نهاية المطاف لا يدري شيئا و لا يتالم.اما المثلية كابتلاء فانا ارى ان لها خصوصيتها .ولا ارى اي ابتلاء يضاهيها سواء من حيت الالم النفسي الدي تتركه لصاحبه.وهي الابتلاء الوحيد الدي لا تستطيع حتى البوح به .و يجب عليك اخفائه.وهي الابتلاء الوحيد الدي يكون فيه الضحية هو الجاني.لهدا انا اصنفها الرقم 1 في جميع الابتلاءات .

السلام عليكم ورحمة الله وبركاته
الأخ الفاضل " القلب الحزين "
قبل كل شئ برحب بيك بينا ووسطنا
اهلا بيك وسط اخواتك اللى بيعانوا من اللى انت بتعانى منه
اهلا بيك وسط اخواتك اللى حاسين بكل كلمة بتقولها
اهلا بيك وسط اخواتك اللى تجرعوا من عذاب هذا البلاء مر الكؤس
أخى الفاضل
أنا مشاركتى معاك هتكون مختلفة
انا هقلب الموضوع هسألك وأنت هتجاوبنى وبعدها هجاوبك إن شاء الله
أخى صاحب القلب الحزين
اولا الله يسعد قلبك ويخفف حزنك
وتفائل الخير دائما تجده ان شاء الله
أخى الفاضل
بالله عليك مش لما بتقعد مع نفسك بتقعد تفكر فى حالك واللى جرالك ؟
وتفضل تسأل نفسك إيه اللى خلانى كدا ؟؟
ولو ما كنتش كدا كنت هعيش ازاى حياة طبيعية
بتحس انك وحيد ولو كنت وسط آلاف من البشر
بتحس ولو حتى وسط أهلك وبيتك
إنك فجأة عاوز تسيبهم وتقفل على نفسك حجرتك وتسرح فى التفكير؟؟؟
لما بتشوف جيرانك بيصلوا معاك فى المسجد
وللا حتى زمايلك فى الجامعة او المدرسة
بتحس بنغصة فى قلبك لكونك مش قادر تبقى زيهم؟؟؟؟
بتحس بانك اقلل من كل الشباب ولو حتى كنت متفوق ومحبوب ولك حضور واجتماعى واقصد أقل منهم لكونك حاسس انك مش عارف تعيش وتفكر زى ما هم بيفكروا رجال طبيعين؟؟؟؟؟
بتحس وانت مثلا فى محاضرة انك فجأة عاوز تسيبها علشان لقيت نفسك مش عارف تنسجم مع الشباب وكل انسجامك معاهم بيبقى فيه شئ من التمثيل؟؟؟؟؟؟
لما بتشوف عروسين وللا حد قريبك وللا جارك بيتجوز بتحس بخيبة أمل وساعات تحس ان مالكش لازمة فى الحياة؟؟؟؟؟؟؟
هل دعيت قبل كدا ان ربنا ما يطولش فى عمرك علشان انت مش قادر تعيش بين نارين
نار انك نفسك تعيش المثلية ونار نفسك الطاهرة ودينك اللى مانعك من انك تغضب ربك؟؟؟؟؟؟؟؟
بتحس بانك من جواك فيه تناقض ودا شئ تاعبك ؟؟؟؟؟؟؟؟؟
ووانت ساجد بين ايد ربنا بتتمنى انك تغمض وتفتح تلاقى نفسك فى الجنة وميت على طاعة ؟؟؟؟؟؟؟؟؟؟؟؟؟
عارف انك محتااااااااااااااااااااااااااااااااااااااااااااااا اار
ومش عارف آخرة المشواااااااااااااااااااااااااااااااااااار
حاسس بيك أخى والله حاسين بيك عارفين قد ايه انت شاعر بمرار
أخى صاحب القلب الحزين
عاوز اعرف منك قبل ما اجاوبك
فكرت في ايه ؟
عاوزك تطلعها من عندك قبل ما اقوللك
قولت لنفسك ايه ؟
طيب الحل اللى انت فكرت فيه كان ايه؟
بس قبل ما تجاوبنى
احب اقوللك
انى والله العظيم وربنا يشهد على كلامى
انا كمان كنت فى الضياع
وكنت فاقد الأمل فى الحياة
وفاقد الامل فى نفسى وفى انى اتغير
ذقت من ويلات وعذاب تلك المشاعر ما ذقت
كان على قلبى
هم ما يتلم زى ما بنقول
كنت بمثل قدام اهلى انى كويس ومفرفش وطبيعى جدا
ومن جوايا بتألم ومجروووووووووح لكونى مش عارف اتكلم
مش عارف اصرخ
كاتم الالم
حابس النفس
مش قادر اعبر عن اللى جويا
ودا طبعا لان ما ينفعش نقول لحد
اتفق مع ان بلائنا يعتبر من اصعب الابتلاءات
لاننا فعلا زى ما قال الاخ الكريم علاء كريم


لكن ربنا يشهد انى الآن مش معتبر نفسى مبتلى بهذا البلاء
اكيد فيه افكار ووساوس
بس انا اللى بتحكم فيها
وعارف ان المشوار فى اوله بيبقى صعب
لكن والله يا ابو قلب ان شاء الله سعيد مش حزين
والله المشوار ما هو مستحيل
وعلشان ما اطولش عليك واكون خليتك تقعد تقرا من غير ما اجاوبك
اقدر اقوللك
ان لحد امتى دى
انت اللى هتحددها
لحد امتى هتفضل كدا
انت اللى هتقررها
لحد امتى هتتعذب
انت اللى هتقوللها
بشطارتك وعزيمتك وصدقك فى الخلاص وهمتك العالية والنجاة هى اللى بتحدد مصيرك
صبرك وعدم جزعك وتريثك فى اتخاذ القرارات هى اللى بتعين
أما يأسك وعدم أملك وكسلك وشعورك بالاحباط هيحبسك فى السجن اللى مالهوش اقفال
عمرك شوفت سجن بابه مفتوح على مصراعيه
والمسجون هو اللى بيقرر يا يخرج يا يتنه جواه
هسيبك دلوقتى تفكر
وانا على علم انك مش محتاج تفكر
علشان انت لو ما كنتش فكرت
لا كنت اشتركت ولا كتبت الموضوع
بس هى مسألة تحريك العزيمة
وشغف البحث والتفكير
وربنا يسعد قلبك الحزين
ويملأه بالفرح والسرور
ويجعل ايامك كلها افراح
ويشيل همك وهمنا معاك ويفك كربك وكربنا معاك
واحب اقوللك يا اخى
ان ربنا وحده يعلم انا كنت فين وبقيت فين
طلب اخير قبل ما امشى ادعيلنا معاك
وما تتأخر علينا
واعتبرنا فعلا اخواتك اللى مش عاوزين منك اى حاجة غير انهم يشوفوك سعيد
وياريت ما تبقاش مشاركة وعدت
لا
تفضل معنا طول عمرك
والله يا اخى شعورك بوجود متنفس لك بتتكلم فيه وبتعبر فيه عن اللى جواك
وكون يكون لك اخوة ما يبكونوا عاوزين لك غير الخير وبيجتمعوا على الحب فى الله والطاعة وتبادل النصائح والآراء والتشجيع علىالثبات
شعور لا يقدر بثمن
وكفى بها نعمة فى الدنيا والله
آسف انى طولت عليك من غير ما اشفى عليلك
لكن لسة يا بابا
الجيات اكتر من الريحات
وللا إيه
فى حفظ الله اخى
ويارت تدعى معانا بهذا الدعاء

أخوك اللى يتمنى يشوفك سعيد
dr_m367 hot
واقبل من دى وما تكسفنيش

ودى علشان الفطار اوعى تاكلها لوحدك من غير ما تدعى

وصوما مقبولا وافطارا شهيا

وعليكم السلام ورحمة الله تعالى وبركاته

اهلا أهلا بأخي " القلب الحزين "
أهلا وسهلا بك في بيتك الثاني بين إخوانك ^^

* شكرا جزيلا من القلب لك اخي الكريم ,, على كلامات الرائعة
عسى الله يشفي ويعافي الجميع من كل داء.

* أخي انا أوافقك الرأي في النقطة الثالثة تماما ,, لأنني عشتها وما
زلت أعيشها ,,, فوالله سألت كثيرا عن أشياء غامضه بي ,, ولكن
بنظري لا فائدة من إخبار القريب ,, لأن إخبارة بهمي سيزيد همه أضعاف.

* أخي العزيز بالنسبة لآخر نقطة ^^
أخي انا لا املك إجابة لسؤالك ,,, أخي العزيز انت من تمتلك الإجابة
أنت من تقرر بناء حياه جديدة أو تدمير حياتك بذاتك ,,, أخي إن تعذبنا
في هذه الدنيا فعلم أن الله جل وعلى قد أحبك وقد إبتلاك ليختبر إيمانك
لذا كن أقوى من هذا البلاء ,,, والأهم لا تقطع الدعاء ,,, لأن الله خلق
الخلق كي يذنبو ومن ثم يدعون الله ليرحمهم ,,,, وختاما ^^
اخي العزيز ,,, لا أدري كم عام سوف أتعذب مع هذا المرض
لكن الله وحده من يعلم ,,, والدعاء ثم الدعاء
عذرا على الإطالة ^^"
في أمان الله

مرحباً بك أخي ...

حللت أهلاً و نزلت سهلاً

اخي يا صاحب القلب الذي أسأل الله ان لا يكون حزينا بعد اليوم

لقد لامست شغاف القلوب وفتحت مما ستر فيها ما ان ظل دفينا في القلب لزاد الحرقة اّلام واّلام

نعم هنا فضفض اخي كي ترتاح وتخفف من همومك بين من هم لا يسمعونك فقط بل يشعرون بكل كلمة تكتبها

قبل اقل من نصف ساعة كنت مستلقيا افكر في نفس سؤالك الاخير واقول(اذا ما تزوجت وظللت كما انا طوال عمري فكيف ستكون حياتي )
صعب ان اجد جوابا لان تجارب من هم مثلنا كثيرة متنوعة وكل واحد منا ستظل حياته مختلفة وان كانت القصص متشابهة

في هذه الأيام كثيرا ما اكون متضايقا افكر في اني اريد الزواج كاقراني ويحس بي الاخرون من اصدقائي واجيبهم بأجوبة قريبة من ما اعانيه لكنها تدل على اني طبيعي ولست شاذا فأتالم لاني لا استطيع ان اعطيهم القصة كاملة

لي اصدقاء يعرفون بامري ارتاح حينما اخبرهم كلما تقدمت او فكرت بامر جديد ولكني لا اعتقد انهم يفهمونني مثلكم

اخي الحبيب بل واخواني أجمعين قد نكتب هنا ليزيد بعضنا بعضا عزيمة واصرار وقد نغادر هذه الصفحات والأفكار تعصر أذهاننا عصرا ....الا ان حبالا موصولة بيننا هي اخوة ودعوة في ظهر الغيب تريح قلوبنا كثيرا فما اعظم ان تشعر ان هناك من يشاركك فرحتك وحزنك..... هم بعيدون مكانا ولكنهم قريبون قلبا ....

لاتنسونا عند افطاركم وفي قيامكم وخلواتكم يا اخوان الدرب السعيد

السلام عليكم ورحمة الله وبركاته
اين انت اخى صاحب القلب (؟؟؟)
ما رديت علينا بعد؟؟؟
منتظرينك
وبنشد على ايدك
انك ما تعتبرها مشاركة وعديت
فى حفظ الله
أخوك
dr_m367 hot

السلام عليكم

السلام عليكم
انا بس كنت عاوز اقول حاجه احنا لى دايما مصرين ان احنا نفكر نفسنا بى الابتلاء دا ؟ انا عارف ان هوا حقيقه و لازم نعيشها بس نحاول على قد ما نقدر لما تيجى السيره و تفكرنا بالى حصل نبعد عنها على قد ما نقدر. انا كنت داخل على المنتدى عادى و لما قريت المقال بتاع الاخ القلب الحزين
انا بجد افتكرت كل الى فات و بجد حسيت انى معملتش اى حاجه . عارف ان الواحد غصبن عنه يفتكر لما يشوف اى حاجه من الى اتقالت بس دا واقع فى حياتنا و انا احاول اشغل تفكيرى وقتها باى حاجه عشان انسى الى انا شفته . و انا كانت اول حاجه وقفت معاى فى طريقى انى اتغير انى فاكر كل حاجه حصلت ومش عارف انساها الاول كنت فرحان بيها لاكن دلوقتى لا طبعا انا عاوز اتغير .
انا الحمد تقريبا معدش عندى مشكله شوى غير انى ممكن اعشق من غيير ما احس .
رجاء يا جماعه نحاول ننسى على قد ما نقدر عارف ان هيا اصعبه و مش سهله بس هوا دا الى نقدر على لازم نحاول عشان نعرف نكمل حياتنا.......

ana.....................yoyo